Էսքրոու հաշիվը հատուկ բանկային հաշիվ է, որի վրա դեպոնացվում են Էսքրոու հաշվի պայմանագրով պահանջվող փաստաթղթերի ներկայացման դեպքում վճարման ենթակա դրամական միջոցները՝ որպես առքուվաճառքի, ապրանքների ձեռքբերման, ծառայությունների մատուցման և/կամ աշխատանքների կատարման երաշխիք։

էսքրոու հաշիվների բացման հիմնական պայմանները.

• Բանկը բացում է Էսքրոու հաշիվներ ՀՀ ռեզիդենտ և ոչ ռեզիդենտ ֆիզիկական, իրավաբանական, իրավաբանական անձի կարգավիճակ չունեցող անձանց և անհատ ձեռնարկատերերի համար,
• Արժույթը` ՀՀ դրամ, USD, EUR, RUR
• Այն դեպքում, երբ բացվում է արտարժութային Էսքրոու հաշիվ, Էսքրոու հաշվի բացման և սպասարկման միջնորդավճարը գանձվում է տվյալ պահին ՀՀ ԿԲ կողմից հրապարակված արժութային շուկաներում ձևավորված միջին փոխարժեքով:
• Էսքրոու հաշվի գործողության առավելագույն ժամկետը սահմանվում է 90 օրացուցային օր:

- Էսքրոու հաշվից անկանխիկ վճարումները կատարվում են միայն ՀՀ դրամով, եթե՝

• գործարքի առնվազն մի կողմը ֆիզիկական անձ է
• գործարքի երկու կողմերն էլ ռեզիդենտ իրավաբանական անձինք կամ անհատ ձեռնարկատերեր են

-Էսքրոու հաշվից անկանխիկ վճարումները կարող են կատարվել նաև արտարժույթով, եթե՝

• գործարքի առնվազն մի կողմը ոչ ռեզիդենտ իրավաբանական անձ (անհատ ձեռնարկատեր) է
• Էսքրոու հաշվի բացման և սպասարկման միջնորդավճարը ենթակա է նախնական և միանվագ գանձման Էսքրոու հաշվի պայմանագրի կնքման պահին և ենթակա չէ վերահաշվարկման և վերադարձման` անկախ Էսքրոու հաշվի գործողության փաստացի տևողությունից։
• Նվազագույն սկզբնական գումարի սահմանափակում առկա չէ:

Հաշվի փակում

Հաշիվը փակվում է անվճար՝ գործարքի իրականացումից անմիջապես հետո։

Պայմանագրի գործողության ընթացքում ՀՀ օրենսդրությամբ պարտադիր տրամադրման ենթակա հաշվի քաղվածքը և այլ տեղեկությունները տրամադրվում են անվճար։ ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը, օտարերկրյա դեսպանատներին և վիզա կենտրոններին ներկայացվող քաղվածքը տրամադրվում է.

• մինչև 6 ամիս (ներառյալ) վաղեմության դեպքում – անվճար,
• 6-ից 12 ամիս(ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
• 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։
  
  

Տեղեկանքները տրամադրվում են`

• հայտի ներկայացմանը հաջորդող աշխատանքային օրվա ընթացքում 5,000 ՀՀ դրամ (ներառյալ ԱԱՀ-ը), acba digital համակարգով դիմելու դեպքում՝ 3,000 ՀՀ դրամ (ներառյալ ԱԱՀ-ը)
• նույն աշխատանքային օրը՝ 1 ժամվա ընթացքում 7,000 ՀՀ դրամ (ներառյալ ԱԱՀ-ը), acba digital համակարգով դիմելու դեպքում՝ 5,000 ՀՀ դրամ (ներառյալ ԱԱՀ-ը)
• առաքման ծառայության միջոցով՝ 6,000 ՀՀ դրամ (ներառյալ ԱԱՀ-ը), acba digital համակարգով դիմելու դեպքում՝ 4,000 ՀՀ դրամ (ներառյալ ԱԱՀ-ը)

Պայմանագրի գործողության ժամկետի ընթացքում Էսքրոու հաշվին առկա միջոցները չեն կարող գրավադրվել, արգելադրվել, բռնագանձվել հաճախորդի պարտավորությունների դիմաց, բացառությամբ, եթե այդ միջոցները հանդիսանում են Հայաստանի Հանրապետության քրեական օրենսգրքի 296-րդ հոդվածի 5-րդ մասով նախատեսված գույք։

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է:
ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ։

Հաճախորդը կարող է հաշվին դրամական միջոցներ մուտքագրել և ելքագրել յուրաքանչյուր աշխատանքային օր՝ Բանկի գործառնական ժամերին: Հաշվի արժույթից տարբերվող արժույթներով հաշվին դրամական միջոցների մուտքի և ելքի դեպքում փոխարկման համար կիրառվում են Բանկի կողմից սահմանված փոխարժեքներ:

• Բանկը պարտավոր է հաճախորդի Հաշվին մուտք եղած դրամական միջոցները մուտքագրել ոչ ուշ, քան համապատասխան վճարային փաստա¬թուղթը Բանկ մուտք լինելու հաջորդ օրը, եթե ավելի կարճ ժամկետ նախատեսված չէ օրենքով կամ բանկային հաշվի պայմանագրով,
• Բանկը պարտավոր է հաճախորդի կարգա¬դրությամբ Հաշվից դրամական միջոցներ տալ կամ փոխանցել ոչ ուշ, քան համապա¬տասխան վճարային փաստաթուղթը Բանկ մուտք լինելու հաջորդ օրը, եթե այլ ժամկետներ նախատեսված չեն օրենքով, դրան համապա¬տասխան սահմանված բանկային կանոն¬ներով կամ բանկային հաշվի պայմանագրով,
• Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա,
• Առանց հաշվետիրոջ կարգադրության Հաշվից դրամական միջոցների բռնագանձումը կարող է իրականցվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի հիման վրա,
• Հաշվի պայմանագիրը հաճախորդի դիմումով լուծվում է ցանկացած ժամանակ,
• Դատարանը Բանկի պահանջով կարող է լուծել Հաշվի պայմանագիրը հետևյալ դեպքերում`
  • երբ հաճախորդի հաշվում պահվող դրամական միջոցների գումարը պակաu է բանկային կանոններով կամ պայմանագրով նախատեuված նվազագույն չափից,
  • եթե նման գումարը չի վերականգնվել այդ մաuին բանկի զգուշացման oրվանից մեկ ամuվա ընթացքում,
  • մեկ տարվա ընթացքում տվյալ հաշվով գործառնությունների բացակայության դեպքում:
• Բանկն իրավունք ունի առանց հաճախորդին ծանուցելու, իր հայեցողությամբ կասեցնել Հաշվի պայմանագրի գործողությունը կամ լուծել այն, եթե`
  • Բանկին հայտնի է դառնում, որ ֆիզիկական անձ հաճախորդը մահացել է կամ օրենքով սահմանված կարգով ճանաչվել է անգործունակ,
  • Բանկը հիմնավոր կասկած ունի, որ հաճախորդը Բանկում իրականացնում է հանցավոր ճանապարհով ձեռք բերված միջոցների շրջանառություն,
  • Հաճախորդի կողմից Հաշվի բացման օրվանից մեկ տարվա ընթացքում Հաշվով գործառնություններ չեն իրականացվել,
  • Օրենքով կամ Բանկի և հաճախորդի միջև կնքված առանձին պայմանագրով նախատեսված այլ դեպքերում:
    
    

Սույն կետի համաձայն` Հաշվի պայմանագրի գործողության կասեցման դեպքում Բանկը կասեցնում է հաճախորդի Հաշվի սպասարկումը` մինչև կասեցման համար հիմք հանդիսացող հանգամանքների վերացումը, իսկ Հաշվի պայմանագրի լուծման դեպքում` Բանկը փակում է հաճախորդի Հաշիվը:

Հաճախորդի դիմումը ստանալու նույն օրը Բանկը պարտավոր է փակել հաճախորդի Հաշիվը, բացառությամբ հետևյալ դեպքերի՝

• հաճախորդը Բանկի նկատմամբ ունի չմարված պարտավորություններ,
• Հաշվի մնացորդը գրավադրված է, և չկա Հաշիվը փակելու վերաբերյալ գրավառուի համաձայնությունը,
• Հաշվին առկա է մնացորդ,
• օրենքով և կնքված առանձին պայմանագրով նախատեսված այլ դեպքերում:

Ձեր ֆինանսական տեղեկատուն

fininfo.am

ՈՒՇԱԴՐՈՒԹՅՈՒՆ՝ «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է:

Էսքրոու հաշվի բացման համար Գնորդի և Վաճառողի կողմից Բանկին ներկայացվող փաստաթղթերն են.

• Էսքրոու հաշվի բացման դիմում
• գործարքը հավաստող փաստաթղթեր (առքուվաճառքի, ապրանքների ձեռքբերման, ծառայությունների մատուցման, աշխատանքների կատարման կնքված պայմանագրի պատճեն, հաշիվ-ապրանքագիր և այլն)
• առքուվաճառքի օբյեկտի սեփականության իրավունքը հավաստող փաստաթուղթ
• տրանսպորտային միջոցի սեփականության իրավունքը հավաստող փաստաթուղթ
• ֆիզիկական անձանց դեպքում` անձը (ինքնությունը) հաստատող փաստաթուղթ և հանրային ծառայությունների համարանիշ կամ բնակչության պետական ռեգիստր վարող մարմնի կողմից տրված տեղեկանք հանրային ծառայությունների համարանիշ չստանալու վերաբերյալ
• իրավաբանական անձանց դեպքում` կանոնադրության պատճեն և վերջինիս փոփոխությունները (առկայության դեպքում), իրավաբանական անձանց գրանցման պետական ռեգիստրի վկայականի պատճեն բոլոր ներդիրներով, ՀՎՀՀ պատճեն, եթե ՀՀ ԱՆ պետական ռեգիստրի (E-register) տվյալների շտեմարանում տվյալները կամ փաստաթղթերը բացակայում են կամ սխալ են, բաժնետիրական ընկերությունների դեպքում` ռեեստրի տեղեկանք, տնօրենի, գլխավոր հաշվապահի և հիմնադիրների անձը հաստատող փաստաթղթերի պատճեններ, իրավասու մարմնի (ընդհանուր ժողովի) որոշումը գործարքի կատարման վերաբերյալ
• անհատ ձեռնարկատերերի դեպքում` անձը (ինքնությունը) հաստատող փաստաթուղթ, հանրային ծառայությունների համարանիշ կամ բնակչության պետական ռեգիստր վարող մարմնի կողմից տրված տեղեկանք հանրային ծառայությունների համարանիշ չստանալու վերաբերյալ, իրավաբանական անձանց գրանցման պետական ռեգիստրի վկայականի պատճեն` բոլոր ներդիրներով, ՀՎՀՀ պատճեն
• Բանկի պահանջով այլ փաստաթղթեր:
• Բանկը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» ("Know Your Customer") սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ հաճախորդին
• Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն ֆինանսական կազմակերպությունը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում: