Ակբա բանկ-ի հետ համագործակցելու առավելությունները

Ակբա Բանկը Հայաստանի վճարային քարտերի սպասարկման շուկայի առաջատարն է հետևյալ ցուցանիշներով.

• Ներկայումս Բանկը համագործակցում է Հայաստանում գործող և վճարային քարտեր սպասարկող առևտրի/սպասարկման կետերի ավելի քան 70% հետ,

• Բանկը տրամադրում է ամենաճկուն սակագնային փաթեթները և ցուցաբերում անհատական մոտեցում իր յուրաքանչյուր գործընկերոջը,

• Առաջինն է Հայաստանում սպասարկվող առևտրի և սպասարկման կետերի քանակով և Բանկի քարտերով կատարվող գործարքների ծավալով:

Ակբա Բանկը արտոնագրված է սպասարկել ArCa, VISA, Mastercard, JCB, Union Pay, МИР և American Express վճարային համակարգերի քարտերը` հանդիսանալով.

• Արմենիան Քարդ վճարային համակարգի հիմնադիր անդամ,
• Visa International վճարային համակարգի լիիրավ անդամ,
• JCB վճարային համակարգի լիիրավ անդամ,
• Union Pay վճարային համակարգի լիիրավ անդամ,
• МИР վճարային համակարգի լիիրավ անդամ,
• Mastercard Europe վճարային համակարգի աֆիլիատ անդամ,
• American Express վճարային համակարգի Էքսկլյուզիվ ներկայացուցիչը Հայաստանում

Կազմակերպության շրջանառության աճ

• Հավատարիմ Հաճախորդների քանակի աճ

• Սպասարկման որակի բարելավման լրացուցիչ գործիք

• Ֆինանսական միջոցները խնայելու և հեշտ կառավարելու հնարավորություն

Քարտով սպասարկելու առավելությունները

• Հաճախորդները ավելի հակված են կատարել չպլանավորված գնումներ քարտերով, քան կանխիկ դրամով, ինչի հետևանքով վաճառքի միջին գումարը աճում է:
• Վարկային քարտերի շնորհիվ հաճախորդը հնարավորություն է ստանում գնումներ կատարել ոչ միայն սեփական միջոցների, այլ նաևվարկային միջոցների հաշվին:

• Բանկի և Ձեր կազմակերպության համատեղ ակցիաների շնորհիվ Դուք հնարավորություն եք ստանում առանց լրացուցիչ ծախսերի գովազդել Ձեր ծառայությունները` ներգրավելով նոր հաճախորդներ:
• Սպասարկելով քարտեր Դուք տրամադրում եք վճարման եղանակների ընտրության ազատություն և ապահովում եք լրացուցիչ հարմարավետություն Ձեր հաճախորդներին` ապահովելով հաճախորդների հավատարմությունը Ձեր կազմակերպության հանդեպ:

• Ձեր կազմակերպության գործառնական ծախսերի նվազում, քանի որ վաճառքից ստացված գումարը կուտակվում է Ձեր հաշվին,
• Էլեկտրոնային եղանակով (ACBA DIGITAL) հաշիվները կառավարման հնարավորություն` առանց Բանկ այցելելու անհրաժեշտության:
• Մի շարք բանկային ծառայություններից անվճար կամ արտոնյալ պայմաններով օգտվելու հնարավորություն /մանրամասները Լրացուցիչ բանկային ծառայություններ արտոնյալ պայմաններով:

• POS տերմինալների սպասարկման փորձառու թիմ
• Հատուկ մշակված ուղեցույցներ
• 24-ժամյա հեռախոսային սպասարկման կենտրոն
• Տարբեր տեսակի POS տերմինալների տեղադրում կախված գործունեության տեսակից

Սպասարկման որակ և անվտանգություն

Բանկը հանդիսանալով Հայաստանի վճարային քարտերի սպասարկման շուկայի առաջին մասնակիցներից` տարիների ընթացքում ձևավորել է սպասարկման չափանիշներ.

1. POS տերմինալի տեղադրման պարզեցված գործընթաց, որը ապահովում է հարմարավետություն և ժամանակի խնայողություն:
2. Բանկի մասնագետների կողմից առևտրի և սպասարկման կետի աշխատակիցների պատշաճ ուսուցում POS տերմինալի սպասարկման առանձնահատկությունների և վճարային քարտերի մասին:
3. ArCa, VISA, Mastercard, JCB, Union Pay, МИР և American Express վճարային քարտերի սպասարկման և POS տերմինալի շահագործման ուղեցույցների տրամադրում, որոնք կօգնեն աշխատակիցներին իրականացնել վճարային քարտերի սպասարկումը:
4. Առևտրի և սպասարկման կետերում առաջացող խնդիրներին արագ արձագանքում` մասնագիտացված սպասարակող անձնակազմի և հատուկ ընթացակարգի առկայության շնորհիվ:
5. Բանկի Քարտային կենտրոնի 24-ժամյա հեռախոսային սպասարկման կենտրոնի շնորհիվ օրվա ցանկացած պահին առաջացող խնդիրների հրատապ լուծման հնարավորություն:
6. Առևտրի և սպասարկման ցանցի աշխատակիցների բարձրակարգ ուսուցման և կատարվող գործարքների 24-ժամյա մոնիտորինգի շնորհիվ, Դուք պաշտպանված եք քարտերի սպասարկմանն առնչվող ռիսկերից:
7. Բանկի կողմից տրամադրվում են սպասարկվող վճարային համակարգերի լոգոտիպերը և POS տերմինալի անդորրագրի թուղթը:
8. POS տերմինալների տարբեր տեսակների կիրառում` կախված առևտրի և սպասարկման կետի առանաձնահատկություններից. շարժական կամ ստացիոնար, ֆիքսված կամ բջջային հեռախոսակապով:
9. POS տերմինալով իրականացվող լրացուցիչ գործարքների սպասարկում ( առանց քարտի ներկայացման վճարումների իրականացում, սառեցում, ապասառեցում, հետվճարի իրականացում և այլն),
10. Կատարված գործարքի գումարների փոխանցում առավելագույնը չորս աշխատանքային օրվա ընթացքում:
11. Գործաքների և գործարքների փոխանցման մասին տեղեկատվության հասանելիություն`

• շաբաթական և ամսական քաղվածքների տրամադրում
• հեռախոսի միջոցով պարզաբանումների տրամադրում

Ինտերնետի միջոցով Ձեր հաշիվների կառավարում ACBA Digital ծառայության միջոցով, ընդ որում Ձեզ համար կգործեն արտոնյալ պայմաններ (նայել Բանկային ծառայություններ արտոնյալ պայմաններով բաժինը):

Չհրաժարվելով Ձեր հիմնկան բանկի ծառայություններից` Դուք ընդունում եք վճարումներ բոլոր վճարային քարտերով:

Արդեն ունե՞ք այլ բանկի տերմինալ

• ArCa
• VISA
• MasterCard
• JCB,
• Union Pay,
• МИР
  
• American Express

Եթե Ձեր կազմակերպության վճարային քարտերի սպասարկումն իրականացնում է այլ բանկ և Դուք չեք սպասարկում վերը նշված վճարային համակարգերից որևիցե մեկը, ապա Ակբա Բանկը համագործակցելով Ձեզ սպասարկող բանկի հետ կապահովի վերը նշված վճարային համակարգերի սպասարկումը:

Ակբա Բանկը վճարային քարտերի համատեղ սպասարկման պայմանագիր ունի 14 բանկի հետ:

• Տվյալ վճարային քարտի սպասարկման նպատակով` Բանկ ներկայացնում եք դիմում:
• Բանկի աշխատակիցը այցելում է Ձեր կազմակերպություն և կնքվում է պայմանագիր Ձեր կողմից նշված վճարային համակարգի սպասարկման մասին:
• Բանկի համապատասխան մասնագետները Ձեր առևտրի/սպասարկման կետում ակտիվացնում են պայմանագրում նշված վճարային քարտերի սպասարկումը, իրականացնում են ուսուցում Ձեր աշախատակիցների համար, տրամադրում են վճարային համակարգերի լոգոտիպերը և սպասարկման ուղեցույցները:

Բանկի կողմից վճարային քարտերի սպասարկման ակտիվացման համար պարտադիր պայման չի հանդիսանում Ակբա Բանկում հաշվի բացումը*: Կազմակերպությունը կարող է տրամադրել իրենց սպասարկող հիմնական բանկում գործող հաշվեհամարը:

_{*Բանկում հաշվեհամար բացելու դեպքում Դուք օգտվում եք արտոնյալ սակագներից, որոնց կարող եք ծանոթանալ “Սպասարկման պայմանները” բաժնում:}