Հիփոթեքային վարկեր երիտասարդ ընտանիքներին

Ակբա բանկի միջոցով վարկը ստանալու դեպքում՝ Դուք հնարավորություն ունեք օգտվելու վարկավորման առավել շահավետ պայմաններից.

• Երևան քաղաքում գտվող բնակարանի կամ բնակելի տան ձեռքբերման դեպքում սկսած 5.5% տարեկան տոկոսադրույքից,
• մարզերում գտնվող բնակարանի կամ բնակելի տան ձեռքբերման դեպքում սկսած 3.5% տարեկան տոկոսադրույքից:
• ցածր տոկոսադրույք,
• հաստատուն տոկոսադրույքով վարկավորում 180 ամիս ժամկետով,
• պետության կողմից տոկոսադրույքի սուբսիդավորում՝ երկրորդային շուկայից գույքի գնման դեպքում,
• վարկի տրամադրում 10% կանխավճարով՝ լրացուցիչ բնակելի անշարժ գույքի գրավադրման կամ առաջին 300 խոշոր հարկատու կազմակերպություններից որևէ մեկի երաշխավորության դեպքում,
• առկա չէ վարկի ամսական սպասարկման միջնորդավճար և վարկային հայտի ուսումնասիրության վճար

• Նվազագույն գումարը - 1,000,000 ՀՀ դրամ,
• Առավելագույն գումարը
  • 27,750,000 ՀՀ դրամ՝ առաջնային շուկայից (անմիջապես կառուցապատողից) անշարժ գույքի ձեռքբերման դեպքում
  • 22,500,000 ՀՀ դրամ՝ երկրորդային շուկայից անշարժ գույքի ձեռքբերման դեպքում

• Վարկի մարումներ - ամսական հավասարաչափ կամ վարկի մայր գումարի հավասարաչափ մասերով՝ յուրաքանչյուր ամիս նախատեսելով տոկոսագումարների և վարկի մասնակի մարումներ,
• Կանխավճար - Կանխավճարը սահմանվում է ձեռք բերվող բնակելի անշարժ գույքի վաճառքի գնի նվազագույնը 20%-ը (առաջնային շուկայից (անմիջապես կառուցապատողից) ձեռքբերելու դեպքում) և 30%-ը(երկրորդային շուկայից ձեռքբերելու դեպքում):

Նվազագույն կանխավճարը կարող է սահմանվել ձեռք­բեր­­վող բնակելի անշարժ գույքի 7.5%-ը՝ առաջնային շուկայից (անմիջապես կառուցապատողից) ձեռքբերելու դեպ­քում և 10%-ը՝ երկրորդային շուկայից ձեռքբերելու դեպքում, անկախ այն հանգամանքից` անշարժ գույքը գտնվում է Երևանում, թե ՀՀ մարզերում, եթե բավարարված է հետևյալ պահանջներից որևիցե մեկը.

• ձեռքբերվող բնակելի անշարժ գույքից բացի գրավադրվում է նաև այլ բնակելի անշարժ գույք,
• ձեռքբերվող բնակելի անշարժ գույքից բացի վարկառուի կողմից առաջարկվում է նաև երաշխա­վորություն` վարկ ստանալու դիմումը ներկայացնելու պահին ՀՀ խոշոր հարկատուների ցուցակում ընդգրկված` 1-ից 300 տեղերը զբաղեցնող իրավաբանական անձանց կողմից,
• վարկառուի կողմից կատարվում է սահմանված կանխավճարի մի մասի ապահովագրություն:

