Մարզային վերանորոգման հիփոթեքային վարկերը տրամադրվում են 18 տարին լրացած ռեզիդենտ ֆիզիկական այն անձանց, ովքեր վարկի գործողության ողջ ընթացքում չեն բոլորի կենսաթոշակային տարիքը: Մարզային վերանորոգման հիփոթեքային վարկերը տրամադրվում են մարզերում գտնվող բնակելի անշարժ գույքի վերանորոգման նպատակով:

• Արժույթը - ՀՀ դրամ
• Նվազագույն ժամկետը - 60 ամիս
• Առավելագույն ժամկետը - 84 ամիս
• Նվազագույն գումարը – 2,000,000 ՀՀ դրամ
• Առավելագույն գումարը - 10,000,000 ՀՀ դրամ
• Տարեկան տոկոսադրույքը (հաստատուն) - 11.8%
• Վարկի տոկոսագումարը հաշվարկվում է վարկի նվազող մնացորդի նկատմամբ,
• Վարկի ապահովման միջոց է հանդիսանում վերանորոգվող բնակելի անշարժ գույքը,
• Վարկ/գրավ հարաբերակցություն –վարկի գումարը չի կարող գերազանցել գրավադրված գույքի արժեքի 70%-ը,
• Վարկառուին (համավարկառուին) ներկայացվող պահանջներ - վարկառուն (համավարկառուն) չպետք է ունենա ընթացիկ ժամկետանց պարտավորություն, բոլոր գործող վարկային պարտավորությունները պետք է դասակարգված լինեն որպես ստանդարտ, իսկ վերջին 12 ամիսների ընթացքում բոլոր վարկերի գծով ուշացած օրերի ընդհանուր քանակը չպետք է գերազանցի 30 օրացուցային օրը:
• Վարկի մարման եղանակներ.
  • Եկամուտները չեն ստացվում գյուղատնտեսական գործունեությունից
  1. 1. ամսական հավասարաչափ մասերով
     2. մայր գումարի հավասարաչափ մասերով,
     3. ամսական` մայր գումարի հավասարաչափ մարումներով, այնուհետև ամսական հավասարաչափ մարումներով (մարման յուրաքանչյուր եղանակի կիրառման ժամանակահատվածը որոշում է հաճախորդը)
  • Եկամուտները ստացվում են գյուղատնտեսական գործունեությունից
  1. 1. նախորդ կետում նշված 3 տարբերակները,
     2. մայր գումարի հավասարաչափ մասերով-մայր գումարի վճարումը կատարվում է յուրաքանչյուր տարվա միևնույն ամսին հավասարաչափ մասերով,
     3. մայր գումարի ոչ հավասարաչափ մասերով –մայր գումարի մարումը կատարվում է յուրաքանչյուր տարվա միևնույն ամսաթվին ոչ հավասարաչափ մասերով,
     4. այլ- մայր գումարի մարումը յուրաքանչյուր տարի կատարվում է տարբեր ամիսներին տարբեր գումարներով,

2-րդ, 3-րդ, 4-րդ կետերում նշված դեպքերում մայր գումարի տարեկան մարումների քանակը պետք է կազմի առնվազն 2-ը, իսկ տոկոսագումարները պետք է մարվեն յուրաքանչյուր ամիս:

• Դիմողի, գրավադրվող անշարժ գույքի համասեփականատերերի անձը հաստատող փաստաթղթեր (պատճեններ),
• Հանրային ծառայությունների համարանիշ,
• Դիմողի, գրավադրվող անշարժ գույքի համասեփականատերերի ամուսնության վկայականներ (պատճեններ) վերջիններիս ամուսնացած լինելու դեպքում,
• Տնային տնտեսության անդամների անձնագրեր (գյուղատնտեսությունից ստացվող եկամտի հիման վրա վարկ տրամադրելու դեպքում)
• Ծննդյան վկայական(ներ) (պատճեններ) երեխաների համար (առկայության դեպքում),
• Տեղեկանք դիմողի աշխատավայրից, որտեղ պետք է նշվի աշխատավարձի (եկամտի) մեծությունը (հաշվարկը կատարվում է վերջին 12 ամսվա կտրվածքով), զբաղեցրած պաշտոնը և աշխատանքային ստաժը: Տեղեկանքն առնվազն պետք է պարունակի աշխատանքի վայրի հասցեն, գործատուի անվանումը, ՀՎՀՀ-ն, հեռախոսահամարները, տեղեկանքը տվող կազմակերպության ղեկավարի ստորագրությունը և կնիքը (առկայության դեպքում),
• Դիմողի այլ եկամուտը հավաստող փաստաթղթեր (վարձակալական վճար, պարգևավճարներ և այլն), ինչպես նաև այլ ծախսերի մասին տեղեկություն (օր. ալիմենտի կամ խնամքի կամ պահպանման այլ ծախսերի մասին),
• Դիմողի զբաղվածությունը 12 ամսից պակաս լինելու դեպքում տվյալներ նախկին զբաղվածության մասին (գործատուն, զբաղեցրած պաշտոնը, յուրաքանչյուր կազմակերպությունում աշխատանքի ստաժը),
• Ընթացիկ և/կամ կապիտալ վերանորոգման համար անհրաժեշտ աշխատանքների և ծախսերի նախահաշիվ՝ լրացված հաճախորդի կողմից (նախահաշվում պետք է նշվի վերանորոգման սկիզբը և ավարտը),
• Շինարարական թույլտվություն ՀՀ օրենսդրությամբ սահմանված դեպքերում (անհրաժեշտության դեպքում),
• Վերանորոգվող, գրավ առաջարկվող այլ գույքի սեփականության վկայական (պատճեն),
• Սերտիֆիկացված անկախ գնահատողի կողմից գույքի գնահատման հաշվետվութուն,
• Եթե դիմողը զբաղվում է ձեռնարկատիրական գործունեությամբ.
  • Կանոնադրության պատճեն, իրավաբանական անձանց գրանցման պետական ռեգիստրի վկայականի պատճեն (իր ներդիրներով) կամ տեղեկանքի պատճեն, ՀՎՀՀ-ի պատճեն (ըստ անհրաժեշտության), ¹
  • Լիցենզիա (լիցենզավորված գործունեության դեպքում),
  • Հարկային տեսչության կողմից հաստատված վերջին 12 ամիսների հաշվետվություններ (ֆինանսական հաշվետվություններ, եկամուտ և ծախսերի հաշվետվություններ (վերջին 6 ամիսների), հարկային հաշվետվություններ)
• Եթե դիմողը զբաղվում է գյուղատնտեսական գործունեությամբ.
  • տեղեկանք գյուղապետարանից,
  • գյուղատնտեսական նշանակության հողատարածքների, շինությունների, գյուղատնտեսական տեխնիկայի վարձակալության պայմանագրերև/կամ սեփականության վկայականներ:

Դիմողին վերաբերվող նույն փաստաթղթերը պետք է ներկայացվեն նաև համավարկառուի կողմից (համավարկառուի առկայության դեպքում):

• Վարկի գումարը տրամադրվում է անկանխիկ՝ կանխիկացման հնարավորությամբ,
• Վարկը ձևակերպվում է Բանկի մասնաճյուղերում,
• Վարկը ստանալու համար վարկառուի եկամուտները չբավարարելու դեպքում կարող են հանդես գալ համավարկառուներ: Համավարկառու կարող են հանդիսանալ վարկառուի ամուսինը, դիմողի և նրա ամուսնու ծնողները, քույրերը և եղբայրները,
• Վերանորոգվող/գրավադրվող գույքի գնահատումը կատարվում է Բանկի հետ համագործակցող սերտիֆիկացված անկախ գնահատողի կողմից,
• Անշարժ գույքի վերանորոգման հիփոթեքային վարկերի գործողության ողջ ընթացքում վերանորոգվող անշարժ գույքը, ինչպես նաև վարկառուի (համավարկառու(ներ)ի) դժբախտ պատահարներից մահացության դեպքերը ենթակա են տարեկան կտրվածքով պարտադիր ապահովագրման`վարկի մնացորդային գումարի չափով,
• Ապահովագրությունը կատարվում է վարկի մնացորդային գումարի չափով՝ վարկառուի համար ընդունելի ապահովագրական ընկերության միջոցով և վարկատուի համար ընդունելի պայմաններով,
• Վարկ տրամադրելու դրական որոշման կամ վարկի մերժման գործոն է հանդիսանում հաճախորդի վարկունակությունը,
• Վարկային դիմումի վերաբերյալ որոշումը կայացվում է հաճախորդի կողմից դիմումը և անհրաժեշտ փաստաթղթերի փաթեթը ներկայացնելուց 15 բանկային օրվա ընթացքում,
• Հաճախորդին վարկային դիմումի քննարկման արդյունքում Բանկի կողմից կայացրած որոշումը հաղորդվում է 1 բանկային օրվա ընթացքում,
• Վարկը տրամադրվում է վարկավորման համար հաճախորդի կողմից անհրաժեշտ փաստաթղթերի ամբողջական փաթեթը ներկայացնելուց և գրավադրման գործընթացի ավարտից հետո 3 բանկային օրվա ընթացքում,
• 90 օրից ավել վարկի մարումները ուշացնելու և տարեկան ապահովագրությունը ժամանակին չկատարելու դեպքում վարկը համարվում է չորակավորված, ինչի արդյունքում վարկի տոկոսադրույքը կարող է վերանայվել և սահմանվել տվյալ պահին հիփոթեքային վարկերի շուկայական տոկոսադրույքի սահմաններում,
• Հիփոթեքային վարկի ապահովման միջոց հանդիսացող գույքի գրավադրման պայմանագրերը վավերացվում են նոտարական կարգով, և նշված պայմանագրերից բխող գրավի իրավունքը ենթակա է պետական գրանցման:

Ֆինանսական շուկայում Բանկի կողմից ներգրավված և տեղաբաշխված միջոցների տոկոսադրույքների տատանումների և/կամ ֆինանսավորման տոկոսադրույքի փոփոխման և/կամ նման նախադրյալների առկայության և/կամ Վարկառուի կողմից վարկը ոչ նպատակային օգտագործելու դեպքում Բանկը կարող է միակողմանիորեն փոփոխել պայմանագրով սահմանված տոկոսադրույքներն ու միջնորդավճարները` այդ մասին առնվազն 30 օրացուցային օր առաջ ծանուցելով Վարկառուին:


Ծանոթացեք ստորև.

• Օրական տոկոսագումարի հաշվարկման կարգ
• Վարկառուի կողմից իր պարտավորությունները ժամանակին չկատարելու դեպքում կիրառվող տույժեր
• Բանկի հետ համագործակցող որակավորված անկախ գնահատող ընկերություններ
• Երրորդ անձանց կողմից մատուցվող այլ ծառայությունների գներ

Վարկառուի կողմից կատարվող այլ վճարներ.

• վարկային հաշվի բացման, վարման և սպասարկման նպատակով միանվագ միջնորդավճար
• վարկի ապահովման միջոց հանդիսացող գույքի գնահատման վճար (բացառություն են կազմում գյուղերում տրամադրված անշարժ գույքի վերանորոգման ապահովման միջոց հանդիսացող անշարժ և շարժական գույքերի գնահատումը, որոնց դեպքում սույն վճարը չի կիրառվում)
• վարկի ապահովման միջոց հանդիսացող գույքի տարեկան ապահովագրության վճար
• վարկառուին դժբախտ պատահարներց տարեկան ապահովագրության վճար
• վարկի ապահովման միջոց հանդիսացող գույքի գրավադրման պայմանագրերի նոտարական վավերացման վճարները և նշված պայմանագրերից բխող գրավի իրավունքի գրանցման վճարներ:
• տարեկան փաստացի տոկոսադրույք սկսած 12.98%

Վարկը կարող է մարվել (ամբողջությամբ կամ մասնակի) պայմանագրային ժամկետից շուտ, որի դեպքում, հաճախորդը վճարում է վարկի փաստացի ժամկետի համար հաշվարկված տոկոսագումարը, ինչպես նաև միանվագ տուգանք հետևյալ չափերով.

• առաջին տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.6 տոկոսի չափով,
• երկրորդ տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.4 տոկոսի չափով,
• երրորդ տարվա ընթացքում վաղաժամկետ մարում կատարելու դեպքում` տվյալ պայմանագրային տարվա համար մարման ենթակա վարկի մայր գումարից ավել վճարված գումարի 0.2 տոկոսի չափով, իսկ պայմանագրի գործողության մնացած ժամանակահատվածում վաղաժամկետ մարում կատարելու դեպքում` որևէ տուգանք չի գանձվում:

Ընդ որում, պայմանագրային տարի է համարվում պայմանագրի կնքման ամսաթվին հաջորդող յուրաքանչյուր 12-ամսյա ժամանակահատվածը: