ACBA ON-LINE
Անհատներ
Բիզնես
Ֆերմերներ
Նորություններ
Ֆինանսական նոր հոսքեր դեպի ՀՀ գյուղատնտեսություն
2016-12-15


Հարավարևելյան Եվրոպայի Եվրոպական հիմնադրամի (EFSE) և ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ միջև կնքվել է 10 միլիոն դոլարին համարժեք դրամով վարկային պայմանագիր, որն ուղղվելու է գյուղատնտեսության, ինչպես նաև փոքր և միջին ձեռնարկությունների ֆինանսավորմանը:

ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ և EFSE-ի համագործակցությունը սկսվեց 2013թ-ին, երբ հիմնադրամը բանկին 2 վարկ տրամադրեց՝ Հայաստանում միկրո և փոքր բիզնեսի ֆինանսավորմանն աջակցելու նպատակով:
Բանկի գլխավոր գործադիր տնօրեն Հակոբ Անդրեասյանն իր խոսքում նշեց, որ ներգրավված միջոցները թույլ կտան Հայաստանում ավելի ամրապնդելու Բանկի դիրքը ֆինանսաբանկային համակարգում. «Մենք ուրախ ենք խորացնելու մեր համագործակցությունը Հարավարևելյան Եվրոպայի Հիմնադրամի հետ և նոր փոխառություն ստանալ ազգային արժույթով: Այս գործարքը հնարավորություն կտա ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻՆ ավելի լայն գործունեություն ծավալել մեր տնտեսության զարգացման համար հիմնաքարային հանդիսացող՝ ՓՄՁ-ների և գյուղ ոլորտի ֆինանսավորման համար»:

EFSE-ի խորհրդի նախագահ Քրիստոֆ Տիսկենսն իր խոսքում նշեց, որ երկու կազմակերպությունների միջև 2013 թվականից մեկնարկած արդյունավետ համագործակցությունը ևս մեկ անգամ ապացուցվում է ստորագրված արդեն երրորդ պայմանագրով:

Տեղեկատվության հայերեն և անգլերեն տարբերակների միջև անհամապատասխանության առկայության դեպքում առաջնայնությունը տրվում է հայերեն տարբերակին:
Էջը թարմացվել է՝ 25.01.2017 13:35