MasterCard համակարգի բոլոր քարտերը չիպային են, ինչը գրեթե անհնար է դարձնում այս քարտերի կեղծումը և զեղծարար նպատակներով օգտագործումը:

Քարտով կարող եք.

• կատարել վճարումներ
• ստանալ կանխիկ միջոցներ բանկոմատներից և կանխիկի տրամադրման կետերից և կատարել Քարտից-քարտ փոխանցումներ բանկոմատների և www.arca.am ինտերնետային կայքի միջոցով,
• դիմել քարտով վարկային գծի ստացման համար,
• պատվիրել Կից քարտ Ձեր հարազատներին Ձեր քարտային հաշվից օգտվելու հնարավորություն տալու համար
• ակտիվացնել SMS տեղեկացում ծառայությունը Ձեր քարտային հաշվով կատարվող գործարքների մասին տեղեկատվություն ստանալու համար
• օգտագործել Ձեր քարտային հաշվի միջոցները ՀՀ ողջ տարածքում և արտերկրում։

• Եկամուտները հաստատող փաստաթուղթ
• Անհրաժեշտության դեպքում կարող է պահանջվել երրորդ անձի երաշխավորություն
• Անհրաժեշտության դեպքում կարող է պահանջվել Ձեր ընտանիքի անդամ(ներ)ի եկամուտների մասին տեղեկանք

• Արժույթը – ՀՀ դրամ, ԱՄՆ դոլար, Եվրո

• Սպասարկման միջնորդավճար – 3600 ՀՀ դրամ տարեկան

• Վարկային գծի հնարավորություն – մինչև 600,000 ՀՀ դրամ կամ համարժեք գումար

• Վարկային գծի տարեկան անվանական տոկոսադրույքը¹ – ՀՀ դրամ արժույթով քարտեր՝ 19․5-21%, ԱՄՆ դոլար արժույթով քարտեր՝ 17-20%, ԵՎՐՈ արժույթով քարտեր՝ 16-19%

• Վարկային գծի տարեկան փաստացի տոկոսադրույքը ^- ՀՀ դրամ՝ 21.34-23.14%, ԱՄՆ դոլար՝ 18.38-21.93%, եվրո՝ 17.22-20.74%

• Բանկի բանկոմատներից և POS տերմինալներից կանխիկացման միջնորդավճար –ՀՀ դրամ արժույթով՝ մինչև 1,000,000 ՀՀ դրամ` 0%, 1,000,000 ՀՀ դրամից ավել` 0.5%, արտարժույթային քարտեր՝ 05.%:

• Կից քարտի տրամադրում – անվճար (առավելագույնը 2 քարտ)

Ծանոթացեք ավելի մանրամասն Maestro քարտի տրամադրման և սպասարկման բոլոր սակագներին

Քարտերի սակագների նախկին պայմաններ։

1 Եթե Բանկի կողմից աշխատավարձերի սպասարկման ծրագրերի շրջանակներում այլ բան սահմանված չէ:

Ի՞նչպես կարելի է դիմել քարտի ձեռքբերման համար:

Որքա՞ն ժամանակ է անհրաժեշտ քարտի ձեռքբերման համար:

Քարտի և քարտային հաշվի դիմումը Բանկի ցանկացած մասնաճյուղում լրացնելուց հետո Քարտը Ձեզ կտրամադրվի առավելագույնը յոթ աշխատանքային օրվա ընթացքում, իսկ Քարտի ակտիվացումը կկատարվի Քարտի տրամադրման օրվանից առավելագույնը մեկ աշխատանքային օրվա ընթացքում:
Քարտի և քարտային հաշվի դիմումը առցանց տարբերակով լրացնելու դեպքում՝ Քարտի պատվիրումը կկատարվի Բանկի և Ձեր միջև փոխադարձ համաձայնությունից հետո:

Ի՞նչ է անհրաժեշտ քարտը ստանալու համար:

Վերոնշյալ եղանակներից յուրաքանչյուրով Քարտի համար դիմելուց հետո Քարտը ստանալու համար անհրաժեշտ է այցելել Բանկի` Ձեր կողմից ընտրված մասնաճյուղ՝ ներկայացնելով Ձեր անձը հաստատող փաստաթուղթ և հանրային ծառայությունների համարանիշ:1

¹Ամրագրվում է ՀՀ քաղաքացու նույնականացման քարտում, ՀՀ-ում մշտապես բնակվող` քաղաքացիություն չունեցող անձի, փախստականի ինքնությունը հավաստող փաստաթղթերում, նախկինում տրվող սոցիալական ապահովության քարտում, ինչպես նաև պետական ռեգիստր վարող մարմնի կողմից տրվող տեղեկանքում կամ պետական ռեգիստր վարող մարմնի կողմից տրվող տեղեկանք (բնօրինակ)` հանրային ծառայությունների համարանիշչստանալու վերաբերյալ:

Ձեր ֆինանսական տեղեկատուն

fininfo.am

Քարտի ՊԻՆ կոդը տրամադրվում է քարտը պատվիրելիս քարտապանի կողմից ընտրված տարբերակով.

• թղթային, որի դեպքում ՊԻՆ կոդը տրամադրվում է փակ ծրարի մեջ,
• SMS հաղորդագրության միջոցով, որի դեպքում քարտապանի՝ SMS հաղորդագրության ստացման համար Բանկում գրանցված հեռախոսահամարին ուղարկվում է մեկանգամյա օգտագործման վեցանիշ կոդ, որն օգտագործվում է բանկոմատի միջոցով նոր ՊԻՆ կոդի սահմանման համար:

Քարտերի վերաթողարկումը կատարվում է մինչև քարտի գործողության ժամկետի վերջին ամսվա 10-րդ աշխատանքային օրը:

Քարտի վերաթողարկման մասին որոշումը կայացվում է Բանկի կողմից՝ հիմք ընդունելով քարտով կատարված գործառնությունների ծավալը, քարտի սպասարկման միջնորդավճարի վճարումները և հաշվին առկա միջոցները, իսկ վարկային գիծ ունեցող քարտերի դեպքում՝ նաև ժամկետանց օրերի քանակը:

Քարտը փակվում է քարտով նախկինում կատարված բոլոր գործառնությունները քարտային հաշվով ձևակերպելուց հետո երեք աշխատանքային օրվա ընթացքում՝ պայմանով, որ հաշվի մնացորդը բավարարում է քարտով կատարված գործառնությունները ձևակերպելու և դրանց համար Բանկի սակագներով նախատեսված միջնորդավճարները գանձելու համար:

Քարտի փակումը հնարավոր է իրականացնել միայն բոլոր դրամային պարտավորությունները կատարելուց հետո:

Քարտի գործողության դադարեցման դիմում ներկայացնելիս քարտը Բանկին հետ չվերադարձնելու դեպքում քարտապանը լրիվ ֆինանսական պատասխանատվություն է կրում քարտի գործողության դադարեցումից հետո մինչև քարտի գործողության ժամկետի ավարտը քարտով կատարված հավաստագրում (գործառնության կատարման իրավասության ստուգում) չպահանջող գործարքների համար:

Քարտի առգրավում կատարվում է բանկոմատների կողմից, եթե

• կանխիկ գումարի ստացման/մնացորդի հարցման գործառնությունից հետո հաճախորդը բանկոմատից չի վերցրել իր քարտը,
• տեղի է ունեցել բանկոմատի կապի խափանում կամ այլ տեխնիկական անսարքություն:

Բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին քարտը առգրաված մասնաճյուղի կողմից, եթե հաճախորդը ցանկություն չի հայտնում քարտը ստանալ այլ մասնաճյուղից:

Հայաստանյան այլ բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:

Արտասահմանյան բանկի քարտի առգրավման դեպքում 1 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է քարտապանին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:

Քարտը կարող է ապաբլոկավորվել միայն այն դեպքում, եթե Քարտապանը բանավոր կամ գրավոր հաստատում է տվյալ գործարքների իր կողմից կատարված լինելը:

Բանկը կարող է միակողմանիորեն բլոկավորել Քարտը՝ Քարտով տրամադրված վարկի կամ Բանկում այլ վարկերի գծով ժամկետանց պարտավորությունների առկայության դեպքում՝ մինչև ժամկետանց պարտավորությունների մարման օրվան հաջորդող առաջին աշխատանքային օրը, ինչպես նաև Պայմանագրով սահմանված կամ ՀՀ օրենսդրությամբ նախատեսված այլ դեպքերում:

Բանկը կարող է առանց Քարտապանին տեղեկացնելու բլոկավորել Քարտապանի Քարտը, եթե առկա է Քարտով զեղծարար գործարքների իրականացման վտանգ:

Քարտապանն իրավունք ունի բողոքարկել իր Քարտով կատարված գործառնությունը վերջինիս կատարման օրվանից 55 (հիսունհինգ) օրացուցային օրվա ընթացքում:

Բանկը դիմումի ներկայացման օրվանից առավելագույնը 90 (իննսուն) օրացուցային օրվա ընթացքում Քարտապանին ներկայացնում է հիմնավոր պատասխան:

• Եթե Քարտապանի կողմից բողոքարկվող գործարքը կանխիկի ստացման գործարք է, ապա այն ենթակա է Բանկի կողմից բավարարման միայն այն դեպքում, եթե տվյալ բանկոմատը կամ կանխիկի տրամադրման կետը սպասարկող բանկն ընդունում է կանխիկ գումարի չտրամադրման փաստը:
• Եթե Քարտապանի կողմից բողոքարկվող գործարքը վճարման, ինտերնետի միջոցով իրականացված վճարման կամ Քարտի տվյալների ներկայացմամբ վճարման գործարք է, ապա այն ենթակա է Բանկի կողմից բավարարման, եթե Վճարային համակարգի կանոններով նախատեսված բողոքարկման գործընթացի շրջանակներում Բանկը հետ է ստանում բողոքարկվող գործառնության գումարը սպասարկող բանկից:
• Եթե Բանկը Քարտը սպասարկող վճարային համակարգի կանոններով նախատեսված բողոքարկման գործընթացի շրջանակներում որոշում է կայացնում չշարունակել բողոքարկման գործընթացը, սակայն Քարտապանը ցանկանում է դիմել բողոքարկման գործընթացի վերջին փուլին՝ դիմել տվյալ Վճարային համակարգի արբիտրաժային կոմիտեին, ապա արբիտրաժային կոմիտեին դիմելու համար սահմանված միջնորդավճարները, ինչպես նաև Վճարային համակարգի կողմից հօգուտ մյուս կողմի որոշում կայացնելու դեպքում Բանկի կրած ծախսերը փոխհատուցվում են Քարտապանի կողմից:

Բանկը պատասխանատվություն չի կրում.

ա) ուշացված, սխալ կամ չիրականացված գործառնությունների համար, որոնք առաջացել են առևտրի և սպասարկման կետերի կամ Վճարային համակարգի մեղքով կամ տեխնիկական պատճառներով, որոնք Բանկի ողջամիտ հսկողությունից դուրս են եղել,

բ) Բանկին չպատկանող միջոցներով իրականացված կանխիկացման կամ վճարման գործառնությունների ձախողման համար, եթե Բանկը ձախողման մեջ չի ունեցել մեղավորություն:

գ) Քարտի կամ Քարտի տվյալների միջոցով իրականացված անօրինական գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

դ) միկրոպրոցեսորային (չիպային) քարտով ՊԻՆ կոդի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

ե) ինտերնետի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

զ) այն գործառնությունների համար, որոնք կատարվել են Պայմանագրում սահմանված անվտանգության կանոնների խախտմամբ:

Է) Քարտապանի ու առևտրի և սպասարկման կետերի միջև առաջացած վեճերի համար:

ը) Հաշվի, ՊԻՆ կոդի, Քարտի համարի, գաղտնաբառի և Քարտի վերաբերյալ այլ տեղեկատվությունը Բանկից անկախ պատճառներով երրորդ անձանց հայտնի դառնալու համար:

Յուրաքանչյուր ամիս Բանկը Քարտապանին տեղեկացնում է նախորդ ամսվա ընթացքում Քարտով կատարված գործառնությունների վերաբերյալ` տրամադրելով նրան քարտային հաշվից քաղվածք: