Զանգել այստեղից
Հեռախոսազանգի պատվեր
Ազդարարել
|
|
Երկիր մոլորակը և նրա կենսոլորտը հանդիսանում են մարդկության գոյության և զարգացման միակ և անփոխարինելի միջավայրը։ Միևնույն ժամանակ, տնտեսական գործունեությունը, այդ թվում՝ ֆինանսական ոլորտի ներկայությունն ու ազդեցությունը, կարող են էական դեր ունենալ շրջակա միջավայրի և հասարակության վրա՝ ինչպես դրական, այնպես էլ բացասական տեսանկյուններից։
Գիտակցելով այս պատասխանատվությունը՝ «ԱԿԲԱ ԲԱՆԿ» ԲԲԸ-ն (Բանկ) իր գործունեության մեջ կարևորում է կայուն զարգացման սկզբունքների պահպանումը և Բնապահպանական, Սոցիալական և Կառավարման (ԲՍԿ) պատասխանատու մոտեցումների հետևողական կիրառումը։
«ԱԿԲԱ ԲԱՆԿ» ԲԲԸ-ն դեռևս 2011 թվականին, մշակել և ներդրել է սոցիալական և շրջակա միջավայրի ռիսկերի կառավարման ընթացակարգ՝ նպատակ ունենալով նվազեցնել իր կողմից ֆինանսավորվող գործարքների արդյունքում հնարավոր բացասական սոցիալական և բնապահպանական ազդեցությունները։
Ընթացակարգի ներդրման և զարգացման ընթացքում Բանկը համագործակցել է մի շարք միջազգային կազմակերպությունների հետ՝ կիրառելով սոցիալական և շրջակա միջավայրի պահպանման լավագույն միջազգային փորձը։ Բանկն ունի նաև սահմանված չֆինանսավորվող ոլորտների ցանկ՝ Բացառման ցանկ, որի համաձայն բացառվում է շրջակա միջավայրի, հասարակության կամ կառավարման տեսանկյունից անընդունելի համարվող գործունեությունների և ոլորտների ֆինանսավորումը։
Բանկը առաջնորդվում է 2025-2028 թվականների համար սահմանված ԲՍԿ ռազմավարությամբ և ԱԿԲԱ ԲԱՆԿԻ ԽՄԲԻ բնապահպանական, սոցիալական, կառավարման (ԲՍԿ) քաղաքականությամբ։ Նշված ռազմավարությունն ու քաղաքականությունը ձևավորում են Բանկի կայուն զարգացման միասնական մոտեցումը և հանդիսանում են դրա երկարաժամկետ գործունեության ու որոշումների կայացման հիմքը։
Կլիմայի փոփոխության մեղմման և ջրի կայուն կառավարման շրջանակում Բանկը հանձնառու է նպաստել շրջակա միջավայրի պահպանմանը և կլիմայի փոփոխության բացասական ազդեցությունների մեղմացմանը։ Բանկը ֆինանսավորում և խրախուսում է էներգաարդյունավետության բարձրացմանը, ինչպես նաև վերականգնվող և այլընտրանքային էներգիայի աղբյուրների կիրառմանը միտված ծրագրերը։ Առանձնահատուկ ուշադրություն է դարձվում գյուղատնտեսության ոլորտին՝ աջակցելով ջրային ռեսուրսների պատասխանատու կառավարմանը և կլիմայակայուն գյուղատնտեսական նախաձեռնություններին։
Միաժամանակ Բանկը քայլեր է ձեռնարկում իր առօրյա գործունեությունից բխող էկոլոգիական ազդեցությունը նվազեցնելու ուղղությամբ՝ խրախուսելով ռեսուրսների ողջամիտ օգտագործումն ու շրջակա միջավայրին նպաստող լուծումները։
Աշխատանքային միջավայրի բարեկեցության բարձրացման, ամրապնդման և սոցիալական պատասխանատվության շրջանակում Բանկը ձևավորել է ապահով, ներառական և հավասար հնարավորություններ ապահովող աշխատանքային միջավայր՝ բացառելով խտրականության ցանկացած դրսևորում։ Բանկը մշտապես իր հաճախորդների նկատմամբ ցուցաբերել է արդար և թափանցիկ վերաբերմունք, ապահովել նրանց տվյալների անվտանգությունը, իսկ բանկային ծառայությունները դարձրել է հասանելի հասարակության բոլոր խմբերի համար։ Համայնքների զարգացման շրջանակում Բանկը աջակցում է փոքր և միջին ձեռնարկություններին, նպաստում է ֆինանսական գրագիտության բարձրացմանը և խրախուսում է աշխատակիցների ներգրավվածությունը սոցիալական և կամավորական ծրագրերում։
Կորպորատիվ կառավարման և հանրային վստահության շրջանակում Բանկն որպես վստահելի և կայուն ֆինանսական հաստատություն, առաջնորդվում է գործարար էթիկայի և պատասխանատու կառավարման բարձր չափանիշներով։
Բանկը կարևորում է կորպորատիվ կառավարման թափանցիկությունը, հաշվետվողականությունը և անկողմանակալ որոշումների կայացումը՝ խստորեն պահպանելով Հայաստանի Հանրապետության կորպորատիվ կառավարման կանոնագրքի պահանջներն ու միջազգային լավագույն փորձը։
Միևնույն ժամանակ, Բանկը կարևորում է շահակիցների հետ բաց, թափանցիկ և կառուցողական համագործակցությունը՝ ԲՍԿ չափանիշների պահպանման ուղղությամբ համատեղ լուծումներ գտնելու նպատակով։
Կայուն զարգացումը և ԲՍԿ պատասխանատվությունը Բանկի համար հանդիսանում են ոչ միայն կարգավորողի պահանջների կատարում, այլև երկարաժամկետ ռազմավարական մոտեցում՝ ուղղված Հայաստանի տնտեսական զարգացմանը, հասարակության բարեկեցությանը և վստահելի ֆինանսական միջավայրի ձևավորմանը։
Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև օտար լեզվով տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով։ Էջը թարմացվել է 13.04.2026 17:13 
Բանկը պատասխանատվություն չի կրում իր կայքում հղում կատարված ինտերնետային կայքերի բովանդակության ստույգության և արժանահավատության, այնտեղ տեղադրված գովազդների և տեղեկատվության օգտագործման հնարավոր հետևանքների համար:
