Շուրջօրյա սպասարկում
010 31 88 88
Քարտերի շուրջօրյա սպասարկում
010 31 88 99
American Express քարտերի շուրջօրյա սպասարկում
010 31 99 99
acba digital
Կապ մեզ հետ
Անհատներ
Բիզնես
Ֆերմերներ
Նորություններ
«ԱՐՔԱ-ՄԻՐ» Քարտ՝ 2 քարտ մեկում ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻՑ
2017-10-02

ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ, հանդիսանալով Հայաստանում ռուսական МИР վճարային համակարգի առաջին գործընկերներից մեկը, հայտարարում է «ԱՐՔԱ-ՄԻՐ» նոր չիպային քարտի թողարկման մասին: Քարտը Հայաստանի Հանրապետության տարածքում գործելու է որպես ԱՐՔԱ քարտ, իսկ Ռուսաստանի Դաշնությունում՝ որպես МИР քարտ:

Նոր «ԱՐՔԱ-ՄԻՐ» քարտը թույլ կտա առավել մատչելի պայմաններով իրականացնել գործարքներ Ռուսաստանի Դաշնության տարածքում, ինչպես նաև օգտագործել այն 24/7 ռեժիմով «շտապ» դրամական փոխանցումների իրականացման համար: Մասնավորապես. այսուհետ ՌԴ-ից օրվա ցանկացած ժամին հնարավոր է МИР վճարային համակարգի քարտեր սպասարկող և կանխիկ գումարի մուտքագրման (CASH-IN) հնարավորություն ունեցող բանկոմատների միջոցով գումար մուտքագրել քարտին և հաշված րոպեների ընթացքում ստանալ այն Հայաստանում կամ հակառակը:

Նշված տարբերակով շուրջօրյա փոխանցումները հնարավոր են դառնում հիմնական և կից «ԱՐՔԱ-ՄԻՐ» քարտեր պատվիրելու շնորհիվ, որոնց դեպքում քարտային հաշվեհամարը մեկն է: Փոխանցում կատարող անձը կարող է ՌԴ-ում գումար փոխանցել իր մոտ գտնվող քարտին, իսկ փոխանցում ստացող անձը գումարը կանխիկացնել Հայաստանում՝ օգտագործելով իր կից քարտը:

Հատկանշական է, որ «ԱՐՔԱ-ՄԻՐ» քարտերը հաճախորդներին տրամադրվելու են առանց առաջին տարվա սպասարկման միջնորդավճարի, ինչը լավ հնարավորություն է ստեղծում առանց որևէ լրացուցիչ ծախսերի գործնականում փորձել քարտի կողմից ընձեռվող առավելությունները:

Նոր քարտատեսակի առանձնահատկություններից է նաև МИР վճարային համակարգի սպասարկման ցանցում և բանկոմատներում քարտով կատարված գործառնությունների ձևակերպման ժամանակ կիրառվող փոխարժեքը, եթե գործարքը կատարվել է քարտի արժույթից տարբերվող արժույթով: Ի տարբերություն այլ վճարային համակարգերի՝ այս դեպքում հիմք է հանդիսանում գործարքի կատարման օրվա փոխարժեքը, ինչը հնարավորություն է տալիս հաճախորդներին պաշտպանվել արտարժույթի փոխարժեքների կտրուկ տատանումներից:

МИР քարտերն արդեն սպասարկվում են ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ բանկոմատներով, իսկ ինչ վերաբերում է Բանկի հետ համագործակցող առևտրի և սպասարկման կետերում տեղադրված POS տերմինալներով քարտերի սպասարկմանը, ապա Բանկն արդեն իրականացնում է գործող պայմանագրերի վերակնքում և МИР քարտերի սպասարկման ակտիվացում:

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև օտար լեզվով տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով։ Էջը թարմացվել է 23.10.2017 11:53
Ակբա բանկը վերահսկվում է ՀՀ ԿԲ կողմից։
Արամի 82-84, Երևան, Հայաստան
Էլ.-փոստ` acba@acba.am