2024 թվականի նոյեմբերի 1-ին «ԱԿԲԱ ԲԱՆԿ» ԲԲԸ-ն իրականացնում է լրացուցիչ սովորական (հասարակ), անվանական բաժնետոմսերի տեղաբաշխում փակ բաժանորդագրությամբ։

«ԱԿԲԱ ԲԱՆԿ» ԲԲԸ-ի՝ 16.09.2024թ. ժամը 17։00-ի դրությամբ բաժնետերերի ռեեստրում ընդգրկված բաժնետերերն ունեն լրացուցիչ տեղաբաշխվող բաժնետոմսերի ձեռքբերման նախապատվության իրավունքի իրացման հնարավորություն սույն թվականի հոկտեմբերի 1-ի ժամը 10։00-ից մինչև հոկտեմբերի 31-ի ժամը 16։30-ը ներառյալ։

• Տեղաբաշխող՝ «ԱԿԲԱ ԲԱՆԿ» ԲԲԸ
• Բաժնետոմսի ձևը՝ Ոչ փաստաթղթային
• Տեսակը՝ Սովորական (հասարակ) բաժնետոմս
• Տեղաբաշխվող բաժնետոմսերի քանակը՝ 485,000 հատ
• Մեկ բաժնետոմսի տեղաբաշխման գին՝14 299.4 (տասնչորս հազար երկու հարյուր իննսունինը ՀՀ դրամ քառասուն լումա) ՀՀ դրամ, գինը հաշվարկվել է հիմք ընդունելով 21.08.2024թ. ԿԲ կողմից հրապարակված ԱՄՆ դոլար/ՀՀ դրամ փոխարժեքը (1 ԱՄՆ դոլար = 388.36(երեք հարյուր ութսունութ ՀՀ դրամ երեսունվեց լումա) ՀՀ դրամ)։ Գինը ենթակա է ճշգրտման՝ հիմք ընդունելով տեղաբաշխման մեկնարկի օրվան նախորդող երրորդ օրվա դրությամբ ՀՀ ԿԲ կողմից հրապարակված ԱՄՆ դոլար/ՀՀ դրամ փոխարժեքը: Մեկ բաժնետոմսի գինը չի կարող գերազանցել 18 000 (տասնութ հազար) ՀՀ դրամը։
  
  

Բաժնետոմսի ճշգրտված գինը կհրապարակվի Բանկի կայքէջի «Բաժնետերեր և սեփականատերեր» հատվածում ոչ ուշ, քան տեղաբաշխման մեկնարկի օրվան նախորդող երրորդ օրվա՝ սույն թվականի հոկտեմբերի 29-ի ժամը 21։00-ն ներառյալ։

• Ընդհանուր անվանական ծավալը ՝ 4,850,000,000 ՀՀ դրամ
• Տեղաբաշխման ընդհանուր առավելագույն ծավալը՝ 8 730 000 000 ՀՀ դրամ

«ԱԿԲԱ բանկ» ԲԲԸ-ի բաժնետերերը ազդագրի տպագիր տարբերակը կարող են ձեռք բերել «ԱԿԲԱ ԲԱՆԿ» ԲԲԸ գլխամասային գրասենյակում (հասցե` ՀՀ, 0002 Երևան, Արամի 82-84), իսկ էլեկտրոնային տարբերակը` acba.am կամ invest.acba.am կայքերից։

«ԱԿԲԱ բանկ» ԲԲԸ-ի սովորական անվանական բաժնետոմսերի ազդագիր:

Թողարկված բաժնետոմսերի ձեռքբերման հայտ ֆիզիկական անձ բաժնետերերի համար

Թողարկված բաժնետոմսերի ձեռքբերման հայտ իրավաբանական անձ բաժնետերերի համար

Հայտի՝ Ձեր կողմից ուղարկված ավարտական տարբերակ է համարվում Բանկում՝ Ձեր կողմից տրամադրած էլեկտրոնային հասցեից ուղարկված դիմում հայտը՝ invest@acba.am էլ հասցեին։