Կանխավճարի ապահովագրություն կարող է կատարվել բնակելի անշարժ գույքի՝

• առավելագույնը 12.5%-ի չափով, եթե անշարժ գույքը ձեռք է բերվում առաջնային շուկայից (անմիջապես կառուցապատողից),
• առավելագույնը 20%-ի չափով, եթե անշարժ գույքը ձեռք է բերվում երկրորդային շուկայից:
• Ապահովման միջոց - ձեռքբերվող բնակելի անշարժ գույք, անհրաժեշտության դեպքում` նաև դիմողին (համավարկառուին) պատկանող այլ բնակելի անշարժ գույք և/կամ երաշխավորություն(ներ)
• Միջնորդավճար - վարկի գումարի 1%-ի չափով կամ 0%՝ փոխարենը վարկի անվանական տոկոսադրույքին կգումարվի 0.5%:
• Տոկոսագումարի հաշվարկ - օրական՝ վարկի նվազող մնացորդի նկատմամբ,

• Վարկ-գրավ հարաբերակցություն - Վարկ հարաբերած գրավի արժեքը չպետք է գերազանցի`90%-ը
• Վարկի համար կարող է դիմել երիտասարդ ընտանիքը, որտեղ ամուսինները ռեզիդենտ ՀՀ քաղաքացիներ են և ամուսինների գումարային տարիքը չի գերազանցում 70-ը, կամ 18-35 (ներառյալ) տարեկան ռեզիդենտ ՀՀ քաղաքացի հանդիսացող միայնակ ծնող,
• Չեն կարող վարկավորվել այն հաճախորդները, որոնց և հնարավոր համավարկառուների ընդհանուր ամսական զուտ եկամտի հանրագումարը գերազանցում է 800,000 ՀՀ դրամը կամ որոնցից (ամուսիններից) որևէ մեկն ունի իրեն սեփականության իրավունքով պատկանող այլ բնակելի անշարժ գույք` բացառությամբ, եթե տվյալ բնակարանում/բնակելի տանը փաստացի բնակվող (հաշվառված) անձանց 1 շնչի հաշվով բաժին է ընկնում 18,0 քմ-ից պակաս տարածք,
• Վարկառուն (համավարկառուն) չպետք է ունենա ընթացիկ ժամկետանց պարտավորություն, բոլոր գործող վարկային պարտավորությունները պետք է դասակարգված լինեն որպես ստանդարտ, իսկ վերջին 12 ամիսների ընթացքում բոլոր վարկերի գծով ուշացած օրերի ընդհանուր քանակը չպետք է գերազանցի 30 օրացուցային օրը,

Տեղեկացեք մանրամասն.

Հնարավոր լրացուցիչ վճարումների չափի մասին՝ Վարկային սակագներ:

Վարկային սակագների նախկին պայմաններ

Պետական աջակցության ծրագրերն են՝

1. Մարզում հիփոթեքի աջակցության ծրագիր
2. Հիփոթեքի մարման աջակցության ծրագիր

• Դիմողի, գնվող/գրավադրվող անշարժ գույքի համասեփականատերերի անձը հաստատող փաստաթուղթ,
• Հանրային ծառայությունների համարանիշ կամ համարանիշ չստանալու վերաբերյալ տեղեկանք,
• Դիմողի, գնվող/գրավադրվող անշարժ գույքի համասեփականատերերի ամուսնության վկայական (պատճեններ) վերջիններիս ամուսնացած լինելու դեպքում,
• Ծննդյան վկայական/ներ/ը երեխա/ներ/ի համար /առկայության դեպքում/,
• Դիմողի հետ միասին ապրող և նրա խնամքի տակ գտնվող անձանց թվաքանակի մասին պաշտոնական տեղեկանք (տեղեկանք փաստացի բնակության վայրից կամ անձնագրային բաժնից),
• Տեղեկանք դիմողի (դիմողի ընտանիքի այլ անդամ(ներ)ի) աշխատավայրից, որտեղ պետք է նշվի փաստացի եկամտի չափը (զուտ), զբաղեցրած պաշտոնը և աշխատանքային ստաժը: Տեղեկանքն առնվազն պետք է պարունակի աշխատանքի վայրի հասցեն, գործատուի անվանումը, ՀՎՀՀ-ն, հեռախոսահամարները, տեղեկանքը տվող կազմակերպության ղեկավարի ստորագրությունը և կնիքը (առկայության դեպքում),
• Դիմողի այլ եկամուտը հավաստող փաստաթղթեր (վարձակալական վճար, տոկոսային եկամուտ կատարված ներդրումներից և այլն), ինչպես նաև այլ ծախսերի մասին տեղեկություն (օր. ալիմենտի կամ խնամքի կամ պահպանման այլ ծախսերի մասին),
• Դիմողի զբաղվածությունը 12 ամսից պակաս լինելու դեպքում տվյալներ նախկին զբաղվածության մասին (գործատուն, զբաղեցրած պաշտոնը, յուրաքանչյուր կազմակերպությունում աշխատանքի ստաժը),
• Տեղեկանք դիմողին սեփականության կամ ընդհանուր սեփականության իրավունքով պատկանող գույքերի վերաբերյալ ՀՀ ԿԱ Անշարժ գույքի կադաստրի պետական կոմիտեից,
• Տեղեկանք անձնագրային բաժնից` դիմողին և/կամ նրա ամուսնուն/կնոջը սեփականության իրավունքով պատկանող գույքի առկայության դեպքում,
• Այլ բանկերում առկա բոլոր հաշիվների (ցանկացած տեսակի) և դրանց շարժի մասին տվյալներ, օրինակ, ամսական միջին մնացորդը, միջին ամսական մուտքերը և ելքերը,
• Գնվող, գրավ առաջարկվող այլ գույքի սեփականության վկայական (պատճեն),
• Գնվող անշարժ գույքում գրանցված անձանց վերաբերյալ տեղեկանք անձնագրային բաժնից,
• Դիմողին վերաբերվող նույն փաստաթղթերը պետք է ներկայացվեն նաև համավարկառուի կողմից /համավարկառուի առկայության դեպքում/,
• Վաճառողի` անշարժ գույքի սեփականության իրավունքի ձեռք բերումը հաստատող փաստաթուղթ, որը կարող է լինել, օրինակ, հետևյալը.
• Ժառանգության իրավունքի վկայագիր` տրված նոտարի կողմից,
• Գույքը հրապարակային սակարկությունների միջոցով ձեռք բերելու վկայական` տրված նոտարի կողմից,
• Գույքի օտարման մասին առուվաճառքի կամ այլ պայմանագրեր,
• Սերտիֆիկացված անկախ գնահատողի կողմից գույքի գնահատման հաշվետվություն,
• Եթե դիմողը զբաղվում է ձեռնարկատիրական գործունեությամբ, ապա
• Կանոնադրության պատճեն, իրավաբանական անձանց գրանցման պետական ռեգիստրի վկայականի պատճեն (իր ներդիրներով) կամ տեղեկանքի պատճեն, ՀՎՀՀ-ի պատճեն (ըստ անհրաժեշտության)*
• Լիցենզիա (լիցենզավորված գործունեության համար),
• Վերջին 1 տարվա հարկային հաշվետվությունները` հաստատված հարկային մարմնի կողմից,
• Վերջին 1 տարվա եկամուտների և ծախսերի հաշվետվություններ (գրառումներ):

Բանկում հաշիվ չունենալու դեպքում անհրաժեշտ է ներկայացնել նաև «ԱԿԲԱ ԲԱնկ» ԲԲԸ-ում հաշվի բացման համար անհրաժեշտ փաստաթղթերը (բնօրինակները):

• Վարկառուի/համավարկառուի բանկային քարտի քաղվածք, որտեղ նշված կլինի ամսական աշխատավարձի չափը (առկայության դեպքում):

• Վարկային հայտի վերաբերյալ որոշումը կայացվում և տեղեկացվում է հաճախորդին անհրաժեշտ փաստաթղթերը ներկայացնելուց առավելագույնը 6 բանկային օրվա ընթացքում,
• Վարկի տրամադրման դրական որոշման դեպքում այն ձևակերպվում է գրավադրման գործընթացի ավարտից հետո առավելագույնը 2 բանկային օրվա ընթացքում,

Վարկի տոկոսագումարի հաշվարկի օրինակ

Եթե Դուք ցանկանում եք ձեռք բերել 17 400 000 ՀՀ դրամ արժողությամբ բնակարան երկրորդային շուկայից և կատարել 5 220 000 ՀՀ դրամ կանխավճար, ապա 180 ամսվա ընթացքում Ձեր ամսական վճարումը կկազմի 118,346 ՀՀ դրամ, որից կնվազեցի պայմանագրով նախատեսված սուբսիդավորվման գումարը:

Տարեկան տոկոսադրույքը` 8.3%։

*մարման չափը կարող է տարբերվել` կախված տվյալ ամսվա օրերի քանակից

ՈՒՇԱԴՐՈՒԹՅՈՒՆ՝ ՎԱՐԿԻ ՏՈԿՈՍԱԳՈՒՄԱՐՆԵՐԸ ՀԱՇՎԱՐԿՎՈՒՄ ԵՆ ԱՆՎԱՆԱԿԱՆ ՏՈԿՈՍԱԴՐՈՒՅՔԻ ՀԻՄԱՆ ՎՐԱ, ԻՍԿ ՏԱՐԵԿԱՆ ՓԱՍՏԱՑԻ ՏՈԿՈՍԱԴՐՈՒՅՔԸ ՑՈՒՅՑ Է ՏԱԼԻՍ, ԹԵ ՈՐՔԱՆ ԿԱՐԺԵՆԱ ՎԱՐԿԸ ՁԵԶ ՀԱՄԱՐ ՏՈԿՈՍԱԳՈՒՄԱՐՆԵՐԸ ԵՎ ՎԱՐԿԻ ՏՐԱՄԱԴՐՄԱՆ և ՍՊԱՍԱՐԿՄԱՆ ԳԾՈՎ ԲՈԼՈՐ ՊԱՐՏԱԴԻՐ ՎՃԱՐՆԵՐԸ ՍԱՀՄԱՆՎԱԾ ԺԱՄԿԵՏՆԵՐՈՒՄ ԵՎ ՉԱՓԵՐՈՎ ԿԱՏԱՐԵԼՈՒ ԴԵՊՔՈՒՄ: ՓԱՍՏԱՑԻ ՏՈԿՈՍԱԴՐՈՒՅՔԻ ՀԱՇՎԱՐԿԸ ԿԱՐՈՂ ԵՔ ԳՏՆԵԼ ԱՅՍՏԵՂ։՝

Տեղեկացեք մանրամասն.

Վարկառուի կողմից իր պարտավորությունները ժամանակին չկատարելու դեպքում յուրաքանչյուր ժամկետանց օրվա համար հաշվարկվում է տուժանք 0.13%-ի չափով (կիրառվող տույժեր)։

Վարկի մարումներն իրականացվում են հետևյալ հերթականությամբ (ժամկետանց պարտավորությունները կատարելու դեպքում)`

• Տույժ/տուգանք
• Տոկոսագումար
• Մայր գումար

Բանկի հետ համագործակցող ապահովագրական ընկերություններ՝

Ինգո Արմենիա (հասցե՝ Երևան Հանրապետության փող., 51, 53, տարածքներ 47, 48, 50; հեռ.՝ (374) 10 59 21 21)

Նաիրի ինշուրանս (հասցե՝ ՀՀ, 0010, ք. Երևան, Վազգեն Սարգսյան 10 շ., թիվ 110 տարածք, հեռ՝ (374) 60 50 00 60)

Բանկի հետ համագործակցող որակավորված անկախ գնահատող ընկերություններ

Մատչելի բնակարան երիտասարդների վարկի տեղեկատվական ամփոփագիր

«Երիտասարդ ընտանիքին` մատչելի բնակարան» ծրագրի շրջանակներում տրամադրվում են անշարժ գույքի գնման հիփոթեքային վարկեր՝ ՀՀ տարածքում գտնվող բնակելի անշարժ գույքի ձեռքբերման և բնակության նպատակով:

• Վարկի գումարը տրամադրվում է անկանխիկ
• Վարկ տրամադրելու դրական որոշման գործոններն են հաճախորդի վարկունակության գնահատումը,

• Վարկի մերժման գործոններն են՝ վերլուծության արդյունքում ստացված անբավարար ֆինանսական ցուցանիշները, հաճախորդի վատ վարկային պատմությունը, անհրաժեշտ ապահովվածության անբավարարությունը/բացակայությունը, Բիզնես խորհրդատուի մասնագիտական կարծիքը, վարկային կոմիտեի մասնագիտական կարծիքը:
• Վարկը ձևակերպվում է Բանկի մասնաճյուղերում,
• Վարկը ստանալու համար վարկառուի եկամուտները չբավարարելու դեպքում կարող են հանդես գալ համավարկառուներ: Համավարկառու կարող են հանդիսանալ վարկառուի ամուսինը, դիմողի և նրա ամուսնու ծնողները, քույրերը և եղբայրները, Այն դեպքում, եթե ամուսինը աշխատում է, ապա վերջինս պարտադիր պետք է հանդիսանա համավարկառու: Համավարկառուները վարկային պարտավորությունների շրջանակներում կրում են վարկառուի միևնույն պատասխանատվությունները,
• Վարկի գործողության ողջ ընթացքում կատարվում է վարկառուի (համավարկառու(ներ)ի) դժբախտ պատահարներից, ինչպես նաև վարկի ապահովման միջոց հանդիսացող գնվող անշարժ գույքի ապահովագրություն՝ տարեկան կտրվածքով: Ապահովագրությունը կատարվում է վարկի մնացորդային գումարի չափով՝ վարկառուի համար ընդունելի ապահովագրական ընկերության միջոցով և վարկատուի համար ընդունելի պայմաններով
• Ձեռքբերվող/գրավադրվող անշարժ գույքի գնահատումն իրականացվում է Բանկի հետ համագործակցող որակավորված անկախ գնահատող ընկերության կողմից,
• 90 օրից ավել վարկի մարումները ուշացնելու և տարեկան ապահովագրությունը ժամանակին չկատարելու դեպքում վարկը համարվում է չորակավորված, տոկոսադրույքն այլևս չի սուբսիդավորվում, իսկ վարկի տոկոսադրույքը կարող է վերանայվել և սահմանվել տվյալ պահին հիփոթեքային վարկերի շուկայական տոկոսադրույքի սահմաններում,
• Հիփոթեքային վարկի ապահովման միջոց հանդիսացող գույքի գրավադրման պայմանագրերը վավերացվում են նոտարական կարգով, և նշված պայմանագրերից բխող գրավի իրավունքը ենթակա է պետական գրանցման:
• Բանկը պարտավորվում է 7օր առաջ պայմանագրի առաջարկը տրամադրել սպառողին և ընձեռել 7 օր մտածելու ժամանակ։
• Պայմանագրի գործողության ընթացքում քաղվածքները տրամադրվում են գրաֆիկով սահմանված յուրաքանչյուր մարումից 20 աշխատանքային օր առաջ՝ հաճախորդի նախընտրած հաղորդակցման եղանակով:
• Պայմանագրի գործողության ընթացքում ՀՀ օրենսդրությամբ պարտադիր տրամադրման ենթակա վարկային հաշվի քաղվածքը և այլ տեղեկությունները տրամադրվում են անվճար։։ ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը տրմադարվում է.
  • մինչև 6 ամիս (ներառյալ) վաղեմության դեպքում – անվճար,
  • 6-ից 12 ամիս(ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
  • 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։
• Ըստ անհրաժեշտության վարկի վերաբերյալ տեղեկատվության տրամադրում տեղեկանքի ձևաչափով դիմումի ներկայացման աշխատանքային օրվա ընթացքում՝ 5000 ՀՀ դրամ, դիմումի ներկայացման հաջորդ աշխատանքային օրերի ընթացքում՝ 3000 ՀՀ դրամ։

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ և ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

ՈՒՇԱԴՐՈՒԹՅՈՒՆ՝ ՎԱՐԿ ՍՏԱՆԱԼՈՒ ՀԱՄԱՐ ԴԻՄԵԼԻՍ ԲԱՆԿԸ ՁԵԶ, ԵՐԱՇԽԱՎՈՐ(ՆԵՐ)ԻՆ (ԱՌԿԱՅՈՒԹՅԱՆ ԴԵՊՔՈՒՄ) ԿՏՐԱՄԱԴՐԻ ՀԻՓՈԹԵՔԱՅԻՆ ՎԱՐԿԻ ԷԱԿԱՆ ՊԱՅՄԱՆՆԵՐԻ ԱՆՀԱՏԱԿԱՆ ԹԵՐԹԻԿ. ՈՐՈՒՄ ԿՆԵՐԿԱՅԱՑՎԵՆ ՁԵԶ ՏՐԱՄԱԴՐՎԵԼԻՔ ՎԱՐԿԻ ԱՆՀԱՏԱԿԱՆ ՊԱՅՄԱՆՆԵՐԸ:

Վարկավորման համար սպառողի կողմից կարող են կատարվել հետևյալ վճարները՝

• Անշարժ գույքի գնահատման ծառայության վճար - 5,000 ՀՀ դրամ և ավելի միջակայքում`կախված գույքի մակերեսից և տեսակից:
• Նոտարական ծառայության վճար` 3,000 - 15,000 ՀՀ դրամ
• Անշարժ գույքի գրավի իրավունքի գրանցման վկայականի վճար – 2,000-25,000 ՀՀ դրամ
• Միասնական տեղեկանքի (անշարժ գույքի սահմանափակումների վերաբերյալ) վճար – 10,000 ՀՀ դրամ
• Գույքի և դժբախտ պատահարներից ապահովագրության վճարներ - Վարկի մնացորդային արժեքի 0,15% կամ 0,16% չափով

Գրավի առարկա հանդիսացող անշարժ գույքի ապահովագրական գումար է հանդիսանում ձեռք բերվող գույքի գնահատված արժեքի գումարը:

Գրավի առարկա հանդիսացող անշարժ գույքի ապահովագրական գումար է հանդիսանում ձեռք բերվող գույքի գնահատված արժեքի գումարը:

• Կանխավճարի ապահովագրության վճար - Ապահովագրվող կանխավճարի մնացորդային արժեքի 2% կամ 3% չափով
• Այլ գույքերի գրավադրման հետ կապված վճարներ – 2.000-10.000 ՀՀ դրամ։

Բոլոր վճարները ներառվում են փաստացի տոկոսադրույքի հաշվարկում։

Վարկը կարող է մարվել (ամբողջությամբ կամ մասնակի) պայմանագրային ժամկետից շուտ, որի դեպքում, հաճախորդը վճարում է վարկի փաստացի ժամկետի համար հաշվարկված տոկոսագումարը, ինչպես նաև միանվագ տուգանք հետևյալ չափերով.

• առաջին տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.6 տոկոսի չափով,
• երկրորդ տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.4 տոկոսի չափով,
• երրորդ տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.2 տոկոսի չափով, իսկ պայմանագրի գործողության մնացած ժամանակահատվածում վաղաժամկետ մարում կատարելու դեպքում` որևէ տուգանք չի գանձվում:

Ընդ որում, պայմանագրային տարի է համարվում պայմանագրի կնքման ամսաթվին հաջորդող յուրաքանչյուր 12-ամսյա ժամանակահատվածը:

Գրավի բռնագանձում

ԳՐԱՎԱԴՐՎԱԾ ԳՈՒՅՔԸ ԿԱՐՈՂ Է ԲՌՆԱԳԱՆՁՎԵԼ, ԵԹԵ ՎԱՐԿԱՌՈՒՆ ԺԱՄԱՆԱԿԻՆ ՉԿԱՏԱՐԻ ՏՈԿՈՍԱԳՈՒՄԱՐՆԵՐԻ և ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ: ԳՐԱՎԻ ԱՐԺԵՔԻ ԱՆԲԱՎԱՐԱՐ ԼԻՆԵԼՈՒ ՊԱՐԱԳԱՅՈՒՄ ՎԱՐԿԱՌՈՒԻ ՊԱՐՏԱՎՈՐՈՒԹՅՈՒՆՆԵՐԸ ԿՄԱՐՎԵՆ ՎԱՐԿԱՌՈՒԻ ԱՅԼ ԳՈՒՅՔԻ ՀԱՇՎԻՆ:

Վարկային ռեգիստրին տրամադրվող տեղեկատվություն

ՎԱՐԿԱՌՈՒԻ ԿՈՂՄԻՑ ՏՈԿՈՍԱԳՈՒՄԱՐՆԵՐԻ և ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ ԺԱՄԿԵՏԻՆ ՉՎՃԱՐԵԼՈՒ ԴԵՊՔՈՒՄ ՎԱՐԿԱՌՈՒԻ ՄԱՍԻՆ ՏԵՂԵԿԱՏՎՈՒԹՅՈՒՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈՒՄ:

ՎԱՏ ՎԱՐԿԱՅԻՆ ՊԱՏՄՈՒԹՅՈՒՆ ՈՒՆԵՆԱԼԸ ՁԵԶ ՀԱՄԱՐ ՀԵՏԱԳԱՅՈՒՄ ԿԱՐՈՂ Է ԽՈՉԸՆԴՈՏ ՀԱՆԴԻՍԱՆԱԼ ԱՅԼ ՎԱՐԿԵՐ ՍՏԱՆԱԼԻՍ:

ԵՐԱՇԽԱՎՈՐՆԵՐԻ ՀԱՄԱՐ

Տեղեկացնում ենք, որ

• եթե վարկառուն չկատարի պարտավորությունները, ապա Դուք եք վճարելու իր փոխարեն, վատանալու է Ձեր վարկային պատմությունը և զրկվելու եք Ձեր գույքից:
• Ձեզ տրամադրվելու է վարկային, երաշխավորության պայմանագրերի և մարման գրաֆիկի օրինակ:
• Հաղորդակցումը իրականացվելու է Ձեր կողմից ընտրված եղանակով:
• 7 օր առաջ ծանուցվելու եք պայմանագրի պայմանների փոփոխության մասին:
• 1 օր առաջ հիշեցում է ուղարկվելու առկա պարտավորության վերաբերյալ:
• Վարկի մարման ուշացման դեպքում՝ ամենաուշը մեկ օր հետո, Ձեզ տեղեկացնելու են այդ մասին:

ԵՐԱՇԽԱՎՈՐՆ ԻՐԱՎՈՒՆՔ ՈՒՆԻ

• Ցանկացած ժամանակ վարկատուից պահանջել տեղեկատվություն վարկի մնացորդի չափի մասին:
• Վարկառուից հետ ստանալու Ձեր կողմից վարկի համար վճարած գումարները, ինչպես նաև վարկառուի փոխարեն կրած այլ վնասները:

Վարկային պատմության կարևորության և սքորի կիրառության վերաբերյալ կարող եք ծանոթանալ այստեղ



Ֆինանսական օգնական

fininfo.am

ՈՒՇԱԴՐՈՒԹՅՈՒՆ՝ «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է