Եթե ունես գյուղատնտեսական բիզնես և ցանկանում ես ստանալ մշտապես հասանելի վարկային գիծ այն ընդլայնելու և զարգացնելու նպատակով, ապա ArCa Farmer քարտը քեզ համար է։
Քարտի սպասարկման համար վճար չի գանձվում։
Կարող ես օգտվել վարկային գծից քարտի միջոցով՝ պարզ և արագ։
ArCa Farmer քարտի վարկային գիծ՝ վճարումների և կանխիկացման համար։
2026 թվականի հունվարի 1-ից ՀՀ Ֆինանսների նախարարության և «Արմենիան Քարդ» ՓԲԸ-ի կողմից իրականացվող նախագծի, շրջանակում ArCa քարտերով ֆիզիկական անձանց կողմից կատարված անկանխիկ վճարումների դիմաց կտրամադրվի կատարված վճարումների հանրագումարի 2%-ի չափով հետվճար։
Հետվճարի հաշվարկման համար հիմք կընդունվեն բոլոր ArCa վճարային քարտերով (բացառությամբ ArCa Business քարտերի) իրականացված վճարային գործառնությունները, բացառությամբ ստորև նշվածների.
Տեղեկատվության, կապի և կոմունալ ծառայությունների դիմաց կատարված վճարումներ,
ՀՀ պետական և համայնքների բյուջեների օգտին կատարված վճարումներ,
Բարձր ռիսկային վաճառակետերում կատարված գործարքներ, այդ թվում՝
«Մեծահասակների համար նախատեսված բովանդակության»,
«Ծանոթությունների կայքեր և հարթակներ»,
«Խաղատներ և խաղային ծառայություններ»,
«Ազարտային խաղեր»,
«Կրիպտո փոխանակման, կրիպտո դրամապանակներ և այլ կրիպտո ծառայություններ»,
«Բարձր ռիսկային ֆինանսական առևտրային հարթակներ»,
«Թվային ֆայլերի պահեստավորման և հեռակա օգտագործման ծառայություններ»,
«Հեռախոսային մարքեթինգային ծառայություններ»,
«Ավտոմատ երկարաձգվող բաժանորդագրություններ»,
«Թանկարժեք մետաղների և քարերի առուվաճառք» սպասարկման կետերը,
ֆինանսական կազմակերպությունների կողմից առաջարկվող ծառայությունների դիմաց ֆինանսական հաստատությունների օգտին գանձվող ցանկացած վճարումներ և գործարքներ,
Ստացված հետվերադարձ, փոխհատուցումներ և հետգանձումներ։ Ընդ որում, հետվերադարձների, փոխհատուցումների և հետգանձումների հիմքում ընկած գործարքների դիմաց նախկինում վճարված հետվճարները նվազեցվելու են ընթացիկ ամսվա ընթացքում վճարվելիք հետվճարներից։
Հետվճարի չափը և սահմանաչափերը
Սույն նախագծի շրջանակում հետվճարը հաշվարկվում է յուրաքանչյուր 1,000 ՀՀ դրամը գերազանցող գործարքի դիմաց, ընդ որում՝ մեկ գործարքի համար տրամադրվող հետվճարի չափը չի կարող գերազանցել 6,000 ՀՀ դրամը։
Յուրաքանչյուր հաշվետու ամսվա համար հետվճարի առավելագույն չափը սահմանվում է 60,000 ՀՀ դրամ՝ անկախ շահառուի ունեցած ArCa քարտերի քանակից։
Կից քարտերով կատարված գործարքները գումարվում են հիմնական քարտով կատարված գործարքներին։
Հետվճարի մասով շահառուն հարկային պարտավորություն չի ստանձնում։
Հետվճարի փոխանցում
Հետվճարը շահառուի հաշվին փոխանցվում է՝ մինչև հաշվետու ամսվան հաջորդող ամսվա 25-րդ օրը։
Այն դեպքում, երբ շահառուն գործարքներ է կատարում մեկից ավելի ArCa վճարային քարտերով, հետվճարը կփոխանցվի այն բանկային հաշվին, որով կատարվել է հետվճարի հիմք հանդիսացող վերջին գործարքը։
Ֆիզիկական անձանց համար.
Ի՞նչպես կարելի է դիմել քարտի ձեռքբերման համար
Տարբերակ I | Տարբերակ II |
Լրացնել քարտի online դիմում այստեղ | Այցելել Բանկի ցանկացած մասնաճյուղ |
Որքա՞ն ժամանակ է անհրաժեշտ քարտի ձեռքբերման համար:
Քարտի և քարտային հաշվի դիմումը Բանկի ցանկացած մասնաճյուղում լրացնելուց հետո Քարտը Ձեզ կտրամադրվի առավելագույնը յոթ աշխատանքային օրվա ընթացքում, իսկ Քարտի ակտիվացումը կկատարվի Քարտի տրամադրման օրվանից առավելագույնը մեկ աշխատանքային օրվա ընթացքում:
Բանկի կողմից մատուցվում է նաև Քարտի շտապ թողարկման, վերաթողարկման և փոխարինման ծառայություն 1 բանկային օրվա ընթացքում: Ծառայությունից հնարավոր է օգտվել Երևան քաղաքի բոլոր մասնաճյուղերում, սակայն քարտը կարող է պատվիրված լինել Բանկի ցանկացած մասնաճյուղում։ Ծառայությունը հասանելի է միայն առանց թղթային PIN կոդի քարտերի դեպքում՝ Բանկում այդ պահին գործող սակագների համաձայն:
Քարտի և քարտային հաշվի դիմումը առցանց տարբերակով լրացնելու դեպքում՝ Քարտի պատվիրումը կկատարվի Բանկի և Ձեր միջև փոխադարձ համաձայնությունից հետո:
Ի՞նչ է անհրաժեշտ քարտը ստանալու համար
Քարտը տրամադրվում է արտերկրից պարբերաբար առանց հաշվի բացման փոխանցումներ ստացող հաճախորդներին:
Վերոնշյալ եղանակներից յուրաքանչյուրով Քարտի համար դիմելուց հետո Քարտը ստանալու համար անհրաժեշտ է այցելել Բանկի Ձեր կողմից ընտրված մասնաճյուղ՝ ներկայացնելով Ձեր անձը հաստատող փաստաթուղթ և հանրային ծառայությունների համարանիշ:1
Երրորդ անձանց կողմից Քարտի անօրինական օգտագործումից խուսափելու նպատակով անհրաժեշտ է խստորեն պահպանել հետևյալ կանոնները.
Կարևոր է. Զեղծարարությունը, դա ՀՀ օրենսդրությամբ կամ Բանկի ներքին իրավական ակտերով արգելված արարք է, խաբեության կամ վստահությունը չարաշահելու եղանակով միջոցների և կանխամտածված գործողությունների ձեռնարկում, որի նպատակն անձնական կամ գույքային բնույթի օգուտ քաղելն է:
1Ամրագրվում է ՀՀ քաղաքացու նույնականացման քարտում, ՀՀ-ում մշտապես բնակվող` քաղաքացիություն չունեցող անձի, փախստականի ինքնությունը հավաստող փաստաթղթերում, նախկինում տրվող սոցիալական ապահովության քարտում, ինչպես նաև պետական ռեգիստր վարող մարմնի կողմից տրվող տեղեկանքում կամ պետական ռեգիստր վարող մարմնի կողմիցտրվող տեղեկանք (բնօրինակ)` հանրային ծառայությունների համարանիշ չստանալու վերաբերյալ:
Քարտի առաքման վերաբերյալ մանրամասն կարող եք ծանոթանալ այստեղ․
Ձեր ֆինանսական տեղեկատուն
ՈՒՇԱԴՐՈՒԹՅՈՒՆ՝ «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է:
Քարտի ՊԻՆ կոդը տրամադրվում է քարտը պատվիրելիս քարտապանի կողմից ընտրված տարբերակով.
Քարտերի վերաթողարկումը կատարվում է մինչև քարտի գործողության ժամկետի վերջին ամսվա 10-րդ աշխատանքային օրը:
Քարտի վերաթողարկման մասին որոշումը կայացվում է Բանկի կողմից՝ հիմք ընդունելով քարտով կատարված գործառնությունների ծավալը, քարտի սպասարկման միջնորդավճարի վճարումները և հաշվին առկա միջոցները, իսկ վարկային գիծ ունեցող քարտերի դեպքում՝ նաև ժամկետանց օրերի քանակը:
Քարտը փակվում է քարտով նախկինում կատարված բոլոր գործառնությունները քարտային հաշվով ձևակերպելուց հետո երեք աշխատանքային օրվա ընթացքում՝ պայմանով, որ հաշվի մնացորդը բավարարում է քարտով կատարված գործառնությունները ձևակերպելու և դրանց համար Բանկի սակագներով նախատեսված միջնորդավճարները գանձելու համար:
Քարտի փակումը հնարավոր է իրականացնել միայն բոլոր դրամային պարտավորությունները կատարելուց հետո:
Քարտի գործողության դադարեցման դիմում ներկայացնելիս քարտը Բանկին հետ չվերադարձնելու դեպքում քարտապանը լրիվ ֆինանսական պատասխանատվություն է կրում քարտի գործողության դադարեցումից հետո մինչև քարտի գործողության ժամկետի ավարտը քարտով կատարված հավաստագրում (գործառնության կատարման իրավասության ստուգում) չպահանջող գործարքների համար:
Քարտի առգրավում կատարվում է բանկոմատների կողմից, եթե
կանխիկ գումարի ստացման/մնացորդի հարցման գործառնությունից հետո հաճախորդը բանկոմատից չի վերցրել իր քարտը,
տեղի է ունեցել բանկոմատի կապի խափանում կամ այլ տեխնիկական անսարքություն:
Քարտի առգրավման դեպքում անհրաժեշտ է մոտենալ Բանկի մոտակա մասնաճյուղ կամ զանգահարել (+374 10) 31 88 99 կամ (+374 10) 31 88 88 հեռախոսահամարներին:
Բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին քարտը առգրաված մասնաճյուղի կողմից, եթե հաճախորդը ցանկություն չի հայտնում քարտը ստանալ այլ մասնաճյուղից:
Հայաստանյան այլ բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:
Արտասահմանյան բանկի քարտի առգրավման դեպքում 1 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է քարտապանին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:
Քարտը կարող է ապաբլոկավորվել միայն այն դեպքում, եթե Քարտապանը բանավոր կամ գրավոր հաստատում է տվյալ գործարքների իր կողմից կատարված լինելը:
Բանկը կարող է միակողմանիորեն բլոկավորել Քարտը՝ Քարտով տրամադրված վարկի կամ Բանկում այլ վարկերի գծով ժամկետանց պարտավորությունների առկայության դեպքում՝ մինչև ժամկետանց պարտավորությունների մարման օրվան հաջորդող առաջին աշխատանքային օրը, ինչպես նաև Պայմանագրով սահմանված կամ ՀՀ օրենսդրությամբ նախատեսված այլ դեպքերում:
Բանկը կարող է առանց Քարտապանին տեղեկացնելու բլոկավորել Քարտապանի Քարտը, եթե առկա է Քարտով զեղծարար գործարքների իրականացման վտանգ:
Պայմանագրի գործողության ընթացքում ՀՀ օրենսդրությամբ պարտադիր տրամադրման ենթակա հաշվի քաղվածքը և այլ տեղեկությունները տրամադրվում են անվճար։ ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը, օտարերկրյա դեսպանատներին և վիզա կենտրոններին ներկայացվող քաղվածքը տրմադարվում է.
Տեղեկանքի տրամադրման սակագներ՝
Քարտապանն իրավունք ունի բողոքարկել իր Քարտով կատարված գործառնությունը վերջինիս կատարման օրվանից 55 (հիսունհինգ) օրացուցային օրվա ընթացքում:
Բանկը դիմումի ներկայացման օրվանից առավելագույնը 90 (իննսուն) օրացուցային օրվա ընթացքում Քարտապանին ներկայացնում է հիմնավոր պատասխան:
Գործարքների բողոքարման ժամանակ կիրառվում են վճարային համակարգերի կողմից սահմանված բողոքարկման կանոնները, որոնք հրապարակային փաստաթղթեր չեն և դրանց կիրառման կարգը քարտապանին ներկայացվում է բանկի աշխատակցի կողմից՝ դիմում-բողոքի դիտարկման գործընթացի շրջանակներում։
Եթե Քարտապանի կողմից բողոքարկվող գործարքը կանխիկի ստացման գործարք է, ապա այն ենթակա է Բանկի կողմից բավարարման միայն այն դեպքում, եթե տվյալ բանկոմատը կամ կանխիկի տրամադրման կետը սպասարկող բանկն ընդունում է կանխիկ գումարի չտրամադրման փաստը:
Եթե Քարտապանի կողմից բողոքարկվող գործարքը վճարման, ինտերնետի միջոցով իրականացված վճարման կամ Քարտի տվյալների ներկայացմամբ վճարման գործարք է, ապա այն ենթակա է Բանկի կողմից բավարարման, եթե Վճարային համակարգի կանոններով նախատեսված բողոքարկման գործընթացի շրջանակներում Բանկը հետ է ստանում բողոքարկվող գործառնության գումարը սպասարկող բանկից:
Եթե Բանկը Քարտը սպասարկող վճարային համակարգի կանոններով նախատեսված բողոքարկման գործընթացի շրջանակներում որոշում է կայացնում չշարունակել բողոքարկման գործընթացը, սակայն Քարտապանը ցանկանում է դիմել բողոքարկման գործընթացի վերջին փուլին՝ դիմել տվյալ Վճարային համակարգի արբիտրաժային կոմիտեին, ապա արբիտրաժային կոմիտեին դիմելու համար սահմանված միջնորդավճարները, ինչպես նաև Վճարային համակարգի կողմից հօգուտ մյուս կողմի որոշում կայացնելու դեպքում Բանկի կրած ծախսերը փոխհատուցվում են Քարտապանի կողմից:
Բանկը պատասխանատվություն չի կրում.
ա) ուշացված, սխալ կամ չիրականացված գործառնությունների համար, որոնք առաջացել են առևտրի և սպասարկման կետերի կամ Վճարային համակարգի մեղքով կամ տեխնիկական պատճառներով, որոնք Բանկի ողջամիտ հսկողությունից դուրս են եղել,
բ) Բանկին չպատկանող միջոցներով իրականացված կանխիկացման կամ վճարման գործառնությունների ձախողման համար, եթե Բանկը ձախողման մեջ չի ունեցել մեղավորություն:
գ) Քարտի կամ Քարտի տվյալների միջոցով իրականացված անօրինական գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:
դ) միկրոպրոցեսորային (չիպային) քարտով ՊԻՆ կոդի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:
ե) ինտերնետի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:
զ) այն գործառնությունների համար, որոնք կատարվել են Պայմանագրում սահմանված անվտանգության կանոնների խախտմամբ:
Է) Քարտապանի ու առևտրի և սպասարկման կետերի միջև առաջացած վեճերի համար:
ը) Հաշվի, ՊԻՆ կոդի, Քարտի համարի, գաղտնաբառի և Քարտի վերաբերյալ այլ տեղեկատվությունը Բանկից անկախ պատճառներով երրորդ անձանց հայտնի դառնալու համար:
Յուրաքանչյուր ամիս Բանկը Քարտապանին տեղեկացնում է նախորդ ամսվա ընթացքում Քարտով կատարված գործառնությունների վերաբերյալ` տրամադրելով նրան քարտային հաշվից քաղվածք:
Պարտավորությունները չկատարելու կամ ոչ պատշաճ կատարելու դեպքում Քարտապանի վերաբերյալ տեղեկատվությունը ՀՀ օրենսդրությամբ և Բանկի ներքին իրավական ակտերով սահմանված կարգով կտրամադրվի ՀՀ կենտրոնական բանկի վարկային ռեգիստրին և ԱՔՌԱ վարկային բյուրոյին:
Քարտապանի դիմումի համաձայն քարտի գործողության դադարեցման, քարտի կորստի, վնասման, ՊԻՆ կոդը մոռանալու կամ այլ դեպքերում հաշվին առկա սեփական միջոցների վճարումը կատարվում է Բանկի դրամարկղից կամ այլ բանկային հաշվին փոխանցում կատարելու միջոցով` Բանկում գործող սակագների համաձայն:
Քարտի կամ քարտի տվյալների կորստի, գողության կամ քարտով զեղծարարության փորձի/զեղծարար գործառնության կատարման դեպքում, քարտապանը պարտավորվում է acba digital ինտերնետ բանկինգ համակարգի միջոցով իրականացնել քարտի բլոկավորում կամ քարտը բլոկավորելու համար անհապաղ ներկայանալ Բանկի մոտակա մասնաճյուղ քարտի բլոկավորման դիմում ներկայացնելու համար կամ զանգահարել (+374 10) 31 88 99 կամ (+374 10) 31 88 88 կամ (+374 10) 59 22 22 հեռախոսահամարներին:
Քարտի կորստի, քարտի կամ քարտի տվյալների գողության դեպքում կամ քարտով զեղծարարության փորձի/ հաստատված զեղծարար գործառնության կատարումից հետո քարտով կատարված գործառնությունների համար մինչև Բանկին քարտի կորստի, քարտի կամ քարտի տվյալների գողության մասին հայտնելը, բացառությամբ հավաստագրում (գործառնության կատարման իրավասության ստուգում) չպահանջող գործարքների, որոնց համար մինչև քարտի գործողության ժամկետի ավարտը լրիվ ֆինանսական պատասխանատվությունը կրում է քարտապանը, եթե քարտի տվյալների գողության կամ քարտով զեղծարարության փորձի/զեղծարար գործառնության կատարման մասին Բանկ հայտնելու ժամանակ քարտը Բանկ հետ չի վերադարձվում քարտապանի կողմից:
Քարտի օգտագործման եվ անվտանգության կանոններին առավել մանարամասն ծանոթացեք այստեղ:
«ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ»։
