Կորոնավիրուսի տնտեսական հետևանքների չեզոքացման ՀՀ կառավարության 1-ին ծրագրի շրջանակում վարկ ստանալու համար ԱԿԲԱ-ԿՐԵԴԻՏ ԱԳՐԻԿՈԼ Բանկ կարող են դիմել՝

• իրավաբանական անձինք,
• Ա/Ձ-ները:

Նշվածները կարող են վարկավորման համար դիմել Բանկին այն դեպքում, եթե առնվազն վերջին մեկ տարվա ընթացքում առևտրային գործունեություն են ծավալել ՀՀ տարածքում և ունեն բարվոք հարկային և վարկային պատմություն:

Վարկերը տրամադրվում են հետևյալ պայմաններով՝

• Արժույթը՝ ՀՀ դրամ (համաֆինանսավորման գործիքի դեպքում (ստորև) մի մասը կարող է լինել նաև արտարժույթով),
• ժամկետը՝ մինչև 24 ամիս,
• վարկային միջոցների օգտագործման կարգը՝ միայն անկանխիկ և բանկային փոխանցումներով,
• առավելագույն փաստացի տոկոսադրույքը՝ մինչև 6% տարեկան:

Ծրագրի շրջանակում իրավաբանական անձինք և Ա/Ձ-ները ստացվող միջոցները կարող են ներգրավել հետևյալ խնդիրները լուծելու համար.

• աշխատակիցներին աշխատավարձ կամ դրան հավասարեցված վճարումներ իրականացնելու համար (յուրաքանչյուր աշխատակցի դեպքում ոչ ավել, քան ամսական 500 000 ՀՀ դրամ գումարի չափով՝ առավելագույնը 3 ամսվա համար),
• պետական կամ համայնքի բյուջե հարկերի, տուրքերի և պարտադիր վճարների վճարումներ իրականացնելու համար (առավելագույնը 3 ամսվա համար),
• հումքի գնման կամ ներմուծման համար` պայմանով, որ հումքի ողջ ծավալը պետք է օգտագործվի ՀՀ-ում,
• նոր սարքերի և սարքավորումների գնման կամ ներմուծման համար` պայմանով, որ տվյալ սարքերն ու սարքավորումները պետք է օգտագործվեն ՀՀ-ում արտադրություն կազմակերպելու կամ արտադրությունն ընդլայնելու նպատակով,
• հանրային ծառայությունների վճարումների (էլեկտրաէներգիայի, ջրի, գազի, կապի և հեռահաղորդակցության գծով ծախսերի) իրականացման համար (յուրաքանչյուր ծառայության դեպքում ոչ ավել, քան ամսական 5 000 000 ՀՀ դրամ գումարի չափով՝ առավելագույնը 3 ամսվա համար),
• ձեռնարկատիրությամբ զբաղվող շահառուների կողմից սննդի և դեղերի ներմուծման նպատակով՝ պայմանով, որ ներմուծված ապրանքը պետք է իրացվի ՀՀ-ում։

Ծրագրի շրջանակում օգտագործվող օժանդակության գործիքներն են՝

• վարկի համաֆինանսավորում,
• վարկի վերաֆինանսավորում,
• վարկի սուբսիդավորում:

Օժանդակության գործիքների միջոցով աջակցման պայմաններն են՝

*պայմանով, որ Բանկի առավելագույն փաստացի %–ը կկազմի 12%, իակ վարկի` Բանկի կողմից ֆինանսավորվող մասի արժույթը կլինի ՀՀ դրամ,

**պայմանով, որ Բանկի առավելագույն փաստացի %–ը կկազմի 12% ՀՀ դրամով, իսկ արտարժույթով՝ 9%:

Մեկ շահառուի՝ օժանդակության գործիքի ներքո տրամադրվելիք վարկերի առավելագույն գումարը՝ 500 մլն. ՀՀ դրամին համարժեք: Մեկ շահառուի համաֆինանսավորման կամ վերաֆինանսավորման առավելագույն գումարի չափերը չեն կարող գերազանցել՝ 250 մլն ՀՀ դրամը:

Կորոնավիրուսի տնտեսական հետևանքների չեզոքացման ՀՀ կառավարության 3-րդ ծրագրի շրջանակում վարկ ստանալու համար ԱԿԲԱ-ԿՐԵԴԻՏ ԱԳՐԻԿՈԼ Բանկ կարող են դիմել՝

• իրավաբանական անձինք,
• Ա/Ձ-ները:

Նշվածները կարող են վարկավորման համար դիմել Բանկին այն դեպքում, եթե առնվազն վերջին մեկ տարվա ընթացքում առևտրային գործունեություն են ծավալել ՀՀ տարածքում և միաժամանակ՝

1.գործունեությունը ծավալում են հետևյալ ոլորտներից մեկում՝

• մշակող արդյունաբերություն,
• կացության և հանրային սննդի կազմակերպում,
• փոխադրումներ և պահեստային տնտեսություն,
• զբոսաշրջային ծառայություններ,
• սպասարկման այլ ծառայություններ,
• առողջապահություն:

2. 2019թ․-ի շրջանառությունը կազմել է նվազագույնը 24, իսկ առավելագույնը՝ 500 մլն դրամ:

3. 2019թ.-ի յուրաքանչյուր եռամսյակի շրջանառությունը պակաս չի եղել տարեկան շրջանառության գումարի 10%-ից:

4. Ունեն բարվոք վարկային և հարկային պատմություն:

5.Ըստ ԱՔՌԱ տեղեկատվության ժամանակին են կատարել իրենց վարկային պարտավորությունները:

Ծրագրի շրջանակում վարկերը տրամադրվում են հետևյալ պայմաններով՝

• Արժույթը՝ ՀՀ դրամ,
• ժամկետը՝ մինչև 36 ամիս (առաջին 6 ամսում վարկի մարում չի նախատեսվում),
• մեկ շահառուի վարկի առավելագույն սահմանաչափը 50մլն. ՀՀ դրամ, բայց ոչ ավել քան 2019թ. շրջանառության 10%-ը,
• վարկի տոկոսադրույքը՝ 1-ին տարում՝ 0%, 2-րդ տարում` 0%, 3-րդ տարում՝ 12%,
• որպես վարկի ապահովման միջոց պահանջվելու է սեփականատիրոջ կամ կազմակերպության կառավարմանը մասնակցող այլ ֆիզիկական անձի (անձանց) անձնական երաշխավորությունը, որը կներկայացվի Ներդրումների աջակցման կենտրոնին։ Վերջինս պետք է բավարարի ԱՔՌԱ համակարգի չափանիշներով սքորինգի՝ Ներդրումների աջակցման կենտրոնի սահմանած նվազագույն պայմաններին,
• վարկային միջոցների օգտագործման կարգը՝ միայն անկանխիկ և բանկային փոխանցումներով՝ ծախսերի նպատակայնությունը հաստատելուց հետո, վարկի հաստատմանը հաջորդող 3 ամիսների ընթացքում։

Բանկի մասնաճյուղերում հերթերից խուսափելու և հաճախորդների սպասարկումն առավել արդյունավետ դարձնելու նպատակով Բանկի պաշտոնական կայքում ստեղծվել են առցանց դիմելու հայտեր, որոնց միջոցով հաճախորդները կարող են դիմել վերոնշյալ ծրագրերից օգտվելու համար առանց տանից դուրս գալու:

Հարցերի դեպքում կարող եք զանգահարել Բանկի շուրջօրյա գործող հեռախոսահամարներին՝ 010 31 88 88, 010 31 99 99 կամ հաղորդագրություն գրել Բանկի ֆեյսբուքյան էջին:

Եղե՛քառողջ և ապահով: