Ակբա բանկը և Տեղեկատվական և հաղորդակցության տեխնոլոգիաների գործատուների միությունը (UEICT) Ակբա Բիզնես ակումբի (Acba⠀Business⠀Club) շրջանակում համագործակցության հուշագիր են ստորագրել, որով կհամագործակցեն Հայաստանում փոքր և միջին ձեռնարկությունների թվային հմտությունների զարգացման ուղղությամբ։

Բանկը և ՏՀՏ գործատուների միությունը ՓՄՁ-ների՝ թվային հմտությունների զարգացման նպատակով կհամագործակցեն երեք հիմնական ուղղություններով.

• ՓՄՁ-ների թվայնացում և թվային հմտությունների զարգացում,
• ՓՄՁ-ների համար ինտերակտիվ, ժամանակակից և թվային բովանդակությամբ ուսուցման գործընթացի կազմակերպում,
• ՓՄՁ-ների կրթում` բիզնեսում թվային հմտությունների անհրաժեշտության և թվային ներգրավվածության նպատակով։
  
  

«Ակբա Բիզնես Փարթնր» ենթաբրենդի ներքո ՓՄՁ ղեկավարներին հնարավորություն է տրվում ձեռք բերել նոր գիտելիքներ և կառավարման համար անհրաժեշտ գործիքներ, հաստատել նոր գործարար կապեր, ինչպես նաև դառնալ բիզնես համայնքի անդամ։ «Ակբա Բիզնես Փարթնր» ենթաբրենդի շրջանակում ՓՄՁ ղեկավարները կարող են՝

• մասնակցել անվճար բիզնես դասընթացների,
• դառնալ Ակբա Բիզնես ակումբի անդամ,
• օգտվել sme.acba.am օնլայն բիզնես հարթակի հնարավորություններից,
• առավել ճանաչելի դարձնել սեփական արտադրանքը՝ մասնակցելով «Արտադրված է մեր գործընկերների կողմից» նախագծին։
  
  

Ակբա Բիզնես ակումբը հնարավորություն է ընձեռում ՓՄՁ ղեկավարներին հաստատել նոր գործարար կապեր, մասնակցել թեմատիկ միջոցառումների, լինել բիզնես իրադարձությունների կիզակետում, ինչպես նաև օգտվել գործընկեր կազմակերպությունների կողմից տրամադրվող հատուկ առաջարկներից։

Ակբա Բիզնես ակումբը նոր հեռանկարների և հնարավորությունների սկիզբ է բիզնեսների համար։