Ընթացիկ հաշիվը բացվում է անվճար: Ընթացիկ հաշիվներ կարող են բացվել հետևյալ արժույթներով՝ AMD,USD, EUR, RUR, GBP, CHF:

Ընթացիկ հաշվի սպասարկման վարձը կախված է հաշիվների միջին օրական մնացորդից:

Ընթացիկ հաշվի միջին օրական մնացորդի շեմ` հաշվի անվճար սպասարկման համար`

• անհատ ձեռնարկատերեր - 50,000 ՀՀ դրամ կամ համարժեք արտարժույթ
• իրավաբանական անձինք - 50,000 ՀՀ դրամ կամ համարժեք արտարժույթ

Ընթացիկ հաշվի միջին օրական մնացորդի շեմը վերաբերում է բոլոր արժույթներով հաշիվներին առանձին առանձին, սակայն հաճախորդը կարող է բոլոր ընթացիկ հաշիվների գծով շեմի պահանջն ապահովել առնվազն մեկ ընթացիկ կամ ավանդային հաշվի վրա:

Ընթացիկ հաշվի սպասարկման միջնորդավճար (անկախ հաշիվների քանակից)

• եթե իրավաբանական անձի կամ անհատ ձեռնարկատիրոջ` Բանկում ունեցած ընթացիկ հաշիվների տվյալ ամսվա միջին օրական մնացորդը մեծ կամ հավասար է վերոնշյալ շեմից - անվճար
• եթե իրավաբանական անձի կամ անհատ ձեռնարկատիրոջ` Բանկում ունեցած ընթացիկ հաշիվների տվյալ ամսվա միջին օրական մնացորդը փոքր է վերոնշյալ շեմից կետով սահմանված շեմից - 1000 ՀՀ դրամ (ամսական):

Ընթացիկ հաշվի սպասարկման միջնորդավճարը գանձվում է հաճախորդի հաշվից յուրաքանչյուր ամսվա վերջին բանկային օրը:

Ակբա բանկում ընթացիկ հաշվի համար նվազագույն մնացորդ ապահովել չի պահանջվում:

• Ընթացիկ հաշվի վերաբացում - 3,000 ՀՀ դրամ
• Ընթացիկ հաշիվների վերաբացման վարձը գանձվում է յուրաքանչյուր հաշվի վերաբացման համար, սակայն մեկ գործառնական օրվա ընթացքում ոչ ավել քան 3,000 դրամ` իրավաբանական անձանց և անհատ ձեռնարկատերերի համար
• Ընթացիկ հաշվի փակման դեպքում` նախկինում հաշվարկված սպասարկման վարձը չի գանձվում

Հաճախորդը կարող է հաշվին դրամական միջոցներ մուտքագրել և ելքագրել յուրաքանչյուր աշխատանքային օր՝ Բանկի գործառնական ժամերին: Հաշվի արժույթից տարբերվող արժույթներով հաշվին դրամական միջոցների մուտքի և ելքի դեպքում փոխարկման համար կիրառվում են Բանկի կողմից սահմանված քրոս փոխարժեքներ:

• Բանկը պարտավոր է հաճախորդի Հաշվին մուտք եղած դրամական միջոցները մուտքագրել ոչ ուշ, քան համապատասխան վճարային փաստա­թուղթը Բանկ մուտք լինելու հաջորդ օրը, եթե ավելի կարճ ժամկետ նախատեսված չէ օրենքով կամ բանկային հաշվի պայմանագրով,
• Բանկը պարտավոր է հաճախորդի կարգա­դրությամբ Հաշվից դրամական միջոցներ տալ կամ փոխանցել ոչ ուշ, քան համապա­տասխան վճարային փաստաթուղթը Բանկ մուտք լինելու հաջորդ օրը, եթե այլ ժամկետներ նախատեսված չեն օրենքով, դրան համապա­տասխան սահմանված բանկային կանոն­ներով կամ բանկային հաշվի պայմանագրով,
• Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա,
• Առանց հաշվետիրոջ կարգադրության հաշվից դրամական միջոցների բռնագանձումը կարող է իրականացվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի հիման վրա,
• Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա
• Հաշվի պայմանագիրը հաճախորդի դիմումով լուծվում է ցանկացած ժամանակ,
• Դատարանը Բանկի պահանջով կարող է լուծել Հաշվի պայմանագիրը հետևյալ դեպքերում`
  • երբ հաճախորդի հաշվում պահվող դրամական միջոցների գումարը պակաu է բանկային կանոններով կամ պայմանագրով նախատեuված նվազագույն չափից, եթե նման գումարը չի վերականգնվել այդ մաuին բանկի զգուշացման oրվանից մեկ ամuվա ընթացքում,
  • մեկ տարվա ընթացքում տվյալ հաշվով գործառնությունների բացակայության դեպքում:
• Բանկն իրավունք ունի առանց հաճախորդին ծանուցելու, իր հայեցողությամբ կասեցնել Հաշվի պայմանագրի գործողությունը կամ լուծել այն, եթե.
  • Բանկին հայտնի է դառնում, որ իրավաբանական անձ հաճախորդը լուծարվել է կամ սնանկ (անվճարունակ) է ճանաչվել, կամ.
  • Բանկը հիմնավոր կասկած ունի, որ հաճախորդը Բանկում իրականացնում է հանցավոր ճանապարհով ձեռք բերված միջոցների շրջանառություն, կամ.
  • եթե հաճախորդի կողմից Հաշվի բացման օրվանից մեկ տարվա ընթացքում Հաշվով գործառնություններ չեն իրականացվել, կամ.
  • Օրենքով կամ Բանկի և հաճախորդի միջև կնքված առանձին պայմանագրով նախատեսված այլ դեպքերում:

Սույն կետի համաձայն` Հաշվի պայմանագրի գործողության կասեցման դեպքում Բանկը կասեցնում է հաճախորդի Հաշվի սպասարկումը` մինչև կասեցման համար հիմք հանդիսացող հանգամանքների վերացումը, իսկ Հաշվի պայմանագրի լուծման դեպքում` Բանկը փակում է հաճախորդի Հաշիվը:

Ընթացիկ հաշվով հնարավոր է իրականացնել հետևյալ գործառնությունները.

• բացված հաշվին մուտքագրել դրամական միջոցներ
• կատարել հաշվից փոխանցումներ
• հաշվից գումարներ ստանալ
• իրականացնել ընթացիկ հաշվի մնացորդի փոխարկումը արտարժույթի
• ընթացիկ հաշվից մարել վարկեր
• և այլն
  
  

Ընթացիկ հաշվի սպասարկման միջնորդավճարը գանձվում է հաճախորդի հաշվից յուրաքանչյուր ամսվա վերջին բանկային օրը:

Միջնորդավճարը գանձվում է հաճախորդի դրամային հաշվից: Դրամային հաշվի բացակայության դեպքում այն գանձվում է հաճախորդի արտարժութային հաշվից, և արտարժույթի փոխարկումը կատարվում է տվյալ օրվա համար ՀՀ ԿԲ հրապարակած արտարժույթների միջին փոխարժեքով: Հաշվարկը կատարվում է հաշվի բացման և հաշվի փակմանը նախորդող ամիսների համար:

Ընթացիկ հաշվի սպասարկման/վերաբացման սակագինը չի կիրառվում.

• POS-տերմինալների սպասարկման գծով Բանկի հետ համագործակցության պայմանագիր ունեցող առևտրի և սպասարկման կետերի ընթացիկ հաշիվների նկատմամբ,
• Պետական և տեղական ինքնակառավարման մարմինների և նրանց կողմից հիմնադրված կազմակերպությունների ընթացիկ հաշիվների նկատմամբ:

Ընթացիկ հաշվի մնացորդի դիմաց հաշվարկվող տարեկան պարզ տոկոսադրույք ՀՀ դրամով հաշիվների համար`

եթե հաճախորդի` Բանկում ունեցած ընթացիկ հաշիվի տվյալ ամսվա միջին օրական մնացորդը չի գերազանցում 20 000,000 ՀՀ դրամը (ներառյալ) 0%

եթե հաճախորդի` Բանկում ունեցած ընթացիկ հաշիվի տվյալ ամսվա միջին օրական մնացորդը գերազանցում է 20 000,000 ՀՀ դրամը 1%

Ընթացիկ հաշվի մնացորդի դիմաց հաշվարկվող տարեկան տոկոսադրույքը և տարեկան տոկոսային եկամտաբերությունը համընկնում են:

Տոկոսագումարը հաշվարկվում է ամսական կտրվածքով` հաշվին առկա միջին օրական մնացորդի նկատմամբ:

Հաճախորդի հաշվում առկա միջոցների նկատմամբ տոկոսագումարները հաշվարկվում են անվանական տոկոսադրույքի հիման վրա: Իսկ տարեկան տոկոսային եկամտաբերությունը ցույց է տալիս, թե որքան եկամուտ կստանար հաճախորդը, եթե իր ավանդի դիմաց ստացված տոկոսագումարները վերաներդներ ավանդի տեսքով:

Հաշվարկված տոկոսագումարները վճարվում են յուրաքանչյուր ամսվա վերջին աշխատանքային օրը:

• Տարեկան տոկոսային եկամտաբերության հաշվարկի օրինակ
• Հաշիվների սպասարկման սակագներին մանրամասն կարող եք ծանոթանալ այստեղ
  Հաշիվների սակագների նախկին պայմաններ
• Ակբա բանկում հաճախորդների հաշիվների բացման համար անհրաժեշտ փաստաթղթերի ցանկը
• Բանկային (ընթացիկ) հաշվի բացման և փակման ընթացակարգ