• Նախագծին կարող են մասնակցել միայն բանկի հաճախորդ հանդիսացող այն բոլոր կազմակերպությունները, որոնք ներկայացնում են հայկական արտադրանք
• Ապրանքատեսակները պետք է նվազագույնը ներկայացված լինեն հայկական շուկայում, ունենան բրենդավորում (անվանում, լոգո) և լինեն փաթեթավորված
• Եթե ներկայացվող պրոդուկտի արժեքը գերազանցում է 50.000 ՀՀ դրամը, ապա ապրանքատեսակները հանձնելիս ստորագրվում է հանձնման-ընդունման ակտ գործընկեր կազմակերպության և Բանկի միջև
• Արտադրանքը ներկայացվում է Բանկի մասնաճյուղերում տեղադրված համապատասխան ցուցափեղկերում
• Կազմակերպությունը պարտավորվում է տրամադրել իր այցեքարտերը և թռուցիկները, որտեղ պետք է նշված լինեն կազմակերպության կոնտակտային տվյալները, գործունեության հասցեն, տարբերանշանը/լոգոն: Դրանց սպառվելու դեպքում պետք է համալրվեն նորերով
• Կազմակերպությունը պետք է տրամադրի գործունեության մասին հակիրճ նկարագրություն (հիմնադրման պատմություն, արժեքներ և այլ նշանակալի փաստեր)՝ ցուցափեղկում տեղադրելու նպատակով
• Ապրանքատեսակները կարող են ներկայացվել մասնաճյուղերում մինչև 1 տարի ժամկետով՝ կախված պրոդուկտի տեսակից և ժամկետայնությունից
• Ապրանքատեսակների առաքումը Բանկի համապատասխան մասնաճյուղեր պետք է իրականացվի կազմակերպության կողմից
• Արտադրանքները ենթակա են վերադարձման՝ ցուցադրության ժամկետի լրանալուց հետո

Առաջարկից օգտվելու համար անհրաժեշտ է ներբեռնել դիմում-հայտը, լրացնել այն, կցել ցուցադրման համար առաջարկվող ապրանքների նկարները և ուղարկել NonFinancialServices@acba.am էլ․հասցեին։

Նախագծի մասնակիցներն այս հնարավորությունից կարող են օգտվել անվճար։

Ցուցադրման ենթակա չեն հետևյալ ապրանքատեսակները՝

• Արագ փչացող սննդամթերք,
• վտանգավոր և արագ հրկիզվող նյութեր,
• թունավոր նյութեր,
• դեղ, դեղորայք,
• զենք, զինամթերք,
• ծխախոտ,
• հագուստ, կոշիկ, տեքստիլ արտադրություն:

«Արտադրված է մեր գործընկերների կողմից» նախագծի շրջանակում Բանկի մասնաճյուղերում ներկայացվում է գործընկերների արտադրանքները, ինչը հնարավորություն է ընձեռում ավելի ճանաչելի դարձնել բիզնեսը և հայրենական արտադրանքը, ինչպես նաև օգնում է հաստատել նոր գործընկերական կապեր:

Հաշվի առնելով մեր մասնաճյուղերում հաճախորդների մեծ հոսքը՝ այս նախաձեռնությունը արդյունավետ է ինչպես շուկա նոր մուտք գործող կազմակերպությունների, այնպես էլ ոլորտում բազմամյա գործունեություն ծավալող կազմակերպությունների համար: