Շուրջօրյա սպասարկում
010 31 88 88
Քարտերի շուրջօրյա սպասարկման հեռախոսահամար
010 31 99 99
acba digital
ԿԱՊ ՄԵԶ ՀԵՏ
Անհատներ
Բիզնես
Ֆերմերներ
Նորություններ
Հայաստանից լավ տեղ չկա
2022-08-16
Բոլոր երգերը, մտքերը, ապագայի ծրագրերը հայրենիքում ու հայրենիքի մասին․ ճամբարականները գիտեն՝ Հայաստանից լավ տեղ չկա։ Ապրելու բանաձևը՝ սովորել, դառնալ լավ մասնագետ և հզորացնել երկիրը։

Ծաղկաձորի «Լավա Աղբյուր» ճամբարում ամառային արձակուրդներն են անցկացնում հայրենիքի պաշտպանությանը մասնակցած և բազմազավակ ընտանիքների 11-13 տարեկան երեխաները։

Արդեն 6 տարի Ֆինանսական համակարգի հաշտարարի գրասենյակը իրականացնում է ամառային կրթական ծրագրեր՝ երեխաներին ֆինանսական գիտելիքներ փոխանցելու համար։
Երեխաների համար կազմակերպվում են խաղ-մրցույթներ, քննարկումներ, որոնց միջոցով երեխաները իմանում են, թե ինչ ծառայություններ են մատուցում ֆինանսական կազմակերպությունները, ինչ է ֆինանսական ապահովագրությունը, ավանդը և, առհասարակ՝ ինչ է փողը։

Կրթական ծրագրին մասնակցում է Ակբա բանկը, որը ճամբարականների համար կազմակերպել է ինտերակտիվ ծրագիր։
Բանկի աշխատակիցները խաղերի միջոցով երեխաներին են փոխանցում ընկերության, փոխօգնության, միասնականության և թիմային աշխատանքի գաղափարները։

Ուսումնական տարվան ընդառաջ Ակբա բանկը ճամբարականների համար պատրաստել է նաև նվերներ՝ գրենական պիտույքներ, գրքեր։ Սեպտեմբերին ճամբարականները դպրոց կգնան արդեն լավ ընկերներ դարձած, ջերմ հիշողություններով և համալրված գիտելիքներով։

«Օրվա հիմնական նպատակը երեխաներին ուրախացնելն է, հաճելի օր պարգևելը, լավ հիշողություններ ստեղծելը։ Խաղերի հիմքում դրված էր միմյանց օգնելու ու համագործակցելու գաղափարը: Միմյանց օգնելով, մի գաղափարի շուրջ համախմբվելով ու միասին համագործակցելով՝ երեխաները կարողացան խաղը խաղալ»,-նշել է Ակբա բանկի Ոչ ֆինանսական ծառայությունների թիմ լիդեր Արմինե Թումանյանը:

Մանրամասն՝ տեսանյութում:


Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև օտար լեզվով տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով։ Էջը թարմացվել է 03.10.2022 11:27
Ակբա բանկը վերահսկվում է ՀՀ ԿԲ կողմից։
Արամի 82-84, Երևան, Հայաստան
Էլ.-փոստ` acba@acba.am