• փոխանցումների իրականացման համար հաճախորդը պետք է ներկայացնի անձը հաստատող փաստաթուղթ՝ ՀՀ Կառավարության 22.12.1999թ. թիվ 767 որոշման համաձայն։
• նշել ստացողի երկիրը, քաղաքը, ստացողի անուն ազգանունը:

• ներկայացնել անձը հաստատող փաստաթուղթ` ՀՀ Կառավարության 22.12.1999թ. թիվ 767 որոշման համաձայն և փոխանցման կոդը (այս համակարգի կոդերը բաղկացած են 8 թվից),

• անհրաժեշտության դեպքում` նաև պատասխանել հսկիչ հարցին:

• Հայաստանից դեպի այլ երկրներ փոխանցումները կատարվում են միայն ԱՄՆ դոլարով, իսկ արտերկրում հաճախորդներին վճարվում են ԱՄՆ դոլարով կամ ազգային արժույթով: Եթե վճարող երկրում արգելվում է վճարումները ԱՄՆ դոլարով, ապա մուտքագրված գումարը համակարգում փոխարկվում է վճարող երկրի արժույթին և համակարգում նշվում է փոխարկման փոխարժեքը և գումարը այն արժույթով, որով պետք է կատարվի վճարումը: Բանկը փոխանցվող գումարի ընդունումը կատարում է ԱՄՆ դոլարով, ինչպես նաև ցանկության դեպքում այլ արժույթով` փոխարկումով:
• Դեպի Հայաստան փոխանցված գումարների վճարումը<sup>*</sup> հաճախորդին իրականացվում է ԱՄՆ դոլարով կամ Եվրոյով` կախված փոխանցողի կողմից նշված ստացման արժույթից, ինչպես նաև ցանկության դեպքում այլ արժույթով` փոխարկումով:

• Հասցեատերը ստանում է մաքուր գումարը և այն ստանալուց չի վճարում միջնորդավճար,
• ՀՀ-ից ուղարկվող փոխանցման միջնորդավճարը փոխանցողի կողմից վճարվում է ՀՀ դրամով
• Փոխանցման սակագինը կախված գումարի չափից և փոխանցման ուղղությունից կազմում է 3 - 301 ԱՄՆ դոլար
• Ուղարկված փոխանցումների միջնորդավճարները ենթակա են հետ վերադարձման ուղարկողին ստորև

• Փոխանցման կատարման արագություն - գումարը ստացողին հասանելի է ընդամենը 5-10 րոպեի ընթացքում: Լրացուցիչ վճարի դիմաց առաջարկվում են հետևյալ ծառայությունները. հեռախոսային կամ հեռագրային տեղեկացում, կարճ հաղորդագրության ուղարկում, փոխանցման գումարի չափով չեկի տրամադրում,

• Մեկ փոխանցման համար թույլատրելի առավելագույն գումարը կազմում է 8,000 ԱՄՆ դոլար: Ստացող երկրի օրենսդրությամբ պայմանավորված` կարող է կիրառվել ուղարկվող դրամական միջոցների նաև այլ սահմանաչափ:

Փոխանցման տվյալների ճշտում և չեղյալացում

• Փոխանցման տվյալների փոփոխությունը, ինչպես նաև չեղյալացումը իրականացվում է անվճար համաձայն ուղարկողի գրավոր դիմումի, անձը հաստատող փաստաթղթի հիման վրա,
• Կատարված փոխանցումները չեն կարող չեղյալ համարվել, եթե գումարը վճարվել է ստացողին և ստացողը հրաժարվում է փոխանցված գումարը վերադարձնել,
• Փոխանցման մեջ առկա սխալների ուղղումը, ինչպես նաև փոխանցման չեղյալացումը իրականացվում են փոխանցող և ստացող բանկերի հնարավորության սահմաններում և ժամկետներում,
• Փոխանցման չեղյալացման դեպքում` միջնորդավճարի վերադարձը կատարվում է համակարգի կողմից` կախված փոխանցված գումարի ետ վերադարձի պատճառից:
• Եթե փոխանցվող միջոցներն արդեն վճարված են, ապա Բանկը պատասխանատվություն չի կրում գումարների վերադարձման համար,
• Համակարգի սպասարկման կետերի, սակագների և այլ մանրամասն տեղեկությունների համար կարող եք օգտվել www.moneygram.com ինտերնետային հասցեից,
• Բանկը փոխանցվող գումարի ընդունումը, ինչպես նաև ստացված գումարի վճարումը հաճախորդին կատարում է փոխանցման արժույթով, ինչպես նաև ցանկության դեպքում այլ արժույթով` փոխարկումով:
• Բանկը պատասխանատվություն չի կրում փոխանցման կոդը կամ փաստաթղթերի սկան պատճեն հաճախորդի կողմից երրորդ անձին տրամադրելու պատճառով առաջացած հետևանքների համար:

Ուղարկված փոխանցումը MoneyGram համակարգում կարող է վճարվել 90 օրվա ընթացքում, ընդ որում, առաջին 45 օրերի ընթացքում այն հասանելի է վճարման համար, իսկ հաջորդ 45 օրերի ընթացքում փոխանցումը վճարելու համար հարկավոր է MoneyGram համակարգի ծառայությունների կենտրոնի թուլտվությունը: 90 օրից հետո փոխանցման վճարումը դառնում է անհասանելի և փոխանցողը պետք է դիմի Բանկին փոխանցումը հետ ստանալու համար: Այս դեպքում միջնորդավճարը հետ չի վերադարձվում:

Աշխարհագրությունը.

• Աշխարհի ավելի քան 195 երկիր
• Փոխանցումներն անհասցե են, փոխանցման շահառուն գումարը կարող է ստանալ կոնկրետ երկրի ցանկացած սպասարկման կետում

Բանկը պարտավոր է տրամադրել յուրաքանչյուր փոխանցման կատարումը հավաստող փաստաթուղթ, որտեղ նշված կլինի փոխանցման գումարը, արժույթը, վճարված միջնորդավճարի չափը և այլ մանրամասներ:
Կատարվող գործառնությունների նպատակն ու իրական շահառուներին պարզելու նպատակով, «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված կարգով Բանկը կարող է պահանջել լրացուցիչ փաստաթղթեր, պարզաբանումներ , նյութեր և կարող է կասեցնել գործառնությունները կամ հրաժարվել դրանք կատարելուց, եթե Բանկի կարծիքով գործարքները հիմնավորող բավարար ապացույցներ չեն ներկայացվում:

Հարգելի հաճախորդներ․

Տեղեկացնում ենք Ձեզ, որ հաճախակի են դարձել զեղծարարության այնպիսի դեպքերը, որոնցում օգտագործվում են դրամական փոխանցումների համակարգերը: Շատ հաճախ զեղծարարության «զոհ» են դառնում այն քաղաքացիները, ովքեր ցանկանում են գնել մեքենա, էլեկտրոնիկա եւ այլ սարքավորումներ գրավիչ գներով, եւ շատ բարենպաստ պայմաններով: Խարդախություն իրականացնող անձինք ապրանքների վաճառքի մասին ինֆորմացիան հրապարակում են ինտերնետային տարբեր կայքերում, ապա էլեկտրոնային նամակագրության միջոցով պոտենցիալ գնորդին խնդրում են դրամական փոխանցումների համակարգերի օգնությամբ փոխանցել որոշակի գումար, որպես կանխավճար: Հաճախակի են նաև այնպիսի դեպքերը, երբ էլեկտրոնային փոստի միջոցով անհայտ անձանց կողմից քաղաքացիներին ուղղվում են առաջին հայացքից գրավիչ առաջարկներ` խոստանալով որոշակի գումարի դիմաց և որոշ կազմակերպչական հարցերի լուծումից հետո տվյալ անձի բանկային հաշվին փոխանցել խոշոր գումար, որի ծագման աղբյուրը, իբր, վիճակախաղի շահումն է, ժառանգությունը, ապահովագրական հատուցումը և այլն: Վերոնկարագրյալ դեպքերում «գործարքի մաքրության» պատրանք ստեղծելով, զեղծարարները «զոհին» խնդրում են մինչ ապրանքի կամ խոշոր գումարի ստանալը չտրամադրել իրենց ուղարկված փոխանցման հսկիչ համարը, սակայն պահանջում են ուղարկել փոխանցման իրականացման ժամանակ գնորդին տրամադրված փաստաթղթերի սկան պատճենը, դրանցում թաքցնելով հսկիչ համարը. Այսպիսով, փոխանցման վերաբերյալ մանրամասն տեղեկություններ ունենալով, խարդախություն իրականացնողներին հաջողվում է ստանալ նաև ուղարկված ամբողջ գումարը:

Խորհուրդ ենք տալիս.

• չփոխանցել միջոցներ անհայտ կամ հորինված անուններով անձանց
• չտրամադրել դրամական փոխանցման հսկիչ համարը կամ փաստաթղթերի սկան պատճեն անհայտ կամ անծանոթ անձանց
• կասկածի տակ դնել և մանրամասն ուսումնասիրել վաճառվող մեքենաների, էլեկտրոնիկայի, կենցաղային տեխնիկայի կամ ծառայությունների գները, որոնք զգալիորեն ցածր են իրենց շուկայական արժեքից կամ վաճառողի համար շատ անբարենպաստ պայմաննրեով են առաջարկվում:
  
  

Համակարգի միջոցով արգելվում է իրականացնել ձեռնարկատիրական, ներդրումային և առևտրային բնույթի փոխանցումներ, ինչպես նաև Համակարգը օգտագործել հեռախոսային գործակալների կողմից առաջարկվող կամ վաճառվող ապրանքների կամ ծառայությունների դիմաց վճարելու համար («տելեմարքեթինգ»)։