Ավելի քան երեք տարի է, ինչ Ակբա Բիզնես ակումբը մեկ հարթակի ներքո է համախմբում գործարար համայնքի ներկայացուցիչներին։ Բիզնես ակումբի նախաձեռնած հերթական հանդիպում-քննարկումը բիզնես շրջայցի ձևաչափով է։ Յուրահատուկ ֆորմատով հանդիպումը ակումբականների համար լավ հնարավորություն է անմիջական միջավայրում հաղորդակցվելու, սեփական բիզնեսի օրինակով բիզնես քեյսեր քննարկելու և նոր համագործակցություններ մեկնարկելու համար։

«Ջրաղացպանյան» գինիների գործարանում շրջայցի ընթացքում ակումբի անդամ Արտաշես Ջրաղացպանյանը ակումբականներին ներկայացրեց ընտանեկան բիզնեսի ստեղծման պատմությունը գինիների արտադրման առանձնահատկություններն ու իրենց բրենդը ճանաչելի դարձնելու մարքեթինգային գաղտնիքները։

«Մենք այժմ բանկի հետ երկար ճանապարհ է անցած մեր գործընկերոջ գինիների արտադրությունում ենք. շատ ենք կարևորում նմանատիպ փոխհարաբերությունները։ Այսօրվա այցը այդ հարաբերություններն էլ ավելի ամրապնդելուն են ուղղված։ Այստեղ հավաքված մարդիկ բոլորն էլ բիզնես աշխարհի ներկայացուցիչներ են և հուսով ենք, որ մինչև օրվա ավարտ այստեղ նույնպես նոր համագործակցություններ և բիզնես գաղափարներ կստեղծվեն»,- նշել է Ակբա բանկի ՓՄՁ և կորպորատիվ բիզնեսի տնօրեն Նորիկ Նազարյանը։

«Մենք սկսել ենք մեր արտադրությունը 2018-ին, երբ ընտանիքիս հետ որոշեցինք որ պետք է ավելի շատ ներկայացված լինենք գինու շուկայում։ Ակբա Բիզնես ակումբը մեծ կարևորություն ունի մեր բիզնեսում։ Այն հնարավորություն է տալիս ավելի ճանաչելի դարձնել բիզնեսը, նոր գիտելիքներ ստանալ։ Ակումբի շրջանակներում բազմաթիվ միջոցառումներ են տեղի ունենում, որոնցից մաքսիմալ գիտելիքներ ենք կոմպենսացնում մեր բիզնեսներում օգտագործելու համար»,- նշել է «Ջրաղացպանյան» գինու գործարանի հիմնադիր, գործադիր տնօրեն Արտաշես Ջրաղացպանյանը։


«Ակբա Բիզնես Փարթնր» ենթաբրենդի ներքո ՓՄՁ ղեկավարներին հնարավորություն է տրվում ձեռք բերել նոր գիտելիքներ և կառավարման համար անհրաժեշտ գործիքներ, հաստատել նոր գործարար կապեր, ինչպես նաև դառնալ բիզնես համայնքի անդամ։

«Ակբա Բիզնես Փարթնր» ենթաբրենդի շրջանակում ՓՄՁ ղեկավարները կարող են՝

• մասնակցել անվճար բիզնես դասընթացների,
• դառնալ Ակբա Բիզնես ակումբի անդամ,
• օգտվել sme.acba.am օնլայն բիզնես հարթակի հնարավորություններից,
• առավել ճանաչելի դարձնել սեփական արտադրանքը՝ մասնակցելով «Արտադրված է մեր գործընկերների կողմից» նախագծին

Ակբա Բիզնես ակումբը հարթակ է, որը հնարավորություն է ընձեռում ՓՄՁ ղեկավարներին հաստատել նոր գործարար կապեր, մասնակցել թեմատիկ միջոցառումների, լինել բիզնես իրադարձությունների կիզակետում,
ինչպես նաև օգտվել գործընկեր կազմակերպությունների կողմից տրամադրվող հատուկ առաջարկներից։

Ակբա Բիզնես ակումբը նոր հեռանկարների և հնարավորությունների սկիզբ է բիզնեսների համար։

Մանրամասն՝ տեսանյութում։