ACBA ON-LINE
ԿԱՊ ՄԵԶ ՀԵՏ
Անհատներ
Բիզնես
Ֆերմերներ
Նորություններ
Ամփոփվել է «Վճարի՛ր քարտով քո մարզում» արշավի արդյունքները
2019-12-13

Հայտնի են ԱԿԲԱ-ԿՐԵԴԻՏ ԱԳՐԻԿՈԼ Բանկի՝ Լոռի և Շիրակ մարզերում անկանխիկ գնումներ կատարելու «Վճարի՛ր քարտով քո մարզում» արշավի հաղթողները: Ամենաշատ անկանխիկ գնումներ կատարած քարտատերերին ԱԿԲԱ-ԿՐԵԴԻՏ ԱԳՐԻԿՈԼ Բանկը խրախուսեց դրամական պարգևատրմամբ:


Լոռու մարզում հաղթող ճանաչվեցին Արտակ Սիմոնյանը, Վանուհի Ափուջանյանն ու Արուսյակ Պետրոսյանը, Շիրակում՝ Բաբկեն Մկրտչյանը, Թերեզա Աբրահամյանը և Արամ Ղուկասյանը: Նշված մարզերում Բանկի POS տերմինալներով ամենաշատ անկանխիկ վճարումներ ընդունած առևտրի և սպասարկման կետերին էլ Բանկի կողմից տրամադրվեց գովազդային անվճար հարթակներ:


«Մենք ցանկանում ենք Հայաստանում նպաստել անկանխիկ վճարումներ կատարելու մշակույթի զարգացմանը: Այդ նպատակով սեպտեմբերի 15-ից հոկտեմբերի 31-ը ներառյալ ԱԿԲԱ-ԿՐԵԴԻՏ ԱԳՐԻԿՈԼ Բանկը Լոռու և Շիրակի մարզերում անցկացրեց «Վճարի՛ր քարտով քո մարզում» արշավը, ինչի արդյունքում այս մարզերում նախորդ տարվա նույն ժամանակահատվածի համեմատ գրանցվեց անկանխիկ գործարքների կտրուկ աճ: Լոռու մարզում ԱԿԲԱ-ԿՐԵԴԻՏ ԱԳՐԻԿՈԼ Բանկն ունի ավելի քան 20 հազար քարտատեր: Առևտրի և սպասարկման կետերում նրանց կողմից կատարված անկանխիկ գործարքները նախորդ տարվա նույն ժամանակահատվածի համեմատ աճել են ավելի քան 90%-ով: Իսկ Շիրակի մարզում ԱԿԲԱ-ԿՐԵԴԻՏ ԱԳՐԻԿՈԼ Բանկի շուրջ 16 հազար քարտատերերի կողմից նախորդ տարվա նույն ժամանակահատվածի համեմատ կատարված անկանխիկ գործարքների թիվը աճել է շուրջ 158%-ով: Այս արդյունքները խոսում են այն մասին, որ մենք շարժվում ենք ճիշտ ուղղությամբ: Մեր ջանքերը հետագայում ևս շարունակական են լինելու, որպեսզի կարողանանք այս արդյունքները տարածել և զարգացնել նաև մյուս մարզերում»,- նշել է Լոռի և Շիրակ մարզերում ԱԿԲԱ-ԿՐԵԴԻՏ ԱԳՐԻԿՈԼ Բանկի ռեգիոնալ մենեջեր Արմեն Բաղդասարյանը:


ԱԿԲԱ-ԿՐԵԴԻՏ ԱԳՐԻԿՈԼ Բանկը ստեղծվել է 1996թ.-ին և այժմ Հայաստանի Հանրապետության խոշորագույն բանկերից մեկն է: Բանկը ներկայացված է Երևանում և բոլոր մարզերում, ունի 60 մասնաճյուղ և շուրջ 1500 աշխատակից:

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև օտար լեզվով տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով։13.12.2019 18:04
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ վերահսկվում է ՀՀ ԿԲ կողմից։
Արամի 82-84, Երևան, Հայաստան
Հեռ.` (+374 10) 31 88 88
Ֆաքս` (+374 10) 54 34 85
Էլ.-փոստ` acba@acba.am