• Ակբա բանկը հանդիսանում է Արժեթղթերի հաշվառման և հաշվարկային միասնական համակարգի անդամ, որին «Հայաստանի կենտրոնական դեպոզիտարիա» ԲԲԸ կողմից շնորհվել է Հաշվի օպերատորի կարգավիճակ:
• Որպես Հաշվի օպերատոր, Բանկը միջնորդավորում է Կորպորատիվ արժեթղթերի պահառության ծառայությունների մատուցումը` կատարելով Հաճախորդի կողմից ներկայացված ցանկացած օրինական հանձնարարական, որը կապված է կորպորատիվ արժեթղթերի պահառության հետ:

Կորպորատիվ արժեթղթերի պահառության պայմանագիր կնքելու համար անհրաժեշտ փաստաթղթերի ցանկ.

ա) Հաշվետիրոջ լրացված քարտ, որը Հաշվետիրոջը կտրվի Բանկում,
բ) տվյալ ֆիզիկական անձի ինքնությունը հաստատող փաստաթուղթը, լիազորված ներկայացուցչի առկայության դեպքում նաև նրա անձը հաստատող փաստաթուղթը:

Ուշադրություն. Պայմանագրի կնքման ընթացքում հնարավոր է պահանջվեն լրացուցիչ տեղեկություններ և փաստաթղթեր, որը նպատակ ունի լավագույն կերպով ապահովել արժեթղթերի պահառության գործընթացի պատշաճությունը:

Կորպորատիվ արժեթղթերի պահառություն, «Հայաստանի կենտրոնական դեպոզիտարիա» ԲԲԸ արժեթղթերի հաշվառման և հաշվարկային միասնական համակարգում հաշվառվող արժեթղթերի պահառության միջնորդավորման ընթացակարգին կարող եք ծանոթանալ այստեղ:

Հայաստանի կենտրոնական դեպոզիտարիայի «Արժեթղթերի հաշվառման և հաշվարկային միասնական համակարգի գործունեության կանոններ»-ին կարող եք ծանոթանալ այստեղ:

Հայաստանի կենտրոնական դեպոզիտարիայի «Սակագների մասին կանոններ»-ին կարող եք ծանոթանալ այստեղ:

Հավելյալ տեղեկություններ ստանալու համար կարող եք զանգահարել (+374 10) 31 88 88 կամ այցելել Բանկի ցանկացած մասնաճյուղ:

Բանկի կողմից պետական արժեթղթերի շուկայում բրոքերային ծառայությունների մատուցումը ուղեկցվում է պահառության ծառայությունների մատուցմամբ:

Պահառության ծառայությունների մատուցման շրջանակում Բանկը՝

1. Հաճախորդի համար բացում և վարում է դեպո հաշիվներ, որտեղ հաշվառվում են հաճախորդին սեփականության իրավունքով պատկանող կամ օրենքով սահմանված այլ իրավունքով նրա կողմից տնօրինվող պարտատոմսերը:

Բանկը հաճախորդների համար բացում է դեպո հաշիվների հետևյալ տեսակները՝

• Ազատ

• Գրավով սահմանափակված

• Արգելադրված(կալանված)

• Գրավադրված/արգելադրված

2. Տրամադրում է քաղվածքներ և այլ տեղեկանքներ դեպո հաշիվներից,

3. Հաճախորդի առաջին իuկ պահանջով, ինչպեu նաև պահառության պայմանագրի դադարեցման դեպքերում Հաճախորդին տրամադրում է նրան պատկանող պարտատոմսերը` Հաճախորդի ցուցումով այլ պահառուի մոտ նրա դեպո հաշվին պարտատոմսերը փոխանցելու միջոցով:

Պետական պարտատոմսերի բրոքերային ծառայություններից օգտվելու համար անհրաժեշտ է դիմել Բանկի Կենտրոնական գրասենյակ` Արամի 82-84

Հեռ.: (+374 10) 31 88 88

Էլ.-փոստ: acba@acba.am