Վարկը տրամադրվում է պետական կամ պետական հավատարմագրություն ունեցող ԲՈՒՀ-երի 18 տարին լրացած ՀՀ քաղաքացի և ՀՀ ռեզիդենտ հանդիսացող ուսանողների ուսման վարձն ամբողջությամբ կամ մասնակի վճարելու նպատակով:

• Կանխավճարի նվազագույն մեծություն չի սահմանվում,
• Արժույթ – ՀՀ դրամ,
• Վարկի նվազագույն ժամկետ – ուսումնառության ժամկետ` գումարած 6 ամիս,
• Վարկի առավելագույն ժամկետը – ուսումնառության ժամկետ` գումարած 6 տարի, բայց ոչ ավել, քան 120 ամիսը,
• Վարկի նվազագույն գումար սահմանված չէ,
• Վարկի առավելագույն գումար - ուսումնառության ողջ ժամանակահատվածի համար առավելագույնը 1,800,000 ՀՀ դրամ, որը տրամադրվում է 4 առանձին վարկերի միջոցով: Յուրաքանչյուր վարկի գումարը չի կարող գերազանցել 450,000 ՀՀ դրամը,
• Վարկի տարեկան տոկոսադրույք - 12%: Բոլոր ուսանողների համար ՀՀ ֆինանսների նախարարության կողմից կատարվում է վարկի տոկոսագումարների սուբսիդավորում 2 տոկոսային կետով, իսկ վարկի տրամադրմանը նախորդող մեկ ուսումնական տարվա ընթացքում գերազանց առաջադիմություն ցուցաբերած ուսանողների համար` 3 տոկոսային կետով: Վարկի տոկոսադրույքը կարող է փոփոխվել ուսումնառության ընդհատման, 90 օր ժամկետանց պարտավորություն ունենալու կամ ՀՀ ֆինանսների նախարարության կողմից վարկը չվերաֆինանսավորելու դեպքում: Ուսումնառության ընդհատում չեն համարվում ՀՀ ՊՆ ԶՈՒ զորակոչվելու տարիները:
• Վարկի տարեկան փաստացի տոկոսադրույք- 12.68%
• Վարկի մարումներ –մարումները կատարվում են ամսական անուիտետային վճարների տեսքով: Ընդ որում, ուսումնառության տարիներին վարկառուն կատարում է միայն տոկոսագումարի մարումներ, իսկ ուսումնառության ավարտից հետո` վարկի մայր գումարի և տոկոսագումարի հավասարաչափ մարում: Ուսումնառության տարիներին մայր գումարի մարում կատարելու դեպքում որևէ տույժ, տուգանք չի կիրառվում:
• Վարկի տոկոսագումարները հաշվարկվում են վարկի գումարի նվազող մնացորդի նկատմամբ:
• Վարկը տրամադրվում է առավելագույնը երկու անձանց երաշխավորությամբ: Ընդ որում, ծնողի երաշխավորությունը պարտադիր է: Անհրաժեշտության դեպքում կարող է պահանջվել նաև գրավ: Եթե հաճախորդը երկկողմանի ծնողազուրկ է, ապա որպես երաշխավոր կարող է հանդես գալ որևէ ազգական` ամուսինը, ամուսնու ծնողները, ծնողների քույրերն ու եղբայրները, տատը, պապը:

• Վարկի գումարը փոխանցվում է ուսումնական հաստատության բանկային հաշվին,
• Վարկի տրամադրման որոշումը կայացվում և տեղեկացվում է հաճախորդին վերջինիս կողմից անհրաժեշտ փաստաթղթերը ներկայացանելուց հետո 1 աշխատանքային օրվա ընթացքում:
• Վարկ տրամադրելու դրական որոշման կայացման կամ վարկի մերժման գործոններն են հաճախորդի, երաշխավորի վարկունակության գնահատումը,
• Վարկը ձևակերպվում է Բանկի մասնաճյուղերում,
• Վարկի վաղաժամկետ մարման դեպքում տույժեր չեն գանձվում: