Տնտեսվարողների շրջանակը.

• ՀՀ կամ Արցախի Հանրապետության տարածքում գրանցված և փաստացի գործունեություն իրականացնող մասնավոր առևտրային կազմակերպությունը (բացառությամբ լիցենզավորվող գործունեություն իրականացնող (բացառությամբ առողջապահության, տրանսպորտի և կրթության բնագավառների) և (կամ) պետական մասնակցությամբ առևտրային պետական մասնակցությամբ առևտրային կազմակերպությունների), որը Հայաստանի Հանրապետության կամ Արցախի Հանրապետության տարածքում առևտրային գործունեություն է իրականացրել առնվազն օժանդակությամբ վարկ ստանալու հայտի ներկայացմանը նախորդող մեկ տարվա ընթացքում։
• ՀՀ կամ Արցախի Հանրապետության տարածքում գրանցված և ՀՀ էկոնոմիկայի նախարարի 2013 թվականի սեպտեմբերի 19-ի N 874-Ն հրամանով հաստատված հավելվածի «F41 Շենքերի շինարարություն» ոլորտում փաստացի գործունեություն իրականացնող մասնավոր առևտրային կազմակերպությունը, որն իրականացնում է փաստացի կառուցապատման աշխատանքներ ՀՀ Սյունիքի մարզում։ Ընդ որում, սույն ենթակետով նշված տնտեսավարողներին տրամադրված օժանդակությունը կիրառելի է միայն այն վարկերի համար, որոնք տրամադրվում են սույն հավելվածի Վարկի նպատակներ կետի 4-րդ ենթակետում նշված ծախսերից մեկի կամ մի քանիսի իրականացման նպատակով։

Վարկի նպատակը (կարելի է օգտվել ինչպես մեկ, այնպես էլ մի քանի նպատակներից).

• Վարկային հայտի ներկայացման օրվա դրությամբ առկա (չվճարված) և հետագա 6 ամսվա վարկային պարտավորությունների (ներառյալ տույժերի, տուգանքների և տուժանքների) մարում՝ պայմանով, որ վարկային պայմանագրերը կնքվել են մինչև 2020 թվականի դեկտեմբերի 31-ը ներառյալ.
• Վարկային հայտի ներկայացման օրվա դրությամբ առկա (չվճարված) և մինչև 2021 թվականի հուլիսի 25-ը գոյացած հարկային պարտավորությունների մարում.
• Նոր սարքերի և սարքավորումների գնում կամ ներմուծում՝ պայմանով, որ տվյալ սարքերը և սարքավորումները պետք է օգտագործվեն ՀՀ կամ Արցախի Հանրապետությունում արտադրություն կազմակերպելու կամ արտադրությունն ընդլայնելու, ծառայությունների մատուցման և աշխատանքների կազմակերպման նպատակով (այսուհետ՝ սարքավորումների վարկեր/լիզինգ):
• Հայաստանի Հանրապետության Սյունիքի մարզում «F41 Շենքերի շինարարություն» ոլորտում տնտեսական գործունեության իրականացումից առաջացած պետական կամ համայնքի բյուջե հարկերի, տուրքերի և պարտադիր վճարների վճարումների, տնտեսավարողի աշխատակիցներին աշխատավարձ կամ դրան հավասարեցված վճարումների, կապալի և մատակարարման պայմանագրերով առաջացած պարտավորությունների վճարումների իրականացման նպատակով։ Ընդ որում, սույն ենթակետի իմաստով վճարում է համարվում վարկային հայտի ներկայացման օրվա դրությամբ առկա (չվճարված) և մինչև 2021 թվականի հուլիսի 25-ը գոյացած և հետագա 6 ամսվա պարտավորությունների մարումները։

Վարկի պայմանները.

• Առավելագույն փաստացի տոկոսադրույքը՝ տարեկան 14,5 % ՀՀ դրամի դեպքում և տարեկան 10 % արտարժույթի դեպքում
• Արժույթ՝ ՀՀ դրամ կամ արտարժույթ (արտարժույթի դեպքում հաճախորդը պետք է տվյալ վարկի համար բավարար չափով արտարժույթով հասույթ գեներացնի)
• Ժամկետ՝ մինչև 60 ամիս, սուբսիդավորումը ՀՀ դրամի դեպքում մինչև 12 ամիս, արտարժույթի՝ մինչև 6 ամիս
• Արտոնյալ ժամկետ՝ մայր գումարի արտոնյալ ժամկետ ՀՀ դրամ՝ մինչև 12 ամիս, արտարժույթ՝ մինչև 6 ամիս
• Առավելագույն գումար մեկ վարկի գծով՝ 1 մլրդ ՀՀ դրամ կամ դրան համարժեք արտարժույթ

• Վարկային միջոցները պետք է օգտագործվեն միայն անկանխիկ և բանկային փոխանցումներով,
• միջոցառման շրջանակներում տրամադրվող վարկերի համար վարկային հաշվի բացման, վարման և սպասարկման նպատակով վարկի տրամադրման պահին հաճախորդից միջնորդավճար չի գանձվում,
• պայմանագրային ժամկետից շուտ վարկերի մարման դեպքում վարկի վաղաժամ մարման վճար չի գանձվում,
• վարկի մայր գումարի և տոկոսագումարների մարումը կատարվում է ամսական հավասարաչափ մասերով,
• տոկոսագումարը հաշվարկվում է վարկի նվազող մնացորդի նկատմամբ,
• վարկի ապահովման միջոց (գրավ) կարող են հանդիսանալ անշարժ գույքը, տրանսպորտային միջոցը (ավտոմեքենան), գյուղատնտեսական տեխնիկան, սարքավորումը, դրամական միջոցները, ոսկյա իրերը, ապրանքանյութական այլ արժեքները, ինչպես նաև, անհրաժեշտության դեպքում, երաշխավորությունները,
• վարկի մայր գումարի և 12 ամսվա տոկոսների հանրագումարը չպետք է գերազանցի գրավի գնահատված արժեքի 83.33%-ը։

Տեղեկացեք մանրամասն.

Հնարավոր լրացուցիչ վճարումների չափի մասին՝ Վարկային սակագներ