1. ՀՀ դրամով

• Ֆիզիկական անձանց փոխանցումների կատարման միջնորդավճարը կազմում 200 ՀՀ դրամ
• Անհատ ձեռնարկատերերի փոխանցումների կատարման միջնորդավճարը կազմում 500 ՀՀ դրամ
• Շտապ փոխանցումներ՝ 10 000 ՀՀ դրամ

* Ծառայությունը մատուցվում է առանց սպասարկման միջնորդավճարի

• բյուջետային հիմնարկների համար ,
• «Հայաստան» համահայկական եւ «Զինծառայողների ապահովագրության» հիմնադրամների հաշվեհամարներին փոխանցումների իրականացման դեպքում,
• արժեթղթերի ձեռք բերման համար ՀՀ Ֆոնդային բորսայում նախնական դեպոնացման նպատակով փոխանցումների իրականացման դեպքում։

2. Արտարժույթով փոխանցումներ (ԱՄՆ դոլարով, եվրոյով)`

• Բանկի տարածքում` 5000 ՀՀ դրամ
• acba digital ինտերնետ բանկինգ համակարգով` 3000 ՀՀ դրամ

3. Ներբանկային փոխանցում՝

Ակբա բանկն իրականացնում է դրամական միջոցների փոխանցում ցանկացած արժույթով: Դուք կարող եք գումարներ փոխանցել ինչպես Ձեր հաշվից, այնպես էլ առանց հաշվի բացման: Ակբա բանկը հիմնել է թղթակցային հարաբերություններ առաջատար բանկերի հետ, ինչը հնարավորություն է տալիս վճարումները իրականացնել 1-3 բանկային օրվա ընթացքում:

Առաջատար բանկեր

• CREDIT AGRICOLE Corporate and Investment Bank (Ֆրանսիա)
• RAIFFEISEN BANK INTERNATIONAL AG (Ավստրիա)
• AO RAIFFEISENBANK (ՌԴ)
• ODDO BHF SE (Գերմանիա)
• Landesbank Baden-Württemberg (Գերմանիա)

Բանկը մշտապես ընդլայնում է թղթակցային բանկերի ցանցը, որը նպաստում է հաճախորդների փոխանցումների արագացմանը:

• Արտարժութային միջազգային փոխանցում իրականացնելու ժամկետը կախված է այն բանկերի թվից, որոնց միջոցով կատարվում է փոխանցումը, որպես կանոն տևում է 1-3 բանկային օր: Առանձին դեպքերում, կապված լրացուցիչ ստուգումների անհրաժեշտության հետ, նշված ժամկետը կարող է չպահպանվել:
• Ստացված փոխանցումները մուտքագրվում են հաճախորդների հաշիվներին անվճար։
• Փոխանցված դրամական միջոցների ստացման և փոխանցումների իրականացման համար հաճախորդը պետք է ներկայացնի անձը հաստատող փաստաթուղթ՝ ՀՀ Կառավարության 22.12.1999թ. թիվ 767 որոշման համաձայն։
• Արտարժութային միջազգային փոխանցում իրականացնելու ժամանակ Բանկը՝ համաձայն Բանկում առկա բանկային տեղեկագրերի, կարող է ինքնուրույն, առանց հաճախորդի նախնական համաձայնության ընտրել միջոցների փոխանցման ճանապարհը /միջնորդ բանկին/:
• Փոխանցված դրամական միջոցների ստացողին (շահառուին) չհայտնաբերելու դեպքում փոխանցված դրամական միջոցները, թղթակից բանկի կողմից, հետ են վերադարձվում փոխանցում կատարած բանկին: Դրամական միջոցների հետ վերադարձման ժամկետները և պայմանները կապված են թղթակից բանկերում գործող ներքին ընթացակարգային դրույթներից և այն բանկերի թվից, որոնց միջոցով կատարվել է փոխանցումը: Բանկը, հետ վերադարձված դրամական միջոցները մուտքագրում է փոխանցում իրականացրած անձի բանկային հաշվին, իսկ առանց բանկային հաշվի բացման կատարված փոխանցման դեպքում` փոխանցման հանձնարարականում նշված անձնագրային հիմքերով վերադարձնում է փոխանցում իրականացրած անձին:
• Հաճախորդի կողմից տրամադրված սխալ/թերի տվյալների հիման վրա (օրինակ` վավերապայմանների անճշտություն, փակված հաշիվ և այլն) ուղարկված գումարի վերադարձի դեպքում, փոխանցման իրականացման մեջ ներգրավված բանկերի հնարավոր ծախսերը կատարվում են հաճախորդի հաշվին:
• Բանկից անկախ պատճառներով հանձնարարականի կատարման արդյունքի անբավարարության դեպքում, վճարված միջնորդավճարը ենթակա չէ հետ վերադարձման:
• 01.01.2019թ-ից դեպի Արաբական Միացյալ Էմիրություններ կատարվող փոխանցման մանրամասներում նպատակից կախված՝ անհրաժեշտ է նշել նաև եռանիշ «Փոխանցման նպատակի կոդը»: Վերջինիս բացակայության դեպքում փոխանցումը կարող է շահառու բանկի կողմից չընդունվել կամ լրացուցիչ գանձումներ կատարվել:
• Բանկն իրավունք ունի չկատարել հաճախորդի կողմից ներկայացված թերի կամ ոչ պատշաճ ձևակերպված էլեկտրոնային վճարման հանձնարարականը: Տվյալ դեպքում առաջացած բոլոր ծախսերը կրում է հաճախորդը:
• Բանկը, գործարքը ՀՀ օրենսդրությամբ սահմանված կարգով կասկածելի դիտարկելու դեպքում, իրավունք ունի այն կասեցնել կամ հրաժարվել կատարելուց (այդ թվում՝ մերժել հաճախորդի հետ գործարար հարաբերության հաստատումը):
• Բանկը/թղթակից/միջնորդ բանկերը կարող են մերժել, կասեցնել կամ սառեցնել գործարքը, պահանջել լրացուցիչ տեղեկատվություն փոխանցման կողմերի, նպատակի վերաբերյալ՝ համաձայն իրենց ներքին իրավական ակտերի, ինչպես նաև միջազգային, ներպետական օրենսդրության պահանջների, ինչի համար Բանկը պատասխանատվություն չի կրում: Տվյալ դեպքերում առաջացած բոլոր ծախսերը կրում է հաճախորդը:
• Փոխանցման վավերապայմանների վերաբերյալ թղթակից բանկին տրված պարզաբանումների համար հաճախորդից գանձվում է Թղթակից բանկի կողմից գանձված միջնորդավճարին համարժեք ՀՀ դրամ։
• Առանձին անհրաժեշտ դեպքերում, ԱՄՆ դոլարով փոխանցումների համար Ակբա բանկն առաջարկում է երաշխավորված ՙOUR՚ (Guaranteed OUR) ծառայությունը, որի դեպքում փոխանցվող գումարից միջնորդ բանկերի կողմից լրացուցիչ գանձումներ չկատարելու համար, ի լրումն նշված միջնորդավճարի, գանձվում է լրացուցիչ վճար` 8,000 ՀՀ դրամ՝ յուրաքանչյուր փոխանցման համար:
• Փոխանցված արտարժույթը դրամի փոխարկելու և այնուհետև ստանալու դեպքում Ակբա բանկի հաճախորդներից գումարի կանխիկացման միջնորդավճար չի գանձվում: Արտարժույթով անկանխիկ մուտքից փոխանցված գումարը կանխիկ ստանալու դեպքում հաճախորդից գանձվում է կանխիկացման միջնորդավճար:
• Բանկը պարտավոր է տրամադրել յուրաքանչյուր փոխանցման կատարումը հավաստող փաստաթուղթ, որտեղ նշված կլինի փոխանցման գումարը, արժույթը, վճարված միջնորդավճարի չափը և այլ մանրամասներ:
• Ոչ հաշվետեր հաճախորդներին SWIFT համակարգով թույլատրվում է փոխանցել միայն մինչև 3000 ԱՄՆ դոլարին համարժեք գումար, իսկ Bank Mail համակարգով՝ միայն ՀՀ դրամով փոխանցումների դեպքում մինչև 5 000 000 ՀՀ դրամ (ներառյալ)՝ բացառությամբ ՀՀ պետական բյուջե կատարվող փոխանցումների, քանի որ վերջինիս դեպքում սահմանափակում չի կիրառվում:
• Եթե շահառուի հաշվի տվյալները ստացված են միայն էլ. հասցեի միջոցով, ապա զեղծարարությունից զերծ մնալու նպատակով առաջարկվում է մեկ այլ կապի միջոցով կապ հաստատել շահառուի հետ՝ հաշվի տվյալները կրկին ճշտելու նպատակով (տես՝ Անվտանգության Կանոններ):

Վճարման կամ փոխանցման ուշացման, չկատարման կամ մասնակի կատարման դեպքում կիրառվող կարգը

Բանկի կողմից վճարման կամ փոխանցման ուշացման, չկատարման կամ մասնակի կատարման դեպքում հաճախորդը իրավունք ունի դիմել բանկ՝ համապատասխան ուսումնասիրություն իրականացնելու և լուծում ստանալու նպատակով։

Նման դեպքերում բանկը գործում է գործող օրենսդրությամբ և իր ներքին ընթացակարգերով սահմանված կարգով, որը կարող է ներառել՝

• գործարքի ուշացման կամ չկատարման պատճառների ուսումնասիրում,
• վճարման կամ փոխանցման պատշաճ կատարում կամ վերականգնում,
• ինչպես նաև, անհրաժեշտության դեպքում, սպառողին պատճառված վնասի փոխհատուցում։

Բողոքարկման և ուսումնասիրության ժամկետները, ինչպես նաև բանկի պատասխանատվության շրջանակները սահմանվում են գործող օրենսդրությամբ և բանկի ներքին կարգավորումներով։ Սպառողին պատասխանը տրամադրվում է սահմանված ժամկետներում՝ կիրառելի ընթացակարգերին համապատասխան։
Մանրամասն տեղեկատվությունը վնասի փոխհատուցման, պատասխանատվության շրջանակների և համապատասխան դիմումների ներկայացման կարգի վերաբերյալ հասանելի է կայքի համապատասխան բաժնում։

Բողոքների ներկայացման կարգը վճարումների կամ փոխանցումների վերաբերյալ
Սպառողն իրավունք ունի բողոք ներկայացնելու իր կողմից իրականացված վճարումների և/կամ փոխանցումների հետ կապված հարցերի վերաբերյալ՝ սահմանված ժամկետներում՝ գործող օրենսդրությամբ և բանկի ներքին ընթացակարգերով սահմանված ժամկետներում։

Բողոքները կարող են ներկայացվել՝

• բանկի մասնաճյուղերում,
• պաշտոնական էլեկտրոնային հասցեի միջոցով,
• կամ այլ հասանելի հաղորդակցման միջոցներով։

Բողոքարկման ընթացքում կիրառվում են բանկի կողմից սահմանված ընթացակարգերը, որոնք ներառում են բողոքի ընդունումը, ուսումնասիրումը և պատասխան տրամադրումը սահմանված ժամկետներում։
Բողոքի ներկայացման մանրամասն կարգը և կիրառվող միջոցները հասանելի են համապատասխան բաժնում։

Վճարման հանձնարարականների ընդունման և կատարման ժամանակացույց

«Շտապ» պայմանով փոխանցումները կատարվում են նույն գործառնական օրը Bank Mail համակարգի միջոցով ժամը 15:00-ից 15:30-ը, իսկ Swift համակարգի միջոցով ժամը 16:00-ից 16։30-ը վճարման հանձնարարականը Բանկ ներկայացնելու դեպքում:

Acba Digital ինտերնետ բանկինգով ՀՀ տարածքում Bank Mail համակարգով մինչև 15։30-ը տրված վճարման հանձնարարականները կատարվում են նույն աշխատանքային օրվա ընթացքում։ Ժամը 15։30-ից հետո և ոչ աշխատանքային օրերին տրված հանձնարարականները՝ հաջորդ աշխատանքային օրը։

• Bank_Mail համակարգով ՀՀ դրամով, ԱՄՆ դոլարով, եվրոյով` ՀՀ տարածքում` 2,000 ՀՀ դրամ,
• SWIFT համակարգով.
  • ԱՄՆ դոլարով, Եվրոյով, այլ արտարժույթով` 25,000 ՀՀ դրամ,
  • ՌԴ ռուբլով, վրացական լարիով փոխանցումների համար` 10,000 ՀՀ դրամ:
• Եթե փոխանցումը Բանկից դուրս չի եկել, ապա պայմանների փոփոխման\չեղյալացման սակագինը չի գանձվում:
• Փոխանցման մեջ առկա սխալների ուղղումը, ինչպես նաև փոխանցման չեղյալացումը իրականացվում են հաճախորդի գրավոր դիմումի և անձը հաստատող փաստաթղթի հիման վրա փոխանցող և ստացող բանկերի հնարավորության սահմաններում և ժամկետներում, սովորաբար (ըստ եղած պրակտիկայի) դա կարող է տևել 2-ից 5 բանկային օր:
• Եթե փոխանցումը նախաձեռնող անձը ներկայացրել է կատարված փոխանցման չեղյալացման դիմում, սակայն ըստ կատարված հարցման միջոցներն արդեն վճարված են/հաշվեգրված են, ապա Բանկը չի կարող կրել պատասխանատվություն գումարների վերադարձման համար: