Բանկը կարող է թողարկել ակրեդիտիվի հետևյալ տեսակները.

Ըստ առևտրային գործարքի բնույթի`

Ներմուծման ակրեդիտիվ - Բանկը թողարկում է ակրեդիտիվ գնորդի (ներմուծողի) հանձնարարությամբ: Ներմուծման ակրեդիտիվը հանդիսանում է միջազգային առևտրային գործարքների իրականացման ամենատարածված գործիքներից մեկը և լայն կիրառություն ունի բանկային համակարգում,

Արտահանման ակրեդիտիվ - Բանկը ստանում է այլ բանկի կողմից հօգուտ վաճառողի (արտահանողի) թողարկված ակրեդիտիվ: Արտահանման ակրեդիտիվի դեպքում Բանկը կարող է տրամադրել արտահանման կարճաժամկետ վարկեր ապրանքների փաթեթավորման կամ արտադրության այլ գործընթացների ֆինանսավորման նպատակով:

Ըստ բացման եղանակի`

Հաստատված ակրեդիտիվ - բենեֆիցիարի պահանջով ակրեդիտիվը կարող է հաստատվել իր կողմից ընդունելի այլ առաջնակարգ բանկի կողմից: Ընդ որում, ակրեդիտիվի հաստատումն իրենից ներկայացնում է ակրեդիտիվի կատարման հաստատող բանկի ինքնուրույն և լրացուցիչ պարտավորությունը,

Չհաստատված ակրեդիտիվ - Բանկը թողարկում է ակրեդիտիվը` այն ուղարկելով ուղղակիորեն ծանուցող բանկին և խնդրելով վերջինիս ծանուցել ակրեդիտիվը բենեֆիցիարին` առանց լրացուցիչ պարտավորությունների ստանձման:

Ըստ կիրառման նպատակի՝

Հետ չկանչվող ակրեդիտիվ - չի կարող փոփոխվել կամ չեղյալ հայտարարվել Թողարկող բանկի կամ Հաստատող բանկի կողմից` առանց կողմերի նախնական համաձայնության,

Վերականգնվող ակրեդիտիվ - օգտագործվում է պարբերաբար կրկնվող մատակարարումների դեպքում, որոնք սովորաբար իրականացվում են պայմանագրով սահմանված գրաֆիկի համաձայն: Այն նախատեսում է ակրեդիտիվի սկզբնական գումարի (քվոտայի) ավտոմատ վերականգնում յուրաքանչյուր օգտագործումից հետո` մինչև սահմանված առավելագույն գումարը,

Փոխանցելի ակրեդիտիվ - ենթադրում է ակրեդիտիվի ամբողջական կամ մասնակի օգտագործման հնարավորություն մեկ կամ մի քանի անձանց կողմից: Այն բենեֆիցիարին թույլ է տալիս ակրեդիտիվի իր իրավունքները կամ նրա մի մասը փոխանցել այլ բենեֆիցիարների: Ակրեդիտիվի այս տեսակի օգտագործումը հնարավոր է այն դեպքում, երբ բենեֆիցիարը չի հանդիսանում ապրանքի հիմնական մատակարարը, այլ հանդես է գալիս որպես միջնորդ օղակ գնորդի և հիմնական մատակարարի միջև,

Պահուստային ակրեդիտիվ - հանդիսանում է ակրեդիտիվի առանձնահատուկ ձև և իր էությամբ ավելի մոտ է բանկային երաշխիքին: Այն նպատակահարմար է օգտագործել որպես արտահանողի օգտին կատարվելիք վճարումների լրացուցիչ ապահովում:

Հետֆինանսավորմամբ ակրեդիտիվ - ֆինանսական գործիք է, որի համաձայն ակրեդիտիվով ներկայացված փաստաթղթերը ստուգելուց հետո Հաստատող բանկն անմիջապես վճարում է մատակարարին՝ վարկ տրամադրելով Էմիտենտ բանկին։

Ներմուծման ակրեդիտիվ

• Ներմուծման ակրեդիտիվը  թողարկվում է ՀՀ այն ռեզիդենտ իրավաբանական անձանց և տնտեսավարող սուբյեկտների անունից` հօգուտ այլ ռեզիդենտ և ոչ ռեզիդենտ իրավաբանական անձանց, կազմակերպությունների, տնտեսավարող սուբյեկտների, պետական հիմնարկների և ֆինանսական կառույցների, որոնք շինարարության ոլորտում` վերջին 12, արտադրության ոլորտում վերջին 6, իսկ առևտրի և սպասարկման ոլորտում վերջին 3 ամսվա ընթացքում ունեն անընդհատ աշխատանքային փորձ։
• Ներմուծման ակրեդիտիվը թողարկվում է ՀՀ դրամով և արտարժույթով:
• Ներմուծման ակրեդիտիվի գործողության առավելագույն ժամկետը սահմանվում է 12 ամիս, իսկ նվազագույն ժամկետ սահմանված չէ: Ելնելով առևտրային գործարքի առանձնահատկություններից և պայմանագրի կատարման տևողությունից` ակրեդիտիվի գործողության ժամկետը կարող է սահմանվել մինչև 36 ամիս:
• Ներմուծման ակրեդիտիվի նվազագույն չափ սահմանված չէ, իսկ առավելագույն չափը որոշելիս հիմք են ընդունվում հաճախորդի սեփական ֆինանսական միջոցների չափը կամ գործունեության ֆինանսատնտեսական վերլուծության արդյունքները:
• Ոչ ռեզիդենտ հաճախորդի դիմում-հանձնարարականի համաձայն բացվում է ներմուծման ակրեդիտիվ` միայն ամբողջությամբ դրամական ծածկույթով ապահովվածության դեպքում:

• Ներմուծման ակրեդիտիվի ապահովման միջոց (գրավ) կարող են հանդիսանալ անշարժ գույքը, տրանսպորտային միջոցը (ավտոմեքենան), գյուղատնտեսական տեխնիկան, սարքավորումը, դրամական միջոցները, ապրանքանյութական այլ արժեքները, երաշխավորությունը, այլ առաջնակարգ բանկերի կողմից տրամադրված երաշխիքները։
• Ներմուծման ակրեդիտիվի ամբողջությամբ դրամական միջոցներով ապահովված լինելու դեպքում ակրեդիտիվի՝ գրավով ապահովվածության գործակցի (գրավի գնահատված արժեքի և ակրեդի-տիվի գումարի հարաբերակցության) նվազագույն սահմանաչափ է սահմանվում 100 տոկոսը: Ընդ որում, ներմուծման ակրեդիտիվի ապահովվածություն հանդիսացող դրամական ծածկույթի արժույթը պետք է համապատասխանի ակրեդիտիվի արժույթին:
• Ներմուծման ակրեդիտիվի բացման և սպասարկման գործընթացին մասնակից միջնորդ բանկ(եր)ի կողմից մատուցվող ծառայությունների այն միջնորդավճարները, որոնք, համաձայն ներմուծման ակրեդիտիվի պայմանների, կրում է Հաճախորդը, ենթակա են վճարման Բանկի կողմից և փոխհատուցման Հաճախորդի կողմից` համաձայն միջնորդ բանկ(եր)ի կողմից ներկայացված վճարման պահանջագրերի: 
• Ներմուծման ակրեդիտիվը թողարկվում է ինչպես Բանկում հաճախորդի սեփական միջոցների սառեցման, այնպես էլ Բանկի կողմից տվյալ ակրեդիտիվային գործարքի ֆինանսավորման միջոցով։
• Ներմուծման առևտրային գործարքի ֆինանսավորումն իրականացվում է ներմուծման ակրեդիտիվի արժույթով:
• Վճարված ակրեդիտիվի վերադարձը և տոկոսների վճարումը կատարվում է ամսական հավասարաչափ/եռամսյակային/կիսամյակային մասերով կամ ազատ գրաֆիկով` համաձայն ակրեդիտիվի պայմանագրով սահմանված մարման գրաֆիկի, որը Հաճախորդին է տրամադրվում ակրեդիտիվի գումարի փաստացի վճարման օրը։
• Վճարված ակրեդիտիվի տոկոսների հաշվարկը կատարվում է օրական` Վճարված ակրեդիտիվի նվազող մնացորդի վրա` Ակրեդիտիվի փաստացի վճարման պահից:
• Հաճախորդն իրավունք ունի Վճարված ակրեդիտիվը  և հաշվարկված տոկոuագումարները ժամկետից շուտ ամբողջությամբ կամ մասնակի մարել: Այդ դեպքում Հաճախորդը պարտավորվում է վճարել տուգանք՝ Վճարված ակրեդիտիվի առաջին տարվա մայր գումարը մարելու դեպքում մարվող գումարի 2 տոկոսի չափով, իսկ մնացած ժամանակահատվածի մայր գումարը մարելու դեպքում՝ 1 տոկոսի չափով: Իսկ այն դեպքում, երբ մարումն ամբողջությամբ կատարվում է ակրեդիտիվի վճարման օրը, ապա վերը նշված տուգանքը չի հաշվարկվում:
• Հաճախորդը կարող է հրաժարվել ներմուծման առևտրային գործարքի ֆինանսավորումից և դիմել Բանկին սեփական ֆինանսական միջոցների հաշվին Ներմուծման ակրեդիտիվի գումարի վճարման խնդրանքով՝ պայմանով, որ Բանկին կներկայացնի դիմում ակրեդիտիվի գումարի վճարման նախատեսվող օրվանից նվազագույնը 5 աշխատանքային օր առաջ` միաժամանակ համապատասխան բանկային հաշվում ապահովելով Ներմուծման ակրեդիտիվի գումարը:

Ներմուծման ակրեդիտիվի թողարկման վճարի հաշվարկման կարգը՝

Ակրեդիտիվի թողարկման վճարի չափը = ՆՓԱ գումար * Ակրեդիտիվի թողարկման վճարի տոկոսադրույք * Ակրեդիտիվի ժամկետում առկա եռամսյակների քանակ (ոչ լրիվ եռամսյակը համարվում է լրիվ եռամսյակ)

Ներմուծման ակրեդիտիվի թողարկման վճարի հաշվարկի ներկայացուցչական օրինակ՝

Ակրեդիտիվի գումար՝ 100,000 ԵՎՐՈ

Ակրեդիտիվի ժամկետ՝ 200 օր (3 ոչ լրիվ եռամսյակ) 

Ակրեդիտիվի թողարկման վճարի չափ՝ 0.2% յուրաքանչյուր եռամսյակի համար 

Ակրեդիտիվի թողարկման վճարը կկազմի՝ 100,000 * 0.2% * 3 =600 ԵՎՐՈ ( համարժեք ՀՀ դրամ)

• Պահուստային ակրեդիտիվի գործողության առավելագույն ժամկետը սահմանվում է 24 ամիս, իսկ նվազագույն ժամկետ սահմանված չէ:
• Պահուստային ակրեդիտիվը, որպես ներմուծման ակրեդիտիվի առանձնահատուկ տեսակ, չի նախատեսում առևտրային գործարքի ֆինանսավորում:
• Պահուստային ակրեդիտիվի ապահովվածություն հանդիսացող դրամական միջոցները կարող են լինել տարբեր արժույթներով: Ընդ որում, պահուստային ակրեդիտիվի գումարը նույն արժույթով դրամական միջոցներով ամբողջությամբ ապահովվածության դեպքում պահուստային ակրեդիտիվի գրավով ապահովվածության գործակցի (գրավի գնահատված արժեքի և ակրեդիտիվի գումարի հարաբերակցության) նվազագույն սահմանաչափ է սահմանվում 100 տոկոսը, իսկ տարբեր արժույթներով դրամական միջոցներով ապահովվածության դեպքում` 120 տոկոսը: 

Պահուստային ակրեդիտիվի թողարկման վճարի հաշվարկման կարգը՝

Պահուստային ակրեդիտիվի միջնորդավճարը գանձվում է թողարկման պահին և հաշվարկվում է բանաձևով՝

Պահուստային ակրեդիտիվի միջնորդավճարի հաշվարկ՝ տարեկան = Պահուստային ակրեդիտիվի գումար x Տարեկան տոկոսադրույք x Պահուստային ակրեդիտիվի ժամկետ

Պահուստային ակրեդիտիվի տարեկան միջնորդավճարի հաշվարկի օրինակ՝

Պահուստային ակրեդիտիվի գումար` 100,000 եվրո,

Պահուստային ակրեդիտիվի ժամկետ՝ 24 ամիս,

Պահուստային ակրեդիտիվի միջնորդավճար՝ 3% տարեկան,

Պայմանագրային ողջ ժամկետի համար հաշվարկված միջնորդավճարը կկազմի՝ 

100,000 *3/100*2= 6,000 եվրո

• Պահուստային ակրեդիտիվի շրջանակներում Բենեֆիցիարի գրավոր պահանջի համաձայն վճարված ակրեդիտիվի գումարը ենթակա է Հաճախորդի կողմից վերադարձման պահուստային ակրեդիտիվի գումարի սահմաններում յուրաքանչյուր մասնաչափի վճարման օրվանից հաշված 14 (տասնչորս) օրացուցային օրվա ընթացքում: 
• Բանկը պահուստային ակրեդիտիվի գումարի սահմաններում ակրեդիտիվի գումարի յուրաքանչյուր մասնաչափի վճարման օրվանից հաշված 14 օրացուցային օրվա ընթացքում ակրեդիտիվի վճարված գումարի մնացորդի նկատմամբ հաշվեգրում է տոկոսներ` ՀՀ ԿԲ կողմից տվյալ պահին սահմանված բանկային տոկոսի հաշվարկային դրույքի կրկնապատիկի չափով:

• Արտահանման ակրեդիտիվի բացումը կարող է ծանուցվել Բանկին նամակի, միջազգային ֆինանսական հաղորդակցությունների ընդհանուր SWIFT ցանցի միջոցով: 

Տեղեկացեք մանրամասն.

Հնարավոր լրացուցիչ վճարումների չափի և ներկայացված բոլոր կետերի վերաբերյալ մանրամասն տեղեկատվություն՝

Առևտրի ֆինանսավորման գործիքներ սակագներ։
Առևտրի ֆինանսավորման գործիքների նախկին պայմաններ։
Բացառված և հաստատման ենթակա գործունեությունների ցանկ։

• Ակրեդիտիվի տրամադրման դրական որոշման գործոններն են՝ հաճախորդի վարկունակության գնահատումը, Բենեֆիցիարի հանդեպ ակրեդիտիվով Բանկի ստանձնելիք պարտավորությունների, ինչպես նաև Բանկի կողմից ակրեդիտիվի կատարման դեպքում` վերջինիս հանդեպ ծագող հետագա պարտավորությունների հստակ գիտակցումը Հաճախորդի կողմից, Հաճախորդի ֆինանսական կայունությունը և վճարունակությունը. վարկային պատմությունը, հեղինակությունը և համբավը և ապահովվածությունը:
• Ակրեդիտիվի մերժման գործոններն են՝ վերլուծության արդյունքում ստացված անբավարար ֆինանսական ցուցանիշները, հաճախորդի վատ վարկային պատմությունը, անհրաժեշտ ապահովվածության անբավարարությունը/բացակայությունը Բիզնես խորհրդատուի մասնագիտական կարծիքը, վարկային կոմիտեի մասնագիտական կարծիքը:
• Ակրեդիտիվը ձևակերպվում է Բանկի Կենտրոնական գրասենյակում  և մասնաճյուղերում, բացառությամբ Կոմիտաս, Երիտասարդական, Օպերա, Տերյան, Շինարարներ, Հոմպլեքս մոլ, Գյումրի, Անի, Աշտարակ, Արագած  մասնաճյուղերի։ Բանկի մասնաճյուղերի ամբողջական ցանկն այստեղ։
• Ակրեդիտիվի հայտի վերաբերյալ որոշումը կայացվում է հաճախորդի կողմից հայտը և անհրաժեշտ փաստաթղթերի փաթեթը ներկայացանելուց 1-20 բանկային օրվա ընթացքում։
• Հաճախորդին Ակրեդիտիվի հայտի քննարկման արդյունքում Բանկի կողմից կայացրած որոշումը հաղորդվում է 1 բանկային օրվա ընթացքում։
• Ակրեդիտիվը տրամադրվում է Ակրեդիտիվի համար հաճախորդի կողմից անհրաժեշտ փաստաթղթերի ամբողջական փաթեթը ներկայացնելուց և գրավադրման գործընթացի ավարտից հետո 1-5 բանկային օրվա ընթացքում։
• Եթե Ակրեդիտիվը տրամադրվում է անշարժ գույքի, տրանսպորտային միջոցի, գյուղատնտեսական և այլ նշանակության տեխնիկայի, սարք և սարքավորումի գրավի հիման վրա, և գույքը գնահատվում է 30 մլն ՀՀ դրամ և ավելի, ապա անհրաժեշտ է գույքի գնահատումն իրականացնել նաև Բանկի հետ համագործակցող որակավորված անկախ գնահատողի կողմից:
• Բանկն իրավունք ունի ֆինանսական շուկայում իր կողմից ներգրավված և տեղաբաշխված միջոցների տոկոսադրույքների տատանումների և/կամ ֆինանսավորման տոկոսադրույքի փոփոխման և/կամ նման նախադրյալների առկայության դեպքում միակողմանիորեն փոփոխել Պայմանագրով սահմանված միջնորդավճարները` այդ մասին առնվազն 30 օրացուցային օր առաջ ծանուցելով Հաճախորդին: Փոփոխությունները կկիրառվեն ծանուցման մեջ նշված ամսաթվից սկսած։
• Արտարժույթով տրամադրված ակրեդիտիվների դեպքում արտարժույթի փոխարժեքի փոփոխությունները կարող են ազդեցություն ունենալ վճարված ակրեդիտիվի մարումների վրա,
• Վճարված ակրեդիտիվի տոկոսների հաշվարկը կատարվում է օրական` Վճարված ակրեդիտիվի նվազող մնացորդի վրա` Ակրեդիտիվի փաստացի վճարման պահից:
• Վճարված ակրեդիտիվի գումարը գանձվում է Հաճախորդի այն արժութային հաշիվներից, որով բացվել է Ակրեդիտիվը: Տուժանքը, տոկոսագումարները և Էմիտենտ բանկի միջնորդավճարները գանձվում են Հաճախորդի ՀՀ դրամով հաշիվներից, իսկ հաստատող, ծանուցող և այլ միջնորդ բանկերի առկայության դեպքում՝ համապատասխան արտարժութային հաշիվներից: Եթե համապատասխան հաշիվներում բացակայում է անհրաժեշտ գումարը, այն գանձվում է Հաճախորդի բանկային այլ հաշիվներից: Այդ պարագայում արտարժույթի առքն ու վաճառքը կատարվում է տվյալ օրվա համար Էմիտենտ բանկի սահմանած փոխարժեքով, իսկ տուժանքի, տոկոսագումարների և միջնորդավճարի գանձման դեպքում՝ նախորդ օրվա համար ՀՀ ԿԲ կողմից սահմանված միջին շուկայական փոխարժեքով:
• Ծառայությունների դադարեցման դեպքում մինչ այդ վճարված միջնորդավճարները վերահաշվարկման կամ վերադարձման ենթակա չեն:

Պայմանագրի գործողության ընթացքում ՀՀ օրենսդրությամբ պարտադիր տրամադրման ենթակա վարկային հաշվի քաղվածքը և այլ տեղեկությունները տրամադրվում են անվճար։ ՀՀ օրենսդրությամբ ոչ պարտադիր տրամադրման ենթակաքաղվածքը, քաղվածքի կրկնօրինակը տրմադարվում է.

• մինչև 6 ամիս (ներառյալ) վաղեմության
• 6-ից 12 ամիս(ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
• 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը),

Ըստ անհրաժեշտության վարկի վերաբերյալ տեղեկատվության տրամադրում տեղեկանքի ձևաչափով՝

• դիմումի ներկայացման հաջորդ աշխատանքային օրվա ընթացքում՝ 5000 ՀՀ դրամ, acba digital համակարգով դիմելու դեպքում՝ 3 000 ՀՀ դրամ (ներառյալ` ԱԱՀ),
• դիմումի ներկայացման նույն աշխատանքային օրը՝ 1 ժամվա ընթացքում- 7000 ՀՀ դրամ, acba digital համակարգով դիմելու դեպքում՝ 5 000 ՀՀ դրամ (ներառյալ` ԱԱՀ),
• մեկից չորս աշխատանքային օրերի ընթացքում՝ առաքման ծառայության միջոցով- 6000 ՀՀ դրամ, acba digital համակարգով դիմելու դեպքում՝ 4 000 ՀՀ դրամ (ներառյալ` ԱԱՀ)։

Գույքով ապահովված ակրեդիտիվի դեպքում հաճախորդի կողմից կարող են կատարվել հետևյալ վճարները՝

• Անշարժ գույքի գնահատման ծառայության վճար - 5,000 ՀՀ դրամ և ավելի` կախված գույքի մակերեսից և տեսակից,
• Նոտարական ծառայության վճար` 3,000 - 15,000 ՀՀ դրամ,
• Անշարժ գույքի գրավի իրավունքի գրանցման վկայականի վճար – 2,000-25,000 ՀՀ դրամ,
• Միասնական տեղեկանքի (անշարժ գույքի սահմանափակումների վերաբերյալ) վճար – 10,000 ՀՀ դրամ,
• Այլ գույքերի գրավադրման հետ կապված վճարներ – 2.000-10.000 ՀՀ դրամ։

• Տարաբնույթ հանգամանքներից ելնելով՝ Բանկի կողմից կարող են պահանջվել լրացուցիչ փաստաթղթեր և տեղեկատվություն։ Բանկը «Փողերի լվացման և ահաբեկչության ֆինանսավորման դեմ պայքարի մասին ՀՀ օրենքով սահմանված հաճախորդի պատշաճ ուսումնասիրության նպատակով կարող է հաճախորդից «Ճանաչիր քո հաճախորդին» (“Know your customer”) սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում տալ լրացուցիչ հարցեր: Հաճախորդի պատշաճ նույնականացման անհնարինության կամ հաշիվների սպասարկման անհնարինության դեպքում բանկի կողմից մատուցվող ծառայության հասանելիությունը կարող է սահմանափակվել: Ինչպես նաև, Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն: 

ՀՀ Քաղաքացիական օրենսգիրք, Հոդված 941.

1. Կատարող բանկն ակրեդիտիվը փակում է`

1) ակրեդիտիվի ժամկետի ավարտով.

2) ակրեդիտիվը մինչև դրա ժամկետի ավարտն օգտագործելուց հրաժարվելու մասին միջոցներ ստացողի   դիմումով, եթե ակրեդիտիվի պայմաններով նախատեսված է հրաժարվելու հնարավորություն.

3) ակրեդիտիվը լրիվ կամ մասնակի հետ կանչելու մասին վճարողի պահանջով, եթե նման հետ կանչելը հնարավոր է ըստ ակրեդիտիվի պայմանների:

Կատարող բանկն ակրեդիտիվը փակելու մասին պետք է տեղյակ պահի էմիտենտ բանկին:

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ և ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

ՍՊԱՌՈՂԻ ԿՈՂՄԻՑ ԻՐ ՊԱՐՏԱՎՈՐՈՒԹՅՈՒՆՆԵՐԸ ԺԱՄԱՆԱԿԻՆ ՉԿԱՏԱՐԵԼՈՒ ԴԵՊՔՈՒՄ ՏՈՒՅԺԵՐԻ ՉԱՓԸ ԵՎ ԿԻՐԱՌՄԱՆ ԴԵՊՔԵՐԸ.

ՀԱՃԱԽՈՐԴԻ ԿՈՂՄԻՑ ԻՐ ՊԱՐՏԱՎՈՐՈՒԹՅՈՒՆՆԵՐԸ ԺԱՄԱՆԱԿԻՆ ՉԿԱՏԱՐԵԼՈՒ ԴԵՊՔՈՒՄ ԲԱՆԿԸ ԿԱՐՈՂ Է ՊԱՀԱՆՋԵԼ ՀՀ ՔԱՂԱՔԱՑԻԱԿԱՆ ՕՐԵՆՍԳՐՔԻ 411-ՐԴ ՀՈԴՎԱԾՈՎ ՍԱՀՄԱՆՎԱԾ ՏՈԿՈՍՆԵՐԸ։ ՏՈԿՈՍՆԵՐԸ ՀԱՇՎԱՐԿՎՈՒՄ ԵՆ ԿԵՏԱՆՑԻ ՕՐՎԱՆԻՑ ՄԻՆՉԵՎ ՊԱՐՏԱՎՈՐՈՒԹՅԱՆ ԴԱԴԱՐՄԱՆ ՕՐԸ՝ ԸՍՏ ՀԱՄԱՊԱՏԱՍԽԱՆ ԺԱՄԱՆԱԿԱՀԱՏՎԱԾՆԵՐԻ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՍԱՀՄԱՆԱԾ ԲԱՆԿԱՅԻՆ ՏՈԿՈՍԻ ՀԱՇՎԱՐԿԱՅԻՆ ԴՐՈՒՅՔՆԵՐԻ

ՄԱՐՈՒՄՆԵՐԻ ՀԵՐԹԱԿԱՆՈՒԹՅՈՒՆԸ.

ՊԱՅՄԱՆԱԳՐԻ ՇՐՋԱՆԱԿՆԵՐՈՒՄ ԺԱՄԿԵՏԱՆՑ ՊԱՐՏԱՎՈՐՈՒԹՅԱՆ ԱՌԿԱՅՈՒԹՅԱՆ ԴԵՊՔՈՒՄ ՎՃԱՐՈՒՄՆ ԱՌԱՋՆԱՀԵՐԹ ՈՒՂՂՎՈՒՄ Է ԺԱՄԿԵՏԱՆՑ ՊԱՐՏԱՎՈՐՈՒԹՅՈՒՆՆԵՐԻ ՄԱՐՄԱՆԸ՝ ՀԵՏԵՎՅԱԼ ՀԵՐԹԱԿԱՆՈՒԹՅԱՄԲ՝ ՎԱՐԿԻ ԳՈՒՄԱՐԻ ԵՎ ՏՈԿՈՍԱԳՈՒՄԱՐՆԵՐԻ ՆԿԱՏՄԱՄԲ ՀԱՇՎԱՐԿՎԱԾ ՏՈՒԺԱՆՔԸ, ԺԱՄԿԵՏԱՆՑ ԱՄՍԱԿԱՆ ՄԻՋՈՆԴԱՎՃԱՐԸ (ԱՌԿԱՅՈՒԹՅԱՆ ԴԵՊՔՈՒՄ) ԺԱՄԿԵՏԱՆՑ ՏՈԿՈՍԱԳՈՒՄԱՐԸ, ԺԱՄԿԵՏԱՆՑ ՎԱՐԿԻ ԳՈՒՄԱՐԸ, ԻՍԿ ԵԹԵ ՎՃԱՐՎԱԾ ԳՈՒՄԱՐԸ ԳԵՐԱԶԱՆՑՈՒՄ Է ԺԱՄԿԵՏԱՆՑ ՊԱՐՏԱՎՈՐՈՒԹՅՈՒՆՆԵՐԸ, ԱՊԱ ԳԵՐԱԶԱՆՑՈՂ ՀԱՏՎԱԾՆ ՈՒՂՂՎՈՒՄ Է ՎԱՐԿԻ ԳՈՒՄԱՐԻ ՄԱՐՄԱՆԸ։ 

ԳՐԱՎԻ ԲՌՆԱԳԱՆՁՈՒՄ.

ԳՐԱՎԱԴՐՎԱԾ ԳՈՒՅՔԸ ԿԱՐՈՂ Է ԲՌՆԱԳԱՆՁՎԵԼ, ԵԹԵ ՀԱՃԱԽՈՐԴԸ ԺԱՄԱՆԱԿԻՆ ՉԿԱՏԱՐԻ ՊԱՅՄԱՆԱԳՐՈՎ ՍՏԱՆՁՆԱԾ ԻՐ ՊԱՐՏԱՎՈՐՈՒԹՅՈՒՆՆԵՐԸ: ԳՐԱՎԻ ԱՐԺԵՔԻ ԱՆԲԱՎԱՐԱՐ ԼԻՆԵԼՈՒ ՊԱՐԱԳԱՅՈՒՄ ՀԱՃԱԽՈՐԴԻ ՊԱՐՏԱՎՈՐՈՒԹՅՈՒՆՆԵՐԸ ԿՄԱՐՎԵՆ ՀԱՃԱԽՈՐԴԻ ԱՅԼ ԳՈՒՅՔԻ ՀԱՇՎԻՆ։

ՎԱՐԿԱՅԻՆ ՌԵԳԻՍՏՐԻՆ ՏՐԱՄԱԴՐՎՈՂ ՏԵՂԵԿԱՏՎՈՒԹՅՈՒՆ.

ՈՒՇԱԴՐՈՒԹՅՈՒՆ՝ ՁԵՐ ԿՈՂՄԻՑ ՊԱՐՏԱՎՈՐՈՒԹՅՈՒՆԸ ՉԿԱՏԱՐԵԼՈՒ ԿԱՄ ԹԵՐԻ ԿԱՏԱՐԵԼՈՒ ԴԵՊՔՈՒՄ ԲԱՆԿԸ ԱՅԴ ՏՎՅԱԼՆԵՐԸ ՈԻՂԱՐԿՈՒՄ Է ՎԱՐԿԱՅԻՆ ԲՅՈՒՐՈ, ՈՐՏԵՂ ՁԵՎԱՎՈՐՎՈՒՄ Է ՁԵՐ ՎԱՐԿԱՅԻՆ ՊԱՏՄՈՒԹՅՈՒՆԸ: ԴՈՒՔ ԻՐԱՎՈՒՆՔ ՈՒՆԵՔ ՎԱՐԿԱՅԻՆ ԲՅՈՒՐՈՅԻՑ ՏԱՐԵԿԱՆ ՄԵԿ ԱՆԳԱՄ ԱՆՎՃԱՐ ՁԵՌՔ ԲԵՐԵԼ ՁԵՐ ՎԱՐԿԱՅԻՆ ՊԱՏՄՈՒԹՅՈՒՆԸ:

ՈՒՇԱԴՐՈՒԹՅՈՒՆ՝ ՎԱՏ ՎԱՐԿԱՅԻՆ ՊԱՏՄՈՒԹՅՈՒՆԸ ԿԱՐՈՂ Է ԽՈՉԸՆԴՈՏԵԼ ՁԵԶ՝ ԱՊԱԳԱՅՈՒՄ ՎԱՐԿ, ԵՐԱՇԽԻՔ ԵՎ ԲԱՆԿԻ ԿՈՂՄԻՑ ՖԻՆԱՆՍԱՎՈՐՈՒՄ ԵՆԹԱԴՐՈՂ ՑԱՆԿԱՑԱԾ ԱՅԼ ՊՐՈԴՈՒԿՏ ՍՏԱՆԱԼՈՒ ԺԱՄԱՆԱԿ։

ԵՐԱՇԽԱՎՈՐՆԵՐԻ ՀԱՄԱՐ.

• Եթե Հաճախորդը չկատարի պարտավորությունները, ապա Դուք եք վճարելու իր փոխարեն, վատանալու է Ձեր վարկային պատմությունը և զրկվելու եք Ձեր գույքից:
• Ձեզ տրամադրվելու է ակրեդիտիվի, երաշխավորության պայմանագրերի օրինակ:
• Հաղորդակցումը իրականացվելու է Ձեր կողմից ընտրված եղանակով:
• 7 օր առաջ ծանուցվելու եք պայմանագրի պայմանների փոփոխության մասին:
• 1 օր առաջ հիշեցում է ուղարկվելու առկա պարտավորության վերաբերյալ:
• Հաճախորդի կողմից Բանկի նկատմամբ առկա պարտավորության կատարման ուշացման դեպքում ամենաուշը մեկ օր հետո, Ձեզ տեղեկացնելու են այդ մասին:

ԵՐԱՇԽԱՎՈՐՆ ԻՐԱՎՈՒՆՔ ՈՒՆԻ

• Ցանկացած ժամանակ Բանկից պահանջել տեղեկատվություն Բանկի նկատմամբ Հաճախորդի ունեցած պարտավորության մնացորդի չափի մասին:
• Հաճախորդից հետ ստանալու իր կողմից Բանկին Հաճախորդի պարտավորությունների կատարման համար վճարած գումարները, ինչպես նաև Հաճախորդի փոխարեն կրած այլ վնասները:

Տեղեկացեք մանրամասն.

• Վարկառուի կողմից իր պարտավորությունները ժամանակին չկատարելու դեպքում կիրառվող տույժեր։
• Վարկային պատմության և սքոր գնահատականի վերաբերյալ։
• Բանկի հետ համագործակցող որակավորված անկախ գնահատող ընկերություններ։
• Ֆինանսներ բոլորի համար

1. Ինչո՞վ է տարբերվում փաստաթղթային ակրեդիտիվը բանկային երաշխիքից.

- Փաստաթղթային ակրեդիտիվը, ի տարբերություն բանկային երաշխիքի, հանդիսանում է վճարային գործիք: Դա նշանակում է, որ Բանկը, թողարկելով ակրեդիտիվ, անմիջականորեն իր վրա է վերցնում վճարման պարտավորությունը: Մինչդեռ, երաշխիքի տրամադրման դեպքում Բանկը պարտավորվում է վճարել բենեֆիցիարի կողմից պահանջված գումարը միայն պարտապանի կողմից իր վճարային պարտավորությունները չկատարելու դեպքում:

2. Արդյո՞ք փաստաթղթային ակրեդիտիվի կիրառման դեպքում ներմուծվող ապրանքի դիմաց վճարվում է ապրանքը գնորդին հասնելուց հետո.

- Ակրեդիտիվի շրջանակներում վճարումն իրականացվում է պահանջվող փաստաթղթերի դիմաց՝ համաձայն ակրեդիտիվով սահմանված վճարման պայմանների (անմիջական վճարում, հետաձգված վճարում), և անկախ է ապրանքը փաստացի առաքման վայր հասնելուց:

3. Ինչպիսի՞ փաստաթուղթ է անհրաժեշտ ներկայացնել ակրեդիտիվի թողարկման համար.

- Փաստաթղթային ակրեդիտիվը թողարկվում է համաձայն հաճախորդի հրահանգների (դիմումի): Ուստի, ակրեդիտիվն անկախ է առուվաճառքի պայմանագրից, սակայն ակրեդիտիվի թողարկման նախապայման է հանդիսանում առուվաճառքի պայմանագրում փաստաթղթային ակրեդիտիվի միջոցով գործարքի վճարման պայմանի սահմանումը:

4. Ի՞նչ տեսակի ապրանքների գնման դեպքում կարող է թողարկվել հետֆինանսավորմամբ ակրեդիտիվ.

Հետֆինանսավորմամբ ակրեդիտիվը թողարկվում է հիմնական միջոցների ձեռքբերման համար, սակայն քննարկելի է նաև շրջանառու միջոցների դեպքում։