Շուրջօրյա սպասարկում
010 31 88 88
Քարտերի շուրջօրյա սպասարկում
010 31 88 99
American Express քարտերի շուրջօրյա սպասարկում
010 31 99 99
acba digital
Կապ մեզ հետ
Անհատներ
Բիզնես
Ֆերմերներ
Սոցիալական պատասխանատվության քաղաքականություն

Երկիր մոլորակի աշխարհագրական թաղանթը և, մասնավորապես կենսոլորտը, ինչպես հայտնի է մեզ, միակ նպաստավոր միջավայրն է, որտեղ ծագել և զարգանում է մարդկությունը: Բայց հենց մարդկությունն է, որ իր գործունեությամբ խախտում է այդ հավասարակշռությունը, աղտոտում է միջավայրը, դարձնում պակաս նպաստավոր, իսկ առանձին դեպքերում էլ աննպաստ և ուղղակիորեն մարդկանց կյանքի համար վտանգավոր:

«ԱԿԲԱ ԲԱՆԿ» ԲԲԸ-ն, ձգտելով նվազեցնել սոցիալական և շրջակա միջավայրի վրա բացասական ազդեցությունների ի հայտ գալու հնարավոր ռիսկերը, 2011 թվականի ապրիլ ամսին մշակեց և ներդրեց սոցիալական և շրջակա միջավայրի ռիսկերի կառավարման համակարգ, որի շնորհիվ բանկն արդեն արդյունավետ կառավարում է իր կողմից ֆինանսավորվող գործարքների հետևանքով բնության և մարդկության վրա հնարավոր բացասական ազդեցությունների ռիսկերը: Կառավարման այդ համակարգի ներդրման գործընթացում բանկը համագործակցել է մի շարք միջազգային ֆինանսական կազմակերպությունների հետ, որոնք ամեն կերպ աջակցել են` փոխանցելով սոցիալական և շրջակա միջավայրի պահպանման լավագույն փորձն ու հմտությունները: Բանկի մի շարք աշխատակիցներ վերապատրաստվել են միջազգային ֆինանսական կազմակերպությունների համապատասխան որակավորված մասնագետների կողմից:
Այսպիսով 2011 թվականի ապրիլ ամսվանից Բանկի կողմից ֆինանսավորվող ցանկացած գործունեություն, մինչև ֆինանսավորումը, մանրակրկիտ կերպով ուսումնասիրվում է և կատարվում է ռիսկի գնահատում, որը նշանակում է բնակչության առողջությանը, անվտանգությանը և բարեկեցությանը հասցվող վնասի գնահատում:

Այդ առումով Բանկի հիմնական խնդիրներն են.

  • ճիշտ գնահատել յուրաքանչյուր ֆինանսավորվող գործարքում առկա սոցիալական և շրջակա միջավայրի ռիսկերը.
  • չֆինանսավորել այնպիսի գործունեություններ, որոնք պարունակում են զգալի բացասական ազդեցության ռիսկեր.

Ի լրումն վերոնշյալի, հարկ է նշել նաև, որ բանկը նպաստում է այն ծրագրերին, որոնք ուղղված են սոցիալական և շրջակա միջավայրի պահպանմանը: Բանկը խրախուսում է իր հաճախորդներին էներգախնայողությանը միտված միջոցառումներ ձեռնարկելու հարցում և խթանում է էներգիայի այլընտրանքային աղբյուրների օգտագործումը: Ինչպես նաևա բանկը պատրաստ է կազմակերպել քննարկումներ հանրության հետ սոցիալական և շրջակա միջավայրի պահպանման հարցերի շուրջ:


Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև օտար լեզվով տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով։ Էջը թարմացվել է 10.02.2023 17:27
Ակբա բանկը վերահսկվում է ՀՀ ԿԲ կողմից։
Արամի 82-84, Երևան, Հայաստան
Էլ.-փոստ` acba@acba.am