Վարկի գործողության ընթացքում (եթե վարկը Բանկում գործող է արդեն 6 ամիս) հաճախորդը կարող է մոտենալ մասնաճյուղ և դիմել վարկային արձակուրդից օգտվելու նպատակով։

Վարկային արձակուրդն առաջարկվում է հետևյալ դեպքերում․

1. Հաճախորդը (վարկառուն/համավարկառուն) գտնվում է հղիության և ծննդաբերության արձակուրդի մեջ կամ
2. Հաճախորդը (վարկառուն/համավարկառուն) գտնվում է երեխայի խնամքի արձակուրդի մեջ

• վարկի գործողության ընթացքում միայն մեկ անգամ
• մինչև 6 ամիս ժամկետով
• արձակուրդի ընթացքում մարվում են միայն կուտակված տոկոսագումարները:

Հաճախորդը Վարկային արձակուրդից կարող է օգտվել, եթե տվյալ վարկի գծով վճարումները կատարել է պատճաշ կերպով:

Անշարժ գույքի վերանորոգման հիփոթեքային վարկեր

Անհրաժեշտ փաստաթղթերն են.

• Դիմողի անձը հաստատող փաստաթուղթ,
• Հանրային ծառայությունների համարանիշ կամ համարանիշ չստանալու վերաբերյալ տեղեկանք,
• Վերանորոգվող անշարժ գույքի սեփականության վկայական (պատճեն),
• Վերանորոգվող անշարժ գույքի համասեփականատերերի անձը հաստատող փաստաթղթեր (պատճեն),
• Գրավ առաջարկվող գույքի սեփականությունը հավաստող փաստաթուղթ(եր) (պատճեն),
• Գրավ առաջարկվող գույքի համասեփականատերերի անձը հաստատող փաստաթղթեր (պատճեն),
• Գրավ առաջարկվող գույքի համասեփականատերերի ամուսնության վկայականների պատճենները (վերջիններիս ամուսնացած լինելու դեպքում),
• Տեղեկանք դիմողի աշխատավայրից*` վերջինիս ստացած ամսական միջին եկամտի վերաբերյալ (հաշվարկը կատարվում է վերջին 12 ամսվա կտրվածքով),
• Ընթացիկ և/կամ կապիտալ վերանորոգման անհրաժեշտ աշխատանքների և ծախսերի նախահաշիվ` լրացված հաճախորդի կողմից,
• Անհրաժեշտության դեպքում կարող է պահանջվել այլ փաստաթղթեր:

Փաստաթղթերի վաղեմությունը ընդունման պահին չպետք է գերազանցի 15-օրյա ժամ­կետը:

Ելնելով տարաբնույթ հանգամանքներից, կարող են պահանջվել լրացուցիչ փաստաթղթեր և տեղեկատվություն:

*Տեղեկանքը պետք է պարունակի հաճախորդի մաքուր ամսական աշխատավարձի/եկամտի չափը` հարկերը վճարելուց հետո, աշխատանքի վայրի հասցեն, հեռախոսահամարներ, տեղեկանքը տվող կազմակերպության ղեկավարի ստորագրությունը և կնիքը, ելքի համար, տրման ամիս, ամսաթիվ:

• Վարկային հայտի վերաբերյալ որոշումը կայացվում և և հեռախոսազանգի և/կամ էլեկտրոնային հաղորդակցության միջոցներով տեղեկացվում է հաճախորդին է անհրաժեշտ փաստաթղթերըներկայացնելուց առավելագույնը 6 բանկային օրվա ընթացքում,
• Վարկի տրամադրման դրական որոշման դեպքում այն ձևակերպվում է գրավադրման գործընթացի ավարտից հետո առավելագույնը 2 բանկային օրվա ընթացքում,

Վարկի տոկոսագումարի հաշվարկման օրինակ.

• Վարկի գումարը - 25,000,000 ՀՀ դրամ
• Վարկի տոկոսադրույքը – 18 %
• Վարկի ժամկետը - 120 ամիս
• Այս օրինակում վարկի ամսական մուծման չափը* կկազմի 450,463 ՀՀ դրամ
• Տարեկան փաստացի տոկոսադրույքը կկազմի 19.55%
• Օրական տոկոսագումարը կկազմի Վարկի գումար(մնացորդ) × Վարկի տոկոսադրույք ÷ 365 = (25,000,000×18%÷365) = 12,328.77 ՀՀ դրամ

*մարման չափը կարող է տարբերվել` կախված տվյալ ամսվա օրերի քանակից

ՈՒՇԱԴՐՈՒԹՅՈՒՆ՝ ՎԱՐԿԻ ՏՈԿՈՍԱԳՈՒՄԱՐՆԵՐԸ ՀԱՇՎԱՐԿՎՈՒՄ ԵՆ ԱՆՎԱՆԱԿԱՆ ՏՈԿՈՍԱԴՐՈՒՅՔԻ ՀԻՄԱՆ ՎՐԱ, ԻՍԿ ՏԱՐԵԿԱՆ ՓԱՍՏԱՑԻ ՏՈԿՈՍԱԴՐՈՒՅՔԸ ՑՈՒՅՑ Է ՏԱԼԻՍ, ԹԵ ՈՐՔԱՆ ԿԱՐԺԵՆԱ ՎԱՐԿԸ ՁԵԶ ՀԱՄԱՐ ՏՈԿՈՍԱԳՈՒՄԱՐՆԵՐԸ ԵՎ ՎԱՐԿԻ ՏՐԱՄԱԴՐՄԱՆ և ՍՊԱՍԱՐԿՄԱՆ ԳԾՈՎ ԲՈԼՈՐ ՊԱՐՏԱԴԻՐ ՎՃԱՐՆԵՐԸ ՍԱՀՄԱՆՎԱԾ ԺԱՄԿԵՏՆԵՐՈՒՄ ԵՎ ՉԱՓԵՐՈՎ ԿԱՏԱՐԵԼՈՒ ԴԵՊՔՈՒՄ: ՓԱՍՏԱՑԻ ՏՈԿՈՍԱԴՐՈՒՅՔԻ ՀԱՇՎԱՐԿԸ ԿԱՐՈՂ ԵՔ ԳՏՆԵԼ ԱՅՍՏԵՂ:

Տեղեկացեք մանրամասն.

• Հիփոթեքային վարկի հաշվիչ

Վարկառուի կողմից իր պարտավորությունները ժամանակին չկատարելու դեպքում յուրաքանչյուր ժամկետանց օրվա համար հաշվարկվում է տուժանք 0.13%-ի չափով (կիրառվող տույժեր)

Վարկի մարումներն իրականացվում են հետևյալ հերթականությամբ (ժամկետանց պարտավորությունները կատարելու դեպքում)`

Հերթական մարման դեպքում

• Տույժ/տուգանք
• Տոկոսագումար
• Մայր գումար
  

Մայր գումարի վաղաժամ մարման դեպքում (ժամկետանց պարտավորությունը կատարելու դեպքում)

• Ժամկետանց պարտավորության ամբողջական մարում
• Մայր գումարի մարում
  

Մայր գումարի վաղաժամ մարման դեպքում (ժամկետանց պարտավորությունը գերազանցող մասի դեպքում)

• Մայր գումարի մարում

Բանկի հետ համագործակցող որակավորված անկախ գնահատող ընկերություններ

Անշարժ գույքի վերանորոգման հիփոթեքային վարկի տեղեկատվական ամփոփագիր

Անշարժ գույքի վերանորոգման (վերակառուցման) հիփոթեքային վարկերը տրամադրվում են 18 տարին լրացած ռեզիդենտ ֆիզիկական այն անձանց, ովքեր վարկի գործողության ողջ ընթացքում չեն բոլորի կենսաթոշակային տարիքը + 4 տարի:

Անշարժ գույքի վերանորոգման (վերակառուցման) հիփոթեքային վարկերը տրամադրվում են անշարժ գույքի վերանորոգման/վերակառուցման նպատակով:

• Վարկի գումարը տրամադրվում է անկանխիկ,
• Վարկ տրամադրելու դրական որոշման գործոններն են հաճախորդի վարկունակության գնահատումը,
• Վարկի մերժման գործոններն են՝ վերլուծության արդյունքում ստացված անբավարար ֆինանսական ցուցանիշները, հաճախորդի վատ վարկային պատմությունը, անհրաժեշտ ապահովվածության անբավարարությունը/բացակայությունը, Բիզնես խորհրդատուի մասնագիտական կարծիքը, վարկային կոմիտեի մասնագիտական կարծիքը:
• Վարկը ձևակերպվում է Բանկի մասնաճյուղերում,
• Եթե վարկը տրամադրվում է անշարժ գույքի գրավի հիման վրա, և տվյալ անշարժ գույքը գնահատվում է 30 մլն ՀՀ դրամ և ավել, ապա գույքի գնահատումը պետք է իրականացվի նաև Բանկի հետ համագործակցող որակավորված անկախ գնահատողի կողմից,
• Հիփոթեքային վարկի ապահովման միջոց հանդիսացող գույքի գրավադրման պայմանագրերը վավերացվում են նոտարական կարգով, և նշված պայմանագրերից բխող գրավի իրավունքը ենթակա է պետական գրանցման:
• Բանկը պարտավորվում է 7 օր առաջ պայմանագրի առաջարկը տրամադրել սպառողին և ընձեռել 7 օր մտածելու ժամանակ։
• Պայմանագրի գործողության ընթացքում քաղվածքները տրամադրվում են գրաֆիկով սահմանված յուրաքանչյուր մարումից 20 աշխատանքային օր առաջ՝ հաճախորդի նախընտրած հաղորդակցման եղանակով:
• Պայմանագրի գործողության ընթացքում ՀՀ օրենսդրությամբ պարտադիր տրամադրման ենթակա վարկային հաշվի քաղվածքը և այլ տեղեկությունները տրամադրվում են անվճար։ ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը տրմադարվում է.
  
  
  • մինչև 6 ամիս (ներառյալ) վաղեմության դեպքում – անվճար,
  • 6-ից 12 ամիս(ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
  • 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ և ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

Բանկը կարող է միակողմանիորեն փոփոխել պայմանագրով սահմանված տոկոսադրույքը` այդ մասին առնվազն 7 օրացուցային օր առաջ ծանուցելով Վարկառուին՝ վարկը նպատակային չօգտագործելու, ինչպես նաև վարկային պայմանագրով սահմանված պարտավորությունները չիրականացնելու դեպքում:

ՈՒՇԱԴՐՈՒԹՅՈՒՆ՝ ՎԱՐԿ ՍՏԱՆԱԼՈՒ ՀԱՄԱՐ ԴԻՄԵԼԻՍ ԲԱՆԿԸ ՁԵԶ, ԵՐԱՇԽԱՎՈՐ(ՆԵՐ)ԻՆ (ԱՌԿԱՅՈՒԹՅԱՆ ԴԵՊՔՈՒՄ) ԿՏՐԱՄԱԴՐԻ ՀԻՓՈԹԵՔԱՅԻՆ ՎԱՐԿԻ ԷԱԿԱՆ ՊԱՅՄԱՆՆԵՐԻ ԱՆՀԱՏԱԿԱՆ ԹԵՐԹԻԿ. ՈՐՈՒՄ ԿՆԵՐԿԱՅԱՑՎԵՆ ՁԵԶ ՏՐԱՄԱԴՐՎԵԼԻՔ ՎԱՐԿԻ ԱՆՀԱՏԱԿԱՆ ՊԱՅՄԱՆՆԵՐԸ:

Վարկավորման համար սպառողի կողմից կարող են կատարվել հետևյալ վճարները՝

• Անշարժ գույքի գնահատման ծառայության վճար - 5,000 ՀՀ դրամ և ավելի միջակայքում`կախված գույքի մակերեսից և տեսակից:
• Նոտարական ծառայության վճար` 3,000 - 15,000 ՀՀ դրամ
• Անշարժ գույքի գրավի իրավունքի գրանցման վկայականի վճար – 2,000-25,000 ՀՀ դրամ
• Միասնական տեղեկանքի (անշարժ գույքի սահմանափակումների վերաբերյալ) վճար – 10,000 ՀՀ դրամ
• Այլ գույքերի գրավադրման հետ կապված վճարներ – 2.000-10.000 ՀՀ դրամ:
  
  

Վարկը կարող է մարվել (ամբողջությամբ կամ մասնակի) պայմանագրային ժամկետից շուտ, որի դեպքում, հաճախորդը վճարում է վարկի փաստացի ժամկետի համար հաշվարկված տոկոսագումարը, ինչպես նաև միանվագ տուգանք հետևյալ չափերով.

• առաջին տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.6 տոկոսի չափով,
• երկրորդ տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.4 տոկոսի չափով,
• երրորդ տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.2 տոկոսի չափով, իսկ պայմանագրի գործողության մնացած ժամանակահատվածում վաղաժամկետ մարում կատարելու դեպքում` որևէ տուգանք չի գանձվում:

Ընդ որում, պայմանագրային տարի է համարվում պայմանագրի կնքման ամսաթվին հաջորդող յուրաքանչյուր 12-ամսյա ժամանակահատվածը:

Գրավի բռնագանձում

ԳՐԱՎԱԴՐՎԱԾ ԳՈՒՅՔԸ ԿԱՐՈՂ Է ԲՌՆԱԳԱՆՁՎԵԼ, ԵԹԵ ՎԱՐԿԱՌՈՒՆ ԺԱՄԱՆԱԿԻՆ ՉԿԱՏԱՐԻ ՏՈԿՈՍԱԳՈՒՄԱՐՆԵՐԻ և ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ: ԳՐԱՎԻ ԱՐԺԵՔԻ ԱՆԲԱՎԱՐԱՐ ԼԻՆԵԼՈՒ ՊԱՐԱԳԱՅՈՒՄ ՎԱՐԿԱՌՈՒԻ ՊԱՐՏԱՎՈՐՈՒԹՅՈՒՆՆԵՐԸ ԿՄԱՐՎԵՆ ՎԱՐԿԱՌՈՒԻ ԱՅԼ ԳՈՒՅՔԻ ՀԱՇՎԻՆ:

Վարկային ռեգիստրին տրամադրվող տեղեկատվություն

ՎԱՐԿԱՌՈՒԻ ԿՈՂՄԻՑ ՏՈԿՈՍԱԳՈՒՄԱՐՆԵՐԻ և ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ ԺԱՄԿԵՏԻՆ ՉՎՃԱՐԵԼՈՒ ԴԵՊՔՈՒՄ ՎԱՐԿԱՌՈՒԻ ՄԱՍԻՆ ՏԵՂԵԿԱՏՎՈՒԹՅՈՒՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈՒՄ:

ՎԱՏ ՎԱՐԿԱՅԻՆ ՊԱՏՄՈՒԹՅՈՒՆ ՈՒՆԵՆԱԼԸ ՁԵԶ ՀԱՄԱՐ ՀԵՏԱԳԱՅՈՒՄ ԿԱՐՈՂ Է ԽՈՉԸՆԴՈՏ ՀԱՆԴԻՍԱՆԱԼ ԱՅԼ ՎԱՐԿԵՐ ՍՏԱՆԱԼԻՍ:

ԵՐԱՇԽԱՎՈՐՆԵՐԻ ՀԱՄԱՐ

Տեղեկացնում ենք, որ

• եթե վարկառուն չկատարի պարտավորությունները, ապա Դուք եք վճարելու իր փոխարեն, վատանալու է Ձեր վարկային պատմությունը և զրկվելու եք Ձեր գույքից:
• Ձեզ տրամադրվելու է վարկային, երաշխավորության պայմանագրերի և մարման գրաֆիկի օրինակ:
• Հաղորդակցումը իրականացվելու է Ձեր կողմից ընտրված եղանակով:
• 7 աշխատանքային օր առաջ ծանուցվելու եք պայմանագրի պայմանների փոփոխության մասին:
• 3 աշխատանքային օր առաջ հիշեցում է ուղարկվելու առկա պարտավորության վերաբերյալ:
• Վարկի մարման ուշացման դեպքում՝ ամենաուշը մեկ օր հետո, Ձեզ տեղեկացնելու են այդ մասին:

ԵՐԱՇԽԱՎՈՐՆ ԻՐԱՎՈՒՆՔ ՈՒՆԻ

• Ցանկացած ժամանակ վարկատուից պահանջել տեղեկատվություն վարկի մնացորդի չափի մասին:
• Վարկառուից հետ ստանալու Ձեր կողմից վարկի համար վճարած գումարները, ինչպես նաև վարկառուի փոխարեն կրած այլ վնասները:

Վարկային պատմության կարևորության և սքորի կիրառության վերաբերյալ կարող եք ծանոթանալ այստեղ

Ֆինանսական օգնական

fininfo.am

ՈՒՇԱԴՐՈՒԹՅՈՒՆ՝ «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է