Ուորեն Էդվարդ Բաֆեթը՝ «Օմահայի օրակուլը», լեգենդար ներդրող է, հայտնի է նրանով, որ անհույս տեքստիլ գործարանը դարձրել է աշխարհի ամենահաջող հոլդինգ ընկերություններից մեկը: Եկեք միասին հետևենք նրա ուշագրավ ճանապարհորդությանը՝ համեստ երիտասարդից մինչև 100 միլիարդ դոլարից ավելի անձնական կարողություն ունեցող ազդեցիկ մարդ:

Վաղ տարիներ և կրթություն

Ուորենը ծնվել է Օմահայում՝ Նեբրասկա, 1930 թվականին, բաժնետոմսերի միջնորդ և կոնգրեսական Հովարդ Բաֆեթի ընտանիքում: Նա վաղ տարիքից սկսել է աշխատել ու սեփական միջոցները վաստակել․ վաճառում էր զովացուցիչ ըմպելիքներ և, ընդամենը 14 տարեկանում արդեն հավաքել էր գումար, որը ներդրեց անշարժ գույքի մեջ: Հոր ուղորդմամբ 16 տարեկանում ընդունվեց Փենսիլվանիայի համալսարան, իսկ հետո Նեբրասկայի համալսարան: Ավարտելուց հետո Բաֆեթը մագիստրոսի կոչում ստացավ Կոլումբիայի համալսարանում՝ սովորելով արժեքային ներդրումների հիմնադիր Բենջամին Գրեհեմի մոտ, ով էլ մեծ ազդեցություն ունեցավ Ուորենի ներդրումային փիլիսոփայության վրա։

Նշանակալի ձեռքբերումներ

Բաֆեթի կարիերան սկսվել է հոր բրոքերային ընկերությունում, այն բանից հետո, երբ Գրեհեմը սկզբում հրաժարվեց նրան աշխատանքի ընդունել, ու Ուորենը վերադարձավ Օմահա: Բայց Օմահան չափազանց փոքր էր Բաֆեթի ծրագրերի համար, ու մի քանի տարի անց նա տեղափոխվեց Նյու Յորք ու աշխատեց Գրեհեմի հետ։ Ի տարբերություն Գրեհեմի՝ Բաֆեթը թվերից վեր էր նայում՝ կենտրոնանալով ընկերության կառավարման և մրցակցային առավելությունների վրա: Հենց այս փիլիսոփայությունը նրան ստիպեց գնել Berkshire Hathaway-ը՝ անհույս տեքստիլ գործարանը: Ի սկզբանե Բաֆեթը այն վերածեց դիվերսիֆիկացված հոլդինգի՝ օգտագործելով տեքստիլ բիզնեսից ստացվող դրամական հոսքերը այլ ներդրումներ ֆինանսավորելու համար: 1985 թվականին նա փակեց տեքստիլի բիզնեսը, բայց Berkshire Hathaway-ը շարունակեց զարգանալ ու շուտով վերածվեց մի քանի միլիարդ դոլար արժողությամբ խառնուրդային ընկերության՝ կոնգլոմերատի։

Ինչպե՞ս Բաֆեթը զարգացրեց Berkshire Hathaway-ը

Բաֆեթի ռազմավարությունը Berkshire Hathaway-ի հետ կապված ներառում էր տեքստիլ բիզնեսից ստացված շահույթի օգտագործումը այլ ընկերություններ ձեռք բերելու համար: Ապահովագրական դուստր ձեռնարկությունները ունեցվածքի զգալի ծավալ են ապահովել հետագա ներդրումների համար: Նա ձեռք բերեց այնպիսի բիզնեսներ, ինչպիսիք են See's Candy-ն, American Express-ը, Coca-Cola-ն և Apple-ը: Նրա «գնել և պահել» մոտեցումը թույլ տվեց, որ այս ներդրումները զգալիորեն արժևորվեն։

Բաֆեթի ներդրումային ռազմավարությունը

Բաֆեթի փիլիսոփայությունը պտտվում է լավ կառավարվող, թերագնահատված ընկերություններում բաժնետոմսերի ձեռքբերման շուրջ՝ դրանք անորոշ ժամանակով պահելու մտադրությամբ: Նա գնում էր ֆիրմաներ, բայց և թույլ տալիս, որ դրանց ղեկավար թիմերը մնան ու զբաղվեն ամենօրյա գործառնություններով:

Անձնական կյանքը

Չնայած իր հսկայական հարստությանը, Բաֆեթը շարունակում է տնտեսող մնալ: Նա ապրում է այն նույն տանը, որ գնել էր 1958 թվականին և վայելում է հասարակ կերակուրներ տեղի ռեստորաններում։ Նա անձնական ինքնաթիռ ձեռք բերեց միայն տարիներ անց ու շատ մեծ դժկամությամբ, և այն անվանեց «Անպաշտպանելի»՝ շեշտելու իր քննադատությունը շռայլ ծախսերի հանդեպ: Բաֆեթը նախատեսում է իր ունեցվածքի մեծ մասը օգտագործել մեգա-նվիրատվությունների մեջ՝ հիմնականում Բիլ և Մելինդա Գեյթս հիմնադրամին՝ աջակցելով այնպիսի խնդիրների, ինչպիսիք են համաշխարհային առողջապահությունը և կանանց իրավունքները:

Որպես վերջաբան․

Ուորեն Բաֆեթի ճանապարհորդությունը զովացուցիչ ըմպելիքների վաճառքից մինչև աշխարհի ամենահարուստ անհատներից մեկը դառնալը վկայում է նրա ներդրումային խելամտության մասին: Արժեքավոր ներդրումների նկատմամբ նրա մոտեցումը և որակյալ ընկերություններին երկարաժամկետ հավատարմությունը նրան դարձրեցին ֆինանսական աշխարհի լեգենդար գործիչ, իսկ նրա նվիրվածությունը բարեգործությանը կուտակած հարստությունը կծառայեցնի կարիքավորներին և աշխարհի խոցելի խմբերին։