Վերցրե′ք Ձեզ հետ Ձեր Visa Signature քարտը ճանապարհորդելիս և եղե′ք հանգիստ ու վստահ ամբողջ աշխարհում:

Ինչպես ճանապարհորդելիս, այնպես էլ առօրյա կյանքում Դուք կարող եք օգտվել Visa Signature քարտի բոլոր առավելություններից, ինչպիսիք են.

• Ճանապարհորդական ապահովագրություն
• Գնումների ապահովագրություն
• Միջազգային բժշկական և տեղեկատվական աջակցություն
• Անվճար մուտքեր օդանավակայանների LoungeKey սպասասրահներ
• Concierge ծառայություն
• Հատուկ առաջարկներ միջազգային ապրանքանիշերից
• Հաճախորդների աջակցության միջազգային ծառայություն (Global Customer Assistance Service (GCAS))

Visa Signature քարտը տալիս է հնարավորություն՝

• Կատարել Քարտից-քարտ փոխանցումներ բանկոմատների միջոցով,
• Կատարել թոքենիզացված քարտերով գործարքներ,
• Ստանալ Ձեր քարտով կատարված վերջին տասը գործարքների քաղվածքը բանկոմատների միջոցով,
• Դիմել քարտով վարկային գծի ստացման համար,
• Ցանկության դեպքում ակտիվացնել SMS-տեղեկացման ծառայությունը և այլն:

Visa Signature քարտը հանդիսանալով PayWave տեսակի քարտ ունի նաև հետևյալ առավելությունները.

• Visa payWave քարտով վճարումը կատարվում է արագ
• Մինչև 20,000 դրամ վճարման դեպքում PIN կոդ չի մուտքագրվում
• Քարտով վճարում իրականացնելիս կարիք չկա այն փոխանցել սպասարկողին կամ մտցնել տերմինալի մեջ և ստորագրել անդորրագիրը:

Ամբողջ աշխարհում օրեցօր ավելանում են Visa payWave քարտերով սպասարկվելու հարմարավետությունն առաջարկող առևտրի կետերի թիվը, և այսօր Visa payWave քարտերը սպասարկվում են աշխարհի հազարավոր առևտրի և սպասարկման կետերում:

Visa payWave տեխնոլոգիան հնարավորություն է տալիս կատարել առանց կոնտակտի վճարումներ` պարզապես մոտեցնելով քարտը հատուկ տերմինալներին:

• Սպասարկման միջնորդավճար – 4000 ՀՀ դրամ ամսական կամ 40 000 ՀՀ դրամ տարեկան
• Արժույթ – ՀՀ դրամ, ԱՄՆ դոլար, եվրո
• Վարկային գծի հնարավորություն – 500 000 ՀՀ դրամից մինչև 18 000 000 ՀՀ դրամ
• Վարկային գծի տարեկան անվանական տոկոսադրույք¹ – ՀՀ դրամ արժույթով քարտեր՝ 18%
• Վարկային գծի տարեկան փաստացի տոկոսադրույք - ՀՀ դրամ՝ 13.7%
• Բանկի բանկոմատներից և POS տերմինալներից կանխիկացման միջնորդավճար – 1%
• Կից քարտի տրամադրում – 25 000 ՀՀ դրամ տարեկան
• Ոչ ռեզիդենտ ֆիզիկական անձ հաճախորդներին առաջին բան­կային հաշվի (ընթացիկ, քարտային, ավանդային) բացման դեպքում գանձվում է միանվագ միջնորդավճար՝ 15,000 ՀՀ դրամ, բացառությամբ այն դեպքի, երբ հա­շիվը բացվում է Բանկի սովորական (հասարակ) բաժնետոմսեր ձեռք բերելու կամ վերջիններիս բաժանորդագրվելու համար։

^{1Եթե Բանկի կողմից աշխատավարձերի սպասարկման ծրագրերի շրջանակներում այլ բան սահմանված չէ:}

Ծանոթացեք ավելի մանրամասն Visa Signature քարտի տրամադրման և սպասարկման բոլոր սակագներին

Ծանոթացեք Վճարային քարտերի տրամադրման և սպասարկման պայմաններին:

Քարտերի սակագների նախկին պայմաններ։

Ճանապարհորդական ապահովագրություն

Visa Signature քարտի հետ տրամադրվում է ճանապարհորդական ապահովագրության տարատեսակ ծածկույթներ, որոնցից օգտվելու համար անհրաժեշտ է, որպեսզի ճանապարհորդական տոմսերի և/կամ հյուրանոցի վճարումները կատարված լինեն Visa Signature քարտով:

Ճանապարհորդական ապահովագրությունը հնարավորություն է տալիս ճանապարհորդության ընթացքում պաշտպանված լինել մի շարք դեպքերից, ինչպիսիք են՝ հիվանդություն, ուղեբեռի ուշացում, թռիչքի ուշացում, թռիչքի բաց թողում, հարձակում, գումարի կորուստ և այլն: Նման դեպքերում ապահովագրությունը կատարվում է ֆինանսական փոխհատուցման տեսքով:

Քարտապանին տրամադրվում է նաև ապահովագրության առկայությունը վկայող հավաստագիր (Certificate of Insurance), որը քարտապանը կարող է ձեռք բերել մուտք գործելով այստեղ:

Ապահովագրական պատահարի դեպքում քարտապանը պետք է կապ հաստատի աջակցման ծառայության հետ +7 (495) 937 6453 միջազգային հեռախոսահամարով կամ visaclaims@crawco.pl էլեկտրոնային հասցեով:

Ապահովագրական ամբողջական պայմաններին կարելի է ծանոթանալ այստեղ:

Քարտի ՊԻՆ կոդը տրամադրվում է քարտը պատվիրելիս քարտապանի կողմից ընտրված տարբերակով.

• թղթային, որի դեպքում ՊԻՆ կոդը տրամադրվում է փակ ծրարի մեջ,
• SMS հաղորդագրության միջոցով, որի դեպքում քարտապանի՝ SMS հաղորդագրության ստացման համար Բանկում գրանցված հեռախոսահամարին ուղարկվում է մեկանգամյա օգտագործման վեցանիշ կոդ, որն օգտագործվում է բանկոմատի միջոցով նոր ՊԻՆ կոդի սահմանման համար:

Քարտերի վերաթողարկումը կատարվում է մինչև քարտի գործողության ժամկետի վերջին ամսվա 10-րդ աշխատանքային օրը:

Քարտի վերաթողարկման մասին որոշումը կայացվում է Բանկի կողմից՝ հիմք ընդունելով քարտով կատարված գործառնությունների ծավալը, քարտի սպասարկման միջնորդավճարի վճարումները և հաշվին առկա միջոցները, իսկ վարկային գիծ ունեցող քարտերի դեպքում՝ նաև ժամկետանց օրերի քանակը:

Քարտը փակվում է քարտով նախկինում կատարված բոլոր գործառնությունները քարտային հաշվով ձևակերպելուց հետո երեք աշխատանքային օրվա ընթացքում՝ պայմանով, որ հաշվի մնացորդը բավարարում է քարտով կատարված գործառնությունները ձևակերպելու և դրանց համար Բանկի սակագներով նախատեսված միջնորդավճարները գանձելու համար:

Քարտի փակումը հնարավոր է իրականացնել միայն բոլոր դրամային պարտավորությունները կատարելուց հետո:

Քարտի գործողության դադարեցման դիմում ներկայացնելիս քարտը Բանկին հետ չվերադարձնելու դեպքում քարտապանը լրիվ ֆինանսական պատասխանատվություն է կրում քարտի գործողության դադարեցումից հետո մինչև քարտի գործողության ժամկետի ավարտը քարտով կատարված հավաստագրում (գործառնության կատարման իրավասության ստուգում) չպահանջող գործարքների համար:

• կանխիկ գումարի ստացման/մնացորդի հարցման գործառնությունից հետո հաճախորդը բանկոմատից չի վերցրել իր քարտը,
• տեղի է ունեցել բանկոմատի կապի խափանում կամ այլ տեխնիկական անսարքություն:

Բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին քարտը առգրաված մասնաճյուղի կողմից, եթե հաճախորդը ցանկություն չի հայտնում քարտը ստանալ այլ մասնաճյուղից:

Հայաստանյան այլ բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:

Արտասահմանյան բանկի քարտի առգրավման դեպքում 1 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է քարտապանին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:

Քարտը կարող է ապաբլոկավորվել միայն այն դեպքում, եթե Քարտապանը բանավոր կամ գրավոր հաստատում է տվյալ գործարքների իր կողմից կատարված լինելը:

Բանկը կարող է միակողմանիորեն բլոկավորել Քարտը՝ Քարտով տրամադրված վարկի կամ Բանկում այլ վարկերի գծով ժամկետանց պարտավորությունների առկայության դեպքում՝ մինչև ժամկետանց պարտավորությունների մարման օրվան հաջորդող առաջին աշխատանքային օրը, ինչպես նաև Պայմանագրով սահմանված կամ ՀՀ օրենսդրությամբ նախատեսված այլ դեպքերում:

Բանկը կարող է առանց Քարտապանին տեղեկացնելու բլոկավորել Քարտապանի Քարտը, եթե առկա է Քարտով զեղծարար գործարքների իրականացման վտանգ:

• Եթե Քարտապանի կողմից բողոքարկվող գործարքը կանխիկի ստացման գործարք է, ապա այն ենթակա է Բանկի կողմից բավարարման միայն այն դեպքում, եթե տվյալ բանկոմատը կամ կանխիկի տրամադրման կետը սպասարկող բանկն ընդունում է կանխիկ գումարի չտրամադրման փաստը:
• Եթե Քարտապանի կողմից բողոքարկվող գործարքը վճարման, ինտերնետի միջոցով իրականացված վճարման կամ Քարտի տվյալների ներկայացմամբ վճարման գործարք է, ապա այն ենթակա է Բանկի կողմից բավարարման, եթե Վճարային համակարգի կանոններով նախատեսված բողոքարկման գործընթացի շրջանակներում Բանկը հետ է ստանում բողոքարկվող գործառնության գումարը սպասարկող բանկից:
• Եթե Բանկը Քարտը սպասարկող վճարային համակարգի կանոններով նախատեսված բողոքարկման գործընթացի շրջանակներում որոշում է կայացնում չշարունակել բողոքարկման գործընթացը, սակայն Քարտապանը ցանկանում է դիմել բողոքարկման գործընթացի վերջին փուլին՝ դիմել տվյալ Վճարային համակարգի արբիտրաժային կոմիտեին, ապա արբիտրաժային կոմիտեին դիմելու համար սահմանված միջնորդավճարները, ինչպես նաև Վճարային համակարգի կողմից հօգուտ մյուս կողմի որոշում կայացնելու դեպքում Բանկի կրած ծախսերը փոխհատուցվում են Քարտապանի կողմից:

Բանկը պատասխանատվություն չի կրում.

ա) ուշացված, սխալ կամ չիրականացված գործառնությունների համար, որոնք առաջացել են առևտրի և սպասարկման կետերի կամ Վճարային համակարգի մեղքով կամ տեխնիկական պատճառներով, որոնք Բանկի ողջամիտ հսկողությունից դուրս են եղել,

բ) Բանկին չպատկանող միջոցներով իրականացված կանխիկացման կամ վճարման գործառնությունների ձախողման համար, եթե Բանկը ձախողման մեջ չի ունեցել մեղավորություն:

գ) Քարտի կամ Քարտի տվյալների միջոցով իրականացված անօրինական գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

դ) միկրոպրոցեսորային (չիպային) քարտով ՊԻՆ կոդի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

ե) ինտերնետի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

զ) այն գործառնությունների համար, որոնք կատարվել են Պայմանագրում սահմանված անվտանգության կանոնների խախտմամբ:

Է) Քարտապանի ու առևտրի և սպասարկման կետերի միջև առաջացած վեճերի համար:

ը) Հաշվի, ՊԻՆ կոդի, Քարտի համարի, գաղտնաբառի և Քարտի վերաբերյալ այլ տեղեկատվությունը Բանկից անկախ պատճառներով երրորդ անձանց հայտնի դառնալու համար:

Յուրաքանչյուր ամիս Բանկը Քարտապանին տեղեկացնում է նախորդ ամսվա ընթացքում Քարտով կատարված գործառնությունների վերաբերյալ` տրամադրելով նրան քարտային հաշվից քաղվածք:

Պարտավորությունները չկատարելու կամ ոչ պատշաճ կատարելու դեպքում Քարտապանի վերաբերյալ տեղեկատվությունը ՀՀ օրենսդրությամբ և Բանկի ներքին իրավական ակտերով սահմանված կարգով կտրամադրվի ՀՀ կենտրոնական բանկի վարկային ռեգիստրին և ԱՔՌԱ վարկային բյուրոյին: