Վարկի տրամադրում

• ինչպես ռեզիդենտներին, այնպես էլ ոչ ռեզիդենտներին,
• առանց հաճախորդի եկամուտները վերլուծելու` 50% և ավելի կանխավճար կատարելու (գումարի սառեցման) դեպքում, եթե գույքը ձեռք է բերվում առաջնային շուկայից,
• առանց լրացուցիչ գույքի գրավի, եթե գույքը ձեռք է բերվում համագործակցող կառուցապատող կազմակերպությունից,
• առանց կանխավճարի՝ լրացուցիչ անշարժ գույքի գրավադրման դեպքում,
• առանց վարկառուի/համավարկառուի կյանքի ապահովագրության պահանջի,
• առանց վարկի ամսական սպասարկման միջնորդավճարի և վարկային հայտի ուսումնասիրության վճարի

Տեղեկացեք մանրամասն.

Հիփոթեքային վարկերի լողացող տոկոսադրույքի փոփոխվող բաղադրիչ
Հնարավոր լրացուցիչ վճարումների չափի մասին՝ Վարկային սակագներ։

Վարկային սակագների նախկին պայմաններ

Պետական աջակցության ծրագրերն են՝

1. Մարզում հիփոթեքի աջակցության ծրագիր
2. Հիփոթեքի մարման աջակցության ծրագիր

Ինչպես ստանալ անշարժ գույքի գնման հիփոթեքային վարկի վճարված տոկոսագումարների փոխհատուցում եկամտային հարկից

Սույն տեղեկատվությունը կրում է խորհրդատվական բնույթ

Մենք կօգնենք Ձեզ, ՀՀ հարկային օրենսգրքի համաձայն, ստանալ փոխհատուցում Ձեր հիփոթեքային վարկի համար վճարվող տոկոսագումարների դիմաց՝ Ձեր եկամտային հարկից:

Վարձու աշխատող հանդիսացող ֆիզիկական անձանց եկամտային հարկը հիփոթեքային վարկի սպասարկման նպատակով վճարված տոկոսագումարների չափով վերադարձվում է, եթե.

Հիփոթեքային վարկը տրամադրվել է բնակարան կամ անհատական բնակելի տուն ձեռքբերելու նպատակով կամ ՀՀ տարածքում անհատական բնակելի տուն կառուցելու նպատակով և փաստացի ուղղվել է նշված նպատակների կատարմանը, ընդ որում.

• Բնակարանը պետք է ձեռք բերվի.

Հայաստանի Հանրապետության տարածքում կառուցված կամ կառուցվող բազմաբնակարան բնակելի շենքում անմիջապես կառուցապատողից

Պետության և (կամ) համայնքի կողմից իրականացվող բնակարանային ապահովության ծրագրի շրջանակներում պետությունից կամ համայնքից, ընդ որում տվյալ դեպքում բնակարանի հետ միասին կարող է ձեռք բերվել նաև ավտոկայանատեղի, եթե այն Հայաստանի Հանրապետության կառավարության սահմանած կարգով կցված է բնակարանին

• Անհատական բնակելի տունը պետք է ձեռք բերվի.

Հայաստանի Հանրապետության տարածքում բնակելի թաղամասերում կամ համալիրներում անմիջապես կազմակերպություն կամ անհատ ձեռնարկատեր հանդիսացող կառուցապատողից

Ինչպիսի սահմանափակումներ կան փոխհատուցումը ստանալու համար.

• բնակարան ձեռք բերելու գործարքի պայմանագրային արժեքը չպետք է գերազանցի 55 միլիոն դրամը (սույն դրույթը չի վերաբերում բնակելի տան կառուցապատման նպատակով տրամադրվող վարկերին),

• վերադարձման ենթակա եկամտային հարկի ընդհանուր գումարը յուրաքանչյուր եռամսյակի համար չի կարող գերազանցել 1.5 միլիոն դրամը (01.01.25թ.-ից` 750.000 ՀՀ դրամը),

• եկամտային հարկի վերադարձման հնարավորությունից 2018 թվականի հունվարի 1-ից հետո վարկառու և համավարկառու ֆիզիկական անձինք իրենց ընտրությամբ կարող են օգտվել միայն մեկ հիփոթեքային վարկի պայմանագրի մասով։

Ինչ է անհրաժեշտ փոխհատուցում ստանալու համար.

• Ներքոնշյալ փաստաթղթերը ներկայացնել կառուցված կամ կառուցվող բազմաբնակարան բնակելի շենքի կամ անհատական բնակելի տան գտնվելու վայրի հարկային մարմնի տարածքային բաժին՝

  • վարկային փաթեթը (առուվաճառքի և հիփոթեքային վարկի, լրացուցիչ գրավ հանդիսացող գույքի/գույքերի (առկայության դեպքում), գլխավոր վարկային, գլխավոր վարկային պայմանագրի հավելված վարկային պայմանագրերի բնօրինակ կամ այդ պայմանագրերի՝ նոտարական կարգով վավերացված պատճենները և հիփոթեքային պայմանագրի շրջանակներում ձեռք բերվող` գրավադրված գույքի և լրացուցիչ գրավ հանդիսացող գույքի/գույքերի սեփականության վկայականները կամ կառուցվող շենքից անշարժ գույք գնելու իրավունքի պետական գրանցման վկայականը),

  • կառուցապատողի կողմից տրված տեղեկանքը բնակարանը կամ անհատական բնակելի տունն անմիջապես կառուցապատողից ձեռք բերված (բերվող) լինելու մասին, կամ վարկառու համարվող անձին տրված` անհատական բնակելի տան շինարարության թույլտվությունը (Հայաստանի Հանրապետության օրենսդրությամբ սահմանված ժամկետներում գործող),

  • վարկառուի/համավարկառուի անձը հաստատող փաստաթուղթը,

  • հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքը

• Յուրաքանչյուր եռամսյակ վճարված տոկոսագումարների փոխհատուցման նպատակով ներկայացնել էլեկտրոնային դիմում ՀՀ պետական եկամուտների պաշտոնական կայքէջում ՝ նշելով նաև փուխհատուցումը ստացող ֆիզիկական անձի բանկային հաշվեհամարը,

Ուշադրություն. Դիմումը կարող է մերժվել, եթե այն ներկայացնելու պահին հաշվետու եռամսյակի ամիսների համար ներկայացված եկամտային հարկի և սոցիալական վճարի ամսական (պարզեցված) հաշվարկով աշխատավարձի և դրան հավասարեցված վճարումների մասով հայտարարագրված հարկային պարտավորություններն ամբողջությամբ կատարված չեն:

Այս պայմանները գործում են 2018 թվականի հունվարի 1-ից հետո տրամադրված hիփոթեքային վարկերի դեպքում

Վարկի գործողության ընթացքում (եթե վարկը Բանկում գործող է արդեն 6 ամիս) հաճախորդը կարող է մոտենալ մասնաճյուղ և դիմել վարկային արձակուրդից օգտվելու նպատակով։

Վարկային արձակուրդն առաջարկվում է հետևյալ դեպքերում․

1. Հաճախորդը (վարկառուն/համավարկառուն) գտնվում է հղիության և ծննդաբերության արձակուրդի մեջ կամ
2. Հաճախորդը (վարկառուն/համավարկառուն) գտնվում է երեխայի խնամքի արձակուրդի մեջ

• վարկի գործողության ընթացքում միայն մեկ անգամ
• մինչև 6 ամիս ժամկետով
• արձակուրդի ընթացքում մարվում են միայն կուտակված տոկոսագումարները

Անհրաժեշտ փաստաթղթերն են.

• Դիմողի անձը հաստատող փաստաթուղթ,
• Հանրային ծառայությունների համարանիշ կամ համարանիշ չստանալու վերաբերյալ տեղեկանք(ըստ անհրաժեշտության),
• Գնվող անշարժ գույքի սեփականության վկայական (պատճեն),
• Գնվող անշարժ գույքի համասեփականատերերի անձը հաստատող փաստաթղթեր (պատճեն) և վերջիններիս ամուսնության վկայականների պատճեները (ամուսնացած լինելու դեպքում),
• Տեղեկանք անձնագրային բաժնից` գնվող բնակարանում, բնակելի տանը, առանձնատանը գրանցված անձանց վերաբերյալ,
• Տեղեկանք դիմողի աշխատավայրից` վերջինիս ստացած ամսական միջին եկամտի վերաբերյալ (հաշվարկը կատարվում է վերջին 12 ամսվա կտրվածքով),
• Որպես գրավ առաջարկվող գույքի սեփականությունը հավաստող փաստաթուղթ(եր) (պատճեն):

Փաստաթղթերի վաղեմությունը ընդունման պահին չպետք է գերազանցի 15-օրյա ժամ­կետը:

Ելնելով տարաբնույթ հանգամանքներից, կարող են պահանջվել լրացուցիչ փաստաթղթեր և տեղեկատվություն:

*Տեղեկանքը պետք է պարունակի հաճախորդի մաքուր ամսական աշխատավարձի/եկամտի չափը` հարկերը վճարելուց հետո, աշխատանքի վայրի հասցեն, հեռախոսահամարներ, տեղեկանքը տվող կազմակերպության ղեկավարի ստորագրությունը և կնիքը, ելքի համար, տրման ամիս, ամսաթիվ:

• Վարկային հայտի վերաբերյալ որոշումը կայացվում և տեղեկացվում է հաճախորդին անհրաժեշտ փաստաթղթերը ներկայացնելուց առավելագույնը 6 բանկային օրվա ընթացքում,
• Վարկի տրամադրման դրական որոշման դեպքում այն ձևակերպվում է գրավադրման գործընթացի ավարտից հետո առավելագույնը 2 բանկային օրվա ընթացքում,

*Փաստացի տոկոսադրույքը հաշվարկվել է ներառյալ Անշարժ գույքի գնահատման ծառայության վճարը, Նոտարական ծառայության վճարը, Անշարժ գույքի գրավի իրավունքի գրանցման վկայականի վճարը, Միասնական տեղեկանքի վճարը, Գույքի ապահովագրավճարը։

*մարման չափը կարող է տարբերվել` կախված տվյալ ամսվա օրերի քանակից

Արտարժութային վարկերի դեպքում տարեկան փաստացի տոկոսադրույքի հաշվարկի համար հիմք է հանդիսանում վարկի տրամադրման օրվա դրությամբ ՀՀ ԿԲ պաշտոնական կայքէջում հրապարակված փոխարժեքը, ընդ որում տարեկան փաստացի տոկոսադրույքը կարող է փոփոխվել՝ կախված Հայաստանի Հանրապետության կենտրոնական բանկի պաշտոնական կայքէջում հրապարակված փոխարժեքի մեծության փոփոխությունից:

ՈՒՇԱԴՐՈՒԹՅՈՒՆ՝ ՎԱՐԿԻ ՏՈԿՈՍԱԳՈՒՄԱՐՆԵՐԸ ՀԱՇՎԱՐԿՎՈՒՄ ԵՆ ԱՆՎԱՆԱԿԱՆ ՏՈԿՈՍԱԴՐՈՒՅՔԻ ՀԻՄԱՆ ՎՐԱ, ԻՍԿ ՏԱՐԵԿԱՆ ՓԱՍՏԱՑԻ ՏՈԿՈՍԱԴՐՈՒՅՔԸ ՑՈՒՅՑ Է ՏԱԼԻՍ, ԹԵ ՈՐՔԱՆ ԿԱՐԺԵՆԱ ՎԱՐԿԸ ՁԵԶ ՀԱՄԱՐ ՏՈԿՈՍԱԳՈՒՄԱՐՆԵՐԸ ԵՎ ՎԱՐԿԻ ՏՐԱՄԱԴՐՄԱՆ և ՍՊԱՍԱՐԿՄԱՆ ԳԾՈՎ ԲՈԼՈՐ ՊԱՐՏԱԴԻՐ ՎՃԱՐՆԵՐԸ ՍԱՀՄԱՆՎԱԾ ԺԱՄԿԵՏՆԵՐՈՒՄ ԵՎ ՉԱՓԵՐՈՎ ԿԱՏԱՐԵԼՈՒ ԴԵՊՔՈՒՄ: ՓԱՍՏԱՑԻ ՏՈԿՈՍԱԴՐՈՒՅՔԻ ՀԱՇՎԱՐԿԸ ԿԱՐՈՂ ԵՔ ԳՏՆԵԼ ԱՅՍՏԵՂ։

Տեղեկացեք մանրամասն.

Հիփոթեքային վարկի հաշվիչ

Վարկառուի կողմից իր պարտավորությունները ժամանակին չկատարելու դեպքում յուրաքանչյուր ժամկետանց օրվա համար հաշվարկվում է տուժանք 0.13%-ի չափով (կիրառվող տույժեր)

Վարկի մարումներն իրականացվում են հետևյալ հերթականությամբ (ժամկետանց պարտավորությունները կատարելու դեպքում)

• Տույժ/տուգանք
• Տոկոսագումար
• Մայր գումար։

Բանկի հետ համագործակցող ապահովագրական ընկերություններ՝

Ռոսգոսստրախ-Արմենիա (հասցե՝ Երևան Հյուսիսային պող., 1 շենք, հեռ.՝ (374) 10 59 10 10 )

Ինգո Արմենիա (հասցե՝ Երևան Հանրապետության փող., 51, 53, տարածքներ 47, 48, 50; հեռ.՝ (374) 10 59 21 21)

Նաիրի ինշուրանս (հասցե՝ ՀՀ, 0010, ք. Երևան, Վազգեն Սարգսյան 10 շ., թիվ 110 տարածք, հեռ՝ (374) 60 50 00 60)

Բանկի հետ համագործակցող որակավորված անկախ գնահատող ընկերություններ

Անշարժ գույքի ձեռքբերման (գնման) հիփոթեքային վարկի տեղեկատվական ամփոփագիր

Անշարժ գույքի գնման հիփոթեքային վարկերը տրամադրվում են 18 տարին լրացած ռեզիդենտ կամ ոչ ռեզիդենտ ֆիզիկական այն անձանց, ովքեր վարկի գործողության ողջ ընթացքում չեն բոլորի կենսաթոշակային տարիքը + 4 տարի:

Անշարժ գույքի գնման հիփոթեքային վարկերը տրամադրվում են առաջնային կամ երկրորդային շուկայից բնակելի կամ այլ անշարժ գույքի ձեռքբերման նպատակով:

• Վարկի գումարը տրամադրվում է անկանխիկ
• Վարկ տրամադրելու դրական որոշման գործոններն են հաճախորդի վարկունակության գնահատումը,
• Վարկի մերժման գործոններն են՝ վերլուծության արդյունքում ստացված անբավարար ֆինանսական ցուցանիշները, հաճախորդի վատ վարկային պատմությունը, անհրաժեշտ ապահովվածության անբավարարությունը/բացակայությունը, Բիզնես խորհրդատուի մասնագիտական կարծիքը, վարկային կոմիտեի մասնագիտական կարծիքը:
• Վարկը ձևակերպվում է Բանկի մասնաճյուղերում,
• Վարկի գործողության ողջ ընթացքում կատարվում է վարկառուի դժբախտ պատահարներից, ինչպես նաև վարկի ապահովման միջոց հանդիսացող գնվող անշարժ գույքի ապահովագրություն՝ տարեկան կտրվածքով: Ապահովագրությունը կատարվում է վարկի մնացորդային գումարի չափով՝ վարկառուի համար ընդունելի ապահովագրական ընկերության միջոցով և վարկատուի համար ընդունելի պայմաններով
• Գրավադրվող անշարժ գույքի գնահատումն իրականացվում է Բանկի հետ համագործակցող որակավորված անկախ գնահատող ընկերության կողմից,
• Արտարժույթով տրամադրված վարկերի դեպքում արտարժույթի փոխարժեքի փոփոխությունները կարող են ազդեցություն ունենալ վարկի մարումների վրա,
• Հիփոթեքային վարկի ապահովման միջոց հանդիսացող գույքի գրավադրման պայմանագրերը վավերացվում են նոտարական կարգով, և նշված պայմանագրերից բխող գրավի իրավունքը ենթակա է պետական գրանցման:
• Բանկը պարտավորվում է 7օր առաջ պայմանագրի առաջարկը տրամադրել սպառողին և ընձեռել 7 օր մտածելու ժամանակ։
• Պայմանագրի գործողության ընթացքում քաղվածքները տրամադրվում են գրաֆիկով սահմանված յուրաքանչյուր մարումից 20 աշխատանքային օր առաջ՝ հաճախորդի նախընտրած հաղորդակցման եղանակով:
• Պայմանագրի գործողության ընթացքում ՀՀ օրենսդրությամբ պարտադիր տրամադրման ենթակա վարկային հաշվի քաղվածքը և այլ տեղեկությունները տրամադրվում են անվճար։։ ՀՀ օրենսդրությամբ ոչ պարտադիր տրամադրման ենթակաքաղվածքը, քաղվածքի կրկնօրինակը տրմադարվում է.
  • մինչև 6 ամիս (ներառյալ) վաղեմության դեպքում – անվճար,
  • 6-ից 12 ամիս(ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
  • 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։

• Ըստ անհրաժեշտության վարկի վերաբերյալ տեղեկատվության տրամադրում տեղեկանքի ձևաչափով դիմումի ներկայացման աշխատանքային օրվա ընթացքում՝ 5000 ՀՀ դրամ, դիմումի ներկայացման հաջորդ աշխատանքային օրերի ընթացքում՝ 3000 ՀՀ դրամ։

• Գրավադրվող անշարժ գույքի գնահատումն իրականացվում է Բանկի հետ համագործակցող որակավորված անկախ գնահատող ընկերության կողմից,
• Վարկը կարող է տրամադրվել արտարժույթով, եթե վարկառուն և բոլոր համավարկառուները ոչ ռեզիդենտ ֆիզիկական անձինք են։

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ և ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

Բանկը կարող է միակողմանիորեն փոփոխել պայմանագրով սահմանված տոկոսադրույքը` այդ մասին առնվազն 7 օրացուցային օր առաջ ծանուցելով Վարկառուին՝ վարկը նպատակային չօգտագործելու, ինչպես նաև վարկային պայմանագրով սահմանված պարտավորությունները չիրականացնելու դեպքում:

ՈՒՇԱԴՐՈՒԹՅՈՒՆ՝ ՎԱՐԿ ՍՏԱՆԱԼՈՒ ՀԱՄԱՐ ԴԻՄԵԼԻՍ ԲԱՆԿԸ ՁԵԶ, ԵՐԱՇԽԱՎՈՐ(ՆԵՐ)ԻՆ (ԱՌԿԱՅՈՒԹՅԱՆ ԴԵՊՔՈՒՄ) ԿՏՐԱՄԱԴՐԻ ՀԻՓՈԹԵՔԱՅԻՆ ՎԱՐԿԻ ԷԱԿԱՆ ՊԱՅՄԱՆՆԵՐԻ ԱՆՀԱՏԱԿԱՆ ԹԵՐԹԻԿ. ՈՐՈՒՄ ԿՆԵՐԿԱՅԱՑՎԵՆ ՁԵԶ ՏՐԱՄԱԴՐՎԵԼԻՔ ՎԱՐԿԻ ԱՆՀԱՏԱԿԱՆ ՊԱՅՄԱՆՆԵՐԸ:

Վարկավորման համար սպառողի կողմից կարող են կատարվել հետևյալ վճարները՝

• Անշարժ գույքի գնահատման ծառայության վճար - 5,000 ՀՀ դրամ և ավելի միջակայքում`կախված գույքի մակերեսից և տեսակից:
• Նոտարական ծառայության վճար` 3,000 - 15,000 ՀՀ դրամ
• Անշարժ գույքի գրավի իրավունքի գրանցման վկայականի վճար – 2,000-25,000 ՀՀ դրամ
• Միասնական տեղեկանքի (անշարժ գույքի սահմանափակումների վերաբերյալ) վճար – 10,000 ՀՀ դրամ
• Գույքի և դժբախտ պատահարներից ապահովագրության վճարներ - Վարկի մնացորդային արժեքի 0,15% կամ 0,16% չափով

Գրավի առարկա հանդիսացող անշարժ գույքի ապահովագրական գումար է հանդիսանում ձեռք բերվող գույքի գնահատված արժեքի գումարը:

Գրավի առարկա հանդիսացող անշարժ գույքի ապահովագրական գումար է հանդիսանում ձեռք բերվող գույքի գնահատված արժեքի գումարը:

• Այլ գույքերի գրավադրման հետ կապված վճարներ – 2.000-10.000 ՀՀ դրամ։

Բոլոր վճարները ներառվում են փաստացի տոկոսադրույքի հաշվարկում։