|
Մեկ բանկային օրվա ընթացքում 25,000 ԱՄՆ դոլարից ավել կամ դրան համարժեք այլ արտարժույթի փոխարկման դեպքում, գործարքը իրականացվում է պայմանագրային սկզբունքով՝ Բանկի հայեցողությամբ և Բանկի կողմից որոշված փոխարժեքով:
100,000 դրամ (ներառյալ) կամ դրան համարժեք արտարժույթից ավելի փոխարկային գործարքների իրականացման համար անհրաժեշտ է ներկայացնել անձը հաստատող փաստաթուղթ:
Փոխարկային գործարքների իրականացման միջնորդավճարներ սահմանված չեն:
Պատռվածքներով և վնասվածքներով ԱՄՆ դոլարը և Եվրոն, ինչպես նաև մինչև 1995 թվականի թողարկման ԱՄՆ դոլարի ընդունումը իրականացվում է 5% միջնորդավճարով:
500 Եվրո անվանական արժեքով թղթադրամները Բանկի կողմից չեն ընդունվում, փոխարկվում և փոխարինվում:
Ակբա բանկը փոքր և միջին ձեռնարկությունների զարգացման նպատակով բիզնես դասընթացներ է անցկացնում Երևանում և մարզերում։
Տավուշի մարզում Ակբա բանկը գործարարներին է ներկայացրել ճգնաժամային և անկայուն իրավիճակներում բիզնեսը գրագետ վարելու եղանակներն ու գործիքները, ինչպես նաև գործարարների հետ քննարկվել են զարգացման հնարավորությունները։
«Ակբա բանկը մշտապես կարևորել է մարզերի համաչափ զարգացումը և հատուկ ուշադրություն է դարձնում բիզնեսի զարգացմանը, աշխատատեղերի ստեղծմանը։ Ակբա բանկը մարզերում ևս նույն որակի և ծավալի բիզնես դասընթացներ է իրականացնում, ինչ Երևանում. ամեն ինչ նույնն է։ Այս ամենով մենք ցույց ենք տալիս նաև մեր պատասխանատվությունը մարզերի բնակիչների առջև։ Մենք ունենք տարբեր թեմաներով բիզնես դասընթացներ, բայց դրանց բոլորի նպատակը մեկն է՝ օգնել զարգացնել բիզնեսը, առաջ մղել նորարարությունը, օգտագործել բիզնեսի վարման նոր եղանակներ ու տեխնոլոգիաներ, որովհետև համոզված ենք, որ առանց նորարարության հնարավոր չէ բիզնես վարել։ Մարզային բիզնեսների համար նորարարությունը շատ ավելի կարևոր է, որովհետև դա հնարավորություն է տալիս առաջ անցնել մրցակիցներից և նոր հաջողություններ գրանցել։ Դրանով է նաև պայմանավորված, որ մեր բիզնես դասընթացները մեծ պահանջարկ ունեն մարզերում»,- նշել է Ակբա բանկի բիզնես գործառույթների համակարգման գծով գլխավոր գործադիր տնօրենի տեղակալ Արսեն Մելքոնյանը։
Ակբա բանկի բիզնես դասընթացներն անվճար են և բաց բիզնես ոլորտի բոլոր ներկայացուցիչների համար։ Ավելի քան տասը տարիների ընթացքում շուրջ 150 բիզնես դասընթացներին մասնակցել է 1100-ից ավելի կազմակերպության ղեկավար կազմի ավելի քան 2300 ներկայացուցիչ՝ Երևանից ու Հայաստանի տարբեր մարզերից։
Ակբա բանկը բանկային ոլորտում առաջինն է Հայաստանում, որն անվճար բիզնես դասընթացներ է կազմակերպել երկրում բիզնեսի զարգացմանն աջակցելու համար: Ակբա բանկի անվճար բիզնես դասընթացների, ինչպես նաև առաջիկա միջոցառումների մասին կարող եք տեղեկանալ sme.acba.am կայքի միջոցով։
Մանրամասն՝ տեսանյութում